والله انا خلاص جالى صداع ساعدونا ارجوكم... لوجان ولا byd f3

**msa667** · 12-05-2012 05:10 PM

السلام عليكم ...
انا ليا اكتر من سنه وانا بدور على عربيه مناسبه ولفيت هنا وهنا لحد مانويت خلاص اجيب لوجان جديد ناس كتيير بتتكلم عليها كويسه وشديده وواسعه بعد كده قلت ياواد ماتجيب تيجو انت من زمان ونفسك تركب عربيه عاليه مليانه اوبشن بس اهم حاجه عندى التكييف علشان معرفش التكييف اخباره ايه بعدت شويه غير كده خوفونى من الصينى ....... بعد كده شفت البى واى دى عربيه شكلها حلو وتحسها ماسكه نفسها وبرده نفس مشكله التيجو معرفش اخبار التكييف ايه وخوفونى برده من الصينى ....
بقى دلوقتى انا بسال اولا: اللوجان كوضع عام اخبارها ايه
ثانيا :التيجو بقى حد جربها كده وقيمها كويس ويقول بقى اخبار التكييف ايه قوى ومبياثرش على السحب ولا ضعيف وبيأثر
ثالثا : البى واى دى صحيح 80 فى المائه من قطع الغيار ممكن تتجاب كورولا او ميتسوبيشى .... والتكييف هو نفسه تكييف اللانسر ولا يختلف وبياثر على السحب ولا لا وضيف ولا قوى ولا كويس
رابعا: ترجحولى مين فيهم مع العلم ان انا مشوايرى كتيير وبسارف اربع مرات فى الاسبوع حوالى 250 كيلو رايح جاى ... ياريت الافاده واللى جرب افضل
وشكرا مقدما

**S O P H O S** · 12-05-2012 05:30 PM

انا ارجح البي واي دي
مجرد راي فقط

**moh_faheem** · 12-05-2012 06:49 PM

روح قسم البى واى دى هناك كل ما تريد معرفته
وانا ارشح البى واى دى

**Dr'AhmZZong** · 13-05-2012 01:42 AM

بص يا سيدي أنا لما شفت قطع غيار byd .. انبهرت بصراحة رخيصة جدا جدا جدا .. و محدش اشتكى من العربية ديه ..

بس في حاجة الخوف منها في اعادة البيع لانها صيني ..

بص هو القلب يختار لوجان لكن العقل يختار byd ..

**Abdm** · 13-05-2012 02:13 PM

البايد مش وحشة لكن مستواها أقل بردة من الرينو ...لاحظ أن اللوجان أسم وماركة محترمة وتوكيل محترم وتحس أنك وراك ظهر جامد وخاصة بعد ما نزلت أتوماتيك .... على الآقل لو فى أى مشكلة ظهرت فى اللوجان تروح التوكيل وأنت فى بطنك بطيخة صيفى .... .
قطع الغيار بتاعت اللوجان بردة متوفرة خارج التوكيل وبالتوكيل لكن غالية شوية لو تقدر على اللوجان يبقى أنت الكسبان ...

والله الموفق والمستعان

**ayman1204** · 13-05-2012 04:36 PM

اللوجان واتوكل على الله
مهمها كان التغيير والجودة مهمها كانت
الصينى بيفضل صينى

**Sehsss** · 13-05-2012 07:41 PM

البي واي دي عربية كويسة جدا بالنسبة لفئتها السعرية، بس اللوجان أفضل في كل شىء ما عدا أسعار قطع الغيار لصالح البي واي دي

**خالد** · 15-05-2012 05:53 PM

اللوجان أفضل
ماركة مضمونة - قطع غيار غالية ولكنها معمرة - عالية عن الأرض وماتحكش فى المطبات - أمان بمقاييس أوروبية - أفضل قيمة مقابل النقود
وربنا يوفقك