الموضوع: عربيتى الغاليييييييييييييييييييي يييه

ايه سر العلاقه النفسيه اللى بتخلى الواحد يرتبط بعربيته ارتباط وثيق ؟ السيد المهندس الفاضل سبعاوى كان اتكلم عن الموضوع ده فى منتدى كونتاكت من فتره بخصوص عربيته الشاهين و من المفارقات ان انا كمان معايا شاهين 1996 و هيا اول عربيه فى حياتى و اول عربيه اشتريتها و اتعلمت عليها مع العلم انى كنت بعرف اسوق ايامها بس كانت هيا اللى علمتنى اكتر و زودت خبرتى اكتر , انا فاكر يوم ما اشتريتها كانه امبارح و فاكر لما اشترتلها الفرش الجاد و الجنوط و الكاسيت و مشاوير الكهربائى و الميكانيكى علشان الصيانه اول ما جبتها و بدايه تعاملى مع الصنايعيه و محلات قطع الغيار لاول مره , و المواقف و المناسبات الاجتماعيه و العائليه الكثيره جدا سواء سعيده او حزينه اللى عاشتها معايا العربيه و مشاركتها فى افراح غالبيه شباب العائله و افراح اصحابى و فرحى انا شخصيا و مشاوير تجهيز الشقه قبل الفرح و المشاوير لمعارض الموبيليا ... ذكريات جميله :) ... كل ده ادى الى ان العربيه اصبحت جزء منى لا استطيع الاستغناء عنها و لا اطيق البعد عنها نظرا لكم الذكريات و المواقف اللى جمعتنا سوا و مع اعجاب كل اصحابى و اهلى دون استثناء بالعربيه و ثنائهم عليها علشان اهتمامى الغير محدود بيها و علشان اضافاتى البسيطه عليها خلتها مميزه جدا عن اى عربيه شاهين تانيه..... المشكله بقى ان من فتره و انا معجب جدا بالمتسوبيشى لانسر و نفسى ربنا يوفقنى و اجيب واحده مع العلم انه بفضل الله المبلغ متوفر و ممكن اجيبها بدون مشاكل بس كل ما احس ان الشاهين هتبعد عنى و هابيعها يحصلى ارتكاريا و ابقى حاسس انى هاموت من غيرها و بسبب ذلك حصل عدد من المواقف البايخه منى للناس اللى عايزه تشتريها و كل ما حد ييجى و يشوف العربيه و نتفق اقوم بعدها رافض فكره البيع علشان مش هاينه عليا ..... انا عارف انى دوشتكم بس كنت عاوز افضفض معاكم عن العربيه و ياريت ما تبخلوش عليا برايكم فى الموضوع ده و خصوصا السيد الفاضل المهندس سبعاوى ....... و لكم جزيل الشكر و الاحترام

يااااااااااااه ليه بس يا جماعه فكرتوني و انا كنت علي وشك النسيان و فاكر اني انا بس اللي كده.بس طالما جات مناسبه بقي احكيلكم.
كان معانا عربيه بتاع والدي 125 و العربيه دي قعدت معانا 17 سنه!! كان بيجي عليها عربيات و تتباع و دي مش بتتباع ابدا كان والدي معتز بيها جدا جدا و انا كانت علاقتي بيها علاقه غريبه جدا كنت ابص ليها كره الاقيها بتضحك في وشي لما كنت اعمل فيها شغل كويس و لما كنت اهينها(خمسات و امريكاني)ما تكسفنيش بس لما اروح الاقيها بتبص ليا بغضب :? !!!!!!!!كنت بحبها جدا و حتي لما اشتغلت و قولت اجيب عربيه لنفسي و لقيت العربيات تمنها غالي اوي (سنه 2002 مع ارتفاع الرهيب للدولار) قولت خلاص هيا دي عربيتي و لازم استخمل المهم صرفت عليها حوالي 6000 جنيه و عملت فيها كل حاجه اللي كان يشوفها كان يفتكرها زيرو من نضافتها و فضلت معايا حوالي 6 شهور بعد ما عملت الشغل دا و بعدين جالي فرصه عمل في الامارات و علي فكره اول مره سافرت الامارات كان 18 يونيو 2004 يعني زي انهارده كده و يوميها الفجر كنت راكب العربيه و راجع البيت و انا فرحان اني مسافر و جالي احساس ان دي اخر مره حركب فيها العربيه دي في حياتي !!!! فعلا احساس غريب و بقيت ماشي بيها براحه علشان استمتع بيها لاقصي مدي و ركنتها تحت الببيت و فضلت قاعد فيها مش اقل من عشر دقايق عمال ابص لكل جزء في الصالون و كان كل جزء ليه ذكري معايا باعتبار انها اتفكت و اتركبت علي ايدي و صلحت حاجات كتير في الصالون بنفسي المهم بعد ما بصيت و مليت عيني منها روحت جاي خارج بره العربيه و قبل ما اطله روحت جاي بايس الكبوت :roll: و لقيتها برضه بتبص ليا نظره فيها وداع و سافرت الامارات و كل ما اكلمهم اسال عليها عامله ايه من غيري لحد ما بدات تفتح في المصاريف تاني و انا زهقت من التصليح كل شويه دا غير اني خلاص عاوز اركب عربيه مكيفه ف اتصلت و الحيت علي والدي انه يبيعها و فعلا واحد جه لحد البيت اشتراها من غير لا سماسره و من غير ما نكلم حد عليها بس يوميها اللي سمعته منهم في البيت ان والدي كان راجع و زعلان كأن في حد توفي و فضل زعلان يجي اسبوع عليها او اكتر.و انا لما عرفت مكنتش مصدق ان حاجه زي دي حصلت و فضلت اكتب في خواطر ليها :lol: .اتبعات العربيه اللي حضرت ايام فرحي و تعسي اتباعت العربيه اللي علمتني السواقه و علمتني كتير في الميكانيكا اتباعت العربيه اللي حضرت معي ايام مراهقتي و شبابي اتباعت العربيه اللي اتعلمت بيها الاستعراضات اتباعت العربيه اللي كانت بتعتبر علامه ليا و غيرت راي ناس كتير في الموديل دا .راحت و راحت معاها بلا رجعه زكريات حلوه و مره ان كان المعظم حلو .فعلا صعبت عليا جدا جدا و خصوصا اني بشوفها كتير بس اللي اشتراها مش محافظ عليها نهائي و بهدلها جامد جدا و بقت شكل العربيات التعبانه بعد ما كان شكلها ابن ناس و كذا مره اكون عاوز اوقف صاحبها علشان ابهدله علي اللي عامله فيها :lol: بس ارجع اقول و انت مالك و الاقيها برضه بتبص ليا و بتقولي انت السبب في اللي انا وصلتله و في عيونها نظرات عتاب بس دوام الحال من المحال و الايام مسيرها تنسيني و تنسيها :lol: