الموضوع: لانوس وسيراتو واوكتافيا على الصحرواى

المشاركة الأصلية كتبت بواسطة shnory

لاقدر الله لو كانت حصلت حاجه وانتم ال3 ضربتم فرامل خطر
كنت حتسبقهم برضه علي فكره
الاوكتافيا محكومه 190 علشان يقدر يسيطر عليها في الطوارئ
ربنا يسلمكم جميعا
بس جمال الصحراوي لما الواحد بيمشي عليه 100 في الروقان

انا دايس فرامل على 180 قبل كدة والحمد لله رائحه الشياط كانت تجنن بس نزلت لسرعه 70 فى ثوانى
والحمد لله موقفها تماما على سرعه 140 وفى مسافه ووقت كويسين
وبعدين لو الطريق زحمه عمرى ما هجرى كدة الطريق فاضى على مد البصر--غير انى راجل عجوز 42 سنه ومش بعمل عرز ولا حركات

المشاركة الأصلية كتبت بواسطة shnory

خلاص طالما عجبتك ريحه الشياط
حجيبلك سبراي شياط بس متجريش تاني
كل ما يهفك الشوق للجري اجري 120 ولا 140 واضرب فرامل وحد يرشلك الاسبراي
هههههههههههههه
ربنا يباركلك في عربيتك وطريقك

يا باشا تعيش وانا اصلا مش بجرى ولا حاجه انا بطير بس هههههههههه
عموما شرفت موضوعى جدا وسعدت بك
واروجوك لو حصلت خناقه تيجى نهدى النفوس

المشاركة الأصلية كتبت بواسطة hmatchy

ماهو طول ما انت فى طريق طوالى هتبهدلهم لكن تعالى بقى فى ملفات او غرز الاوكتافيا لو قلبو جامد و سواق صح هيعقدك انت و السيراتو
انا ديما لما بسافر اسكندريه و يشد معايا لانسر بومة 1600 او فيرنا بيزحفونى وراهم فى الطوالى لكن مع الملفات و الغرز بنفخهوم لان الملف اللى بياخدو 120 او 140 و هو قلقان انا باخدو 160 مرتاح و اغد غرز كمان اوى و ممكن 180 كمان فى نفس الحارة علشان كده بيعدو يطلعو منى بس مع اول ملف و غرزتين تلاته بيختفو خالص

معلش مع احترامى لكلامك انا لما كنت ماشى بعربيتى اللانوس 190 بكاوتش 185/60 انا كنت بدخل الملف من غير ما اشيل رجلى و مكنتش بحس باى مشكله بسم الله ما شاء الله و انا اد كلامى فى موضوع الملفات دا

المشاركة الأصلية كتبت بواسطة lanos2004

الانوس ماتور 1500 سى سى اتنين كامه 110 حصان عند 6200 لفه- عزم 140 نيوتن
الاوكتافيا 1600 سى سى 116 حصان عند 6000 لفه ماتور-mpi-عزم 155 نيوتن
السيراتو 1600 سى سى 126 حصات عند 6300 لفه عزم 156 نيوتن
الطريق اسكندريه الصحراوى رايح
كنت ماشى فى امان الله عادى 130 وبفكر فى الشغل الى رايح ليه لقيت على يمينى اوكتافيا قلت الحمد لقيت حد هيسلينى
دوست بنزين شويه وصلت 140 وطبعا هوة قال اما اكل العربيه اللعبه دى ميعرفش الخدعه المهم كنا جنب بعض وانا جايب اخر الدواسه على الغيار الرابع وهوة على اليمين عربيته فى نص عربيتى فجاءة لقيت عربيته اتجننت وبتعدينى يا خبر ابيض هوة ايه الى حصل
كنا داخلين على 160--الاوكتافيا دى داست على زرار ولا ايه- بقيت انا الى فى نص عربيته لحد 165 ولقيت على شمالى كيا جاى طاير اصلا من ورا وهدى وبقا معانا
قلت كملت الواحد هيتاكل ولا ايه وانا فى النص بينهم طبعا
انا دايس بنزين ورجلى هتطلع من ارضيه العربيه
الاوكتافيا بداءت تتراجع وانا داخل على 180 قلت الحمد لله ادى واحد
وصلت 180 السيراتو على شمالى بس ورايه
جبت الغيار الخامس وبدأت المهزله الفرق عمال يزيد 190 حولى عشرين متر والكيا قريبه من الاوكتافيا
200 ببص فى المرايا قلت الحمد لله الانوس رفعت راسى

205 كانوا بقا بعيد
نزلت 190 تانى الى هيه اخر سرعه تقريبا ليهم واخدتم رايح جاى وبعدين اتختفيت من قدامهم كنت 208 تقريبا
بس الحمد لله الطريق كان فاضى جدا ومساعد
فجاءة لقيت نفسى وصلت الاسكندريه ازاى معرفش
شكرا دايو لانوس

ممكن انحنيلك لانك بجد عرفت الناس ان اللانوس بجد مش بتاعت مصر بسم الله ما شاء الله و اكدتلى ان فعلا الموتور ال 1500 دا فعلا موتور عالمى و خساره ان اللانوس اللى فى مصر مش بتنزل فيه كان زمان اللانوس ليها اعتبارات تانيه خالص فى مصر و مكنتش الفيرنا بقت معروفه كده

المشاركة الأصلية كتبت بواسطة inteltech

باشا ربنا يبارك لحضرتك بالعربية وبصراحة بسم الله ما شاء الله ده ملوش الا تفسير واحد ان حضرتك حافظ عربيتك ومحترف مع ان في وجهة النظر الغلط ان العربية تسارع بس ما كل الكوري جراي ملوش حل زي ما هو بنفس الوقت ملوش حل انك تلمه وتسيطر عليه وعايز انك تكون محترف بجد لكن اننا نقول ان اللانوس افضل من الاوكتافيا لا سامحني ده كلام في الهوا يعني ايه احسن والاوكتافيا على الاقل سعرها 3 اضعاف عربية لانوس!!!!! طب فرق السعر ده رايح فين ؟؟؟ مش بوسائل امان ولا موتور ولا رفاهية ولا فرامل وعفشة وسيطرة ولا ايه ولا ايه ممكن اعرف اللانوس مجهزة بايه من وسائل الامان؟؟؟ مجهزة بعفشة شكلها ايه وازاي ؟؟؟ مش بقلل من قيمة عربيتك ياباشا بس دي فئة ودي فئة تانية خالص.وانت سيد العارفين لان عند حضرتك باسات وعارف الكلام ده كويس. ربنا يسلم طريقك ويحفظك من كل سوء .

الحمد لله انا عربيتى زى ما بتجرى زى ما بتقف --ثانيا موضوع الحوادث دى اقدار
كان فيه شبورة من كام شهر على الصحراوى كانت صعبه جدا وحوالى 30 عربيه رشقوا فى بعض وكانت العربيه الى قدامى مباشرة اوكتافيا فانتزيا والعجله الشمال اتكسرت من قوة التصادم وطبعا اير باج فتح وزيت فتيس على الارض--وانا الحمد لله وبتوفيق من ربنا وبتحكمى فى العربيه -كنت العربيه الوحيدة الى لم اصاب بخدش--بس طبعا العقل حلو والواحد مش مقضيها جرى انا اصلا كنت ماشى 130 قلبها يعنى اعتبر واقف بالنسبه للصحراوى