النجدة يارجالة لوجان..بتفصل عند المطبات ايه الحل؟؟؟؟؟؟؟؟؟؟

**halem0000** · 13-05-2012 12:52 AM

باشا من الآخر عشان متحيرش نفسك إطلع على التوكيل فوراااااااا

**shawkylotfy** · 13-05-2012 01:43 AM

العربية فى الضمان روح التوكيل وهما يتعاملوا فيها

**Egyzizo** · 13-05-2012 02:04 AM

طيب ، طالما ماحدش سعفك ، ممكن أفتى أنا .. أعتقد ان الموضوع له علاقة ببوابات الهوا ، وانها عايزة تنضيف أو تغيير لأن العربية طالما بتبطل لما بتهدى فى المطبات يبقى ده بيحصل لما بتشيل رجلك من على البنزين، فالموضوع له علاقة بالبوابات.

**ali_333** · 13-05-2012 02:09 AM

ألف شكر يارجالة

ماهي البوابات يا ايجي زيزو؟ حاجة متعلقة بالكهربا ولا ايه؟ وكم تكلفة البوابات ده؟

**خالد** · 13-05-2012 11:11 AM

المشاركة الأصلية كتبت بواسطة egyzizo

طيب ، طالما ماحدش سعفك ، ممكن أفتى أنا .. أعتقد ان الموضوع له علاقة ببوابات الهوا ، وانها عايزة تنضيف أو تغيير لأن العربية طالما بتبطل لما بتهدى فى المطبات يبقى ده بيحصل لما بتشيل رجلك من على البنزين، فالموضوع له علاقة بالبوابات.

+1111111111111
حصلت معايا فى الماروتى ونضفت البوابات فعلاً وظبطت الكربراتير وبقيت تمام التمام
ربنا يصلحلك الأحوال

**ahmedeg1** · 14-05-2012 02:21 PM

نضف الايدل و البوابه و هتختفى المشكله تماما ان شاء الله

**yousse_mohamed** · 14-05-2012 03:26 PM

حاول جرب موضوع الايدل والبوابات او روح التوكيل وان شاء الله خير

**drosamaragab** · 14-05-2012 10:08 PM

ايام الفيات الله لايرجع ايامها كانت المشكله دي ان بك السلانسيه بيتقفل من البنزين الوسخ اللي كنا بنحطه

انا اعتقد ان الموضوع ده هيكون مشكله في البوابات ودي عاوزه تتنظف في التوكيل
ودي فتوى مش اكيد بس انا قريت موضوع هنا من زمان عن حاجه زي دي وطلعت البوابات عاوزه تتنظف والله اعلم

**akramtiti** · 15-05-2012 02:58 AM

زي مابعض الاعضاء تفضلوا وقالوا البوابات بالاضافه للبنزين حاول تحط 92 ولو اعلا ياريت وتغير البنزينه اللي بتحط منها

**NOURHASAN2002** · 15-05-2012 01:23 PM

الناس قالولك احتمال صحيح لكن اذا كان الموضو مرتبط او حصل بعد تغيير البطاريه فقد تكون قواطيش البطاريه موش مربوطه كويس او متنظفتش قبل التغيير المفروض بتتنضف بميه سخنه وتتركب البطاريه الخديده ثم يتم الربط جيدا اما البطاريه نفسها معتقدش انها بتهرب كهربا لآن ده كان هيسبب وقوف علي اي سرعه لكن مع الفرمله او الطلوع ده معناه نتيجة اهتزاز البطاريه عن الكلبسات المربوطه في القواطيش ده احتمال اقرب خاصه لو اول مره تحصل مع تغيير البطاريه والله اعلم