الموضوع: محتار ما بين الكارينز والقشقاي والسبورتاج دلوني يا خبراء

سؤال لأستاذنا الفاضل يوسف
هل الكيا الاسبورتاج الهاى لاين بتبقى بالكامل تحكم كهرباء يعنى المرايات والنوافذ والكراسى
والأهم من ذلك بتنزل بإضاءة زينون ولا لا
ولو لا هل ممكن أضيف أنا الزينون ولا مينفعش
وهل بينزل منها فى مصر دفع رباعى
لأن موضوع الدفع أو الجر ده مهم جدا جدا جدا
السوبارو xv مميزة جدا جدا فى الجزئية دى
سؤال أخير هل القاشقاى بتكون فرش جلد فى الهاى لاين ولا بتكون قماش
وفيها تحكم كهربى زى الاسبورتاج ولا لا ؟؟
دمت بود
ومشكور جدا جدا لمشاركاتك المميزة

1000000 مبروووووووووك

الحمدلله
النهاردة كلمت توكيل كيا وسألته عن سبورتاج الهاى لاين
الراجل بصراحة مقصرش قعد يمدح فيها كتير
بعدين بقوله ايه اللى يخلينى أشتريها بدل القاشقاى
قالى ياباشا مفيش مقارنة أصلا قاشقاى دى فى الضياع
مقلش كده بالنص بس ده مضمون كلامه
المهم أنا اقتنعت -ههههههههههه-
بعدين بسأله عن الزينون قالى مش بينزل فيها بس احنا ممكن نركبه لحضرتك
قلتله تمام ايه بقى الألوان المتوفرة عندكم علشان أختار
قالى انت بتدفع 40 الف مقدم وبتستلم السيارة بعد 7 شهور
بصراحة مبقتش عارف أقوله ايه -كتمت الغلط بالعافية-
وبعدين قلتله متشكر لتعاون حضرتك وقفلت معاه

بعدها مباشرة كلمت توكيل سوبارو بسأله عن xv الهاى لاين
قالى دى مفيش قبلها ولا بعدها
ودفع رباعى طول الوقت وثبات مفيش بعد كده
المهم قلتله طيب الكماليات ايه
فيه زينون قالى لا طيب حساسات قالى لا طيب فيه كاميرا قالى لا
برضه كتمت الغلط بالعافية
يعنى أدفع 215 الف فى سيارة ويبقى ناقصنى حاجات -ياحلاوة-

المهم احنا ان شاء لله هنجيب قاشقاى الهاى لاين 2013 الأسبوع القادم
حد عايز أجيبله معايا !!