( Speed Service Center :: ( enghany

**enghany** · 12-08-2013 04:23 PM

المشاركة الأصلية كتبت بواسطة kha

لسلام عليكم
باختصار انا معايا سيراتو2010 خليجى اشتريتها من 10شهور وكانت عاملة 41 الف وهى دلوقت عاملة 49 الف ولما اشتريتها غيرتلها زيت وبوجيهات وفلاتر والعربية فيها مشاكل كتير فى العفشة وبحس باصوات فى العفشة مع اقل مطب وخد بيها بلاعة كانت عالية شوية وهى كانت واخدة خبطة جامدة فى القنطرة قبل مشتريها ومحتاجة تتغير وفيها شغل سمكرة فى الاكصدامين و محتاجة تترش ده غير ان الباور تقيل جدا والعربية بتحدف ناحية اليمين وفى اصوات تزييق فى الابواب وصوت تصفير فى الفرامل واهتزاز الطارة وعدم الثبات فى السرعات العالية دة تقريبا كل المشاكل اللى فى العربية وفى ناس فى المنتدى رشحولى المركز ياترى انتوا بيتشغلوا فى الصيانة والسكمرة معا وتقريبا التكلفة كام وارجو الرد واسف على الاطالة
وشكرا

اولا انا بشكر حضرتك وبشكر كل الناس الي رشحتنا لحضرتك
تعالي نبص سوا عاعربيه و باذن الله خير

**enghany** · 12-08-2013 04:24 PM

المشاركة الأصلية كتبت بواسطة bassam92

معايا فيرنا 2013 قطعت منى كهربا وانا فى نص المحور واتصلت بالتوكيل بعتلى ونش ,
مع العلم العربية لسة ما كملتش 1000 كيلو , وده حارق دمى جدا , وهى محجوة عندهم الان . مش عارف بقى
بطارية , ولا ايه ؟؟؟

الزمي الفاضل
ان شاء الله خير و لو اني اشك انها بطاريه وافيني بالتطوات و دا تليفوني 01060900088

**elsheikh2010** · 13-08-2013 02:54 AM

أنا كل فترة بأدخل على الموضوع وبأقرأ شكر الأعضاء لك والنهاردة لا امللك الإ ان أتوجه بالشكر لحضرتك نيابة عن بقية الأعضاء الذين ساعدتهم و إن شاء الله سوف أكون أول عميل من البحر الأحمر عندك حضرتك
محمد الشيخ ....البحر الأحمر

**bassam92** · 13-08-2013 05:31 PM

المشاركة الأصلية كتبت بواسطة enghany

الزمي الفاضل
ان شاء الله خير و لو اني اشك انها بطاريه وافيني بالتطوات و دا تليفوني 01060900088

غيرولى الضفيرة كلها , علشان كل ما يغيرو الفيوز الابيض الكبير ده يتحرق , فا غيروها , على حسب كلام المهندس , والحمد لله استلمتها النهاردة , وربنا يعوض , ويسترها , ويديمها وتفضل كويسة .

**enghany** · 13-08-2013 06:59 PM

المشاركة الأصلية كتبت بواسطة bassam92

غيرولى الضفيرة كلها , علشان كل ما يغيرو الفيوز الابيض الكبير ده يتحرق , فا غيروها , على حسب كلام المهندس , والحمد لله استلمتها النهاردة , وربنا يعوض , ويسترها , ويديمها وتفضل كويسة .

زي ما توقعت المشكله الضفيره مصري و مش اول مره تحصل

**elsheikh2010** · 14-08-2013 01:57 AM

المشاركة الأصلية كتبت بواسطة elsheikh2010

أنا كل فترة بأدخل على الموضوع وبأقرأ شكر الأعضاء لك والنهاردة لا امللك الإ ان أتوجه بالشكر لحضرتك نيابة عن بقية الأعضاء الذين ساعدتهم و إن شاء الله سوف أكون أول عميل من البحر الأحمر عندك حضرتك
محمد الشيخ ....البحر الأحمر

no comment !!!!!

**enghany** · 14-08-2013 12:43 PM

المشاركة الأصلية كتبت بواسطة elsheikh2010

no comment !!!!!

اخي الكريم محمد بك يا باشا انا علمت ر (شكر للمشاركه)
تاني حاجه احنا معرفه قديمه
تشرف و تنور في مكانك يا محمد بك

**mhkorayem** · 15-08-2013 02:29 PM

انت فين يا بشمهندس هاني
حاولت اكلمك بقالي كتير النهارده بس مش عارف اوصلك كنت محتاجك ضروري

**mhkorayem** · 18-08-2013 10:25 PM

1000 شكر يا بشمهندس هاني على الشغل اللي اتعمل في العربيه بس لازم تلاقي حل لمشكله التليفون جوه الورشه ضروري
هي الحمد لله لحد دلوقتي تمام والحراره مفيهاش مشاكل
بصراحه مكنتش عارف هروح الشغل ازاي من غير العربيه بالذات في اليومين القلق دول (ربنا يكرمك انك اسعفتني في الموضوع ده في الويك اند)

على فكره التكيف بقى زي الفل بعد تنظيف الرادياتير والسربنتينه تسلم ايدين الشباب

**el_nahal2004** · 18-08-2013 11:01 PM

المشاركة الأصلية كتبت بواسطة matantawy

النهاردة نزلت الموزع المعتمد اللى فى شارع دمشق
جبت من عنده كاتم صوت ب 220 جنيه و دى كانت المفاجأة ! فى الحرفيين و محلات الاستيراد قالولى 400 و 450 !! واضح انهم كامو عاوزين يلبسونى بتاع الالنترا !

سؤال بعد ازنك هو كاتم الصوت ده لايه بالضبط؟؟