الموضوع: معروض عليا فيليشيا 98 ارجو المساعدة ضروري

المشاركة الأصلية كتبت بواسطة ali attia

السلام عليكم ورحمة الله
انا كنت بدور علي فيليشيا 97 حالة نضيفة و مش معايا غير 27000 المهم لقيت واحدة 98 وش اوكتافيا بس معروضة علي 33 الف_ كاربرتير وفبريكا جوة وبرا وتكييف وسنتر وانذار وزجاج كهربا وعاملة 120000 ك/م والرخصة سنة بأسم المالك, فقولت اشوفها واحاول اجمع الباقي لو عجبتني المهم روحت مع واحد صاحبي بيفهم وبيبيع ويشتري,
وش الاوكتافيا على ما اعتقد انها انجيكشن مش كربراتير مش عارف معلوماتى كده صح ولا غلط لو غلط حد يصححهالى موديل 98 وماشية 120000 وعلى 33 اعتقد غالية
لقيت انها فعلا فبريكا جوا وبرة والموتور كويس بس التكييف عايز شحن والأنذار مش شغال والزجاج الكهربا متركبلها مش فبريكا والوش و الأكصدام مفكك كدة ومتبهدل وفيها كام خبطة بسيطة ( تحس انها فبريكة برا اهمال من صاحب العربية مش محافظة عليها ) ولسة صاحبها مركبلها فتيس استيراد بضمان 6 شهور , حاولت انزل السعر ل 29000 لكنه اخره كان 30000

ارجو من الزملاء الأفاضل انهم يقولولي اعمل ايه هل اتصرف في الباقي واخلص مع اني هحتاج اصرف عليها من ناحية النضافة بس لأن اساسيتها سليمة ولا اصبر شوية واشوف واحدة 97 حالتها كويسة وصاحبها منضفها
ولو نصحتوني اني اشتريها هل السعر ده كويس وعايز اعرف ثمن كام حاجة هاعوذ اشتريها عشان اظبطها شوية وهما:
.... بكام اكصدام امامي والوش نفسه إللي بين الفانوسين وتحتهم (وش اوكتافيا) ؟
اكصدام امامى استيراد 250 جنيه الوش مش عارف سعره
.... بكام شحن التكيف وهل هيؤدي لتسخين العربية لو اشتغل ؟
الطبيعي ان العربية لوحدها بتسخن من غير تكييف بس السؤال هلى التكييف اللى فيها جاى مع العربية ولا متركبلها
.... بكام طارة الدركسيون لأنها متبهدلة ولازقها بشكرتون ؟
.... بكام رش الجنبين والمع العربية ؟

اسف جدا للأطالة بس انا معنديش اي خبرة ومتردد جدا لأنها اول عربية اشتريها ,,
ورجاء الرد سريعا
جزاكم الله كل خير

على العموم ربنا يوفقك واستني شوف ردود باقى الاعضاء مع العلم ان لسه واحد زميلنا جديد فالمنتدى لسه مخلص فى واحدة 97 على 27 الف وبيقول حالتها كويسة

المشاركة الأصلية كتبت بواسطة ali attia

شكرا للرد يا استاذ منسي,

هي فعلا كاريتير وانا وصلتها ل30 الف مش 33 ومش متأكد التكيف متركبلها ولا لأ بس غالبا هو الفبريكا وبالنسبة للسخونية مش المفروض ان موديل 98 ميقاش فيه عيب السخونية عشان فيها تعديل عن 97 ؟؟؟؟

وكنت عايز اعرف بكام طارة الدركسيون جديدة او استيراد ؟
وانت شايف ان الحاجات إللي فيها دي بسيطة ولا استني ؟

انا قلت لحضرتك انا مش متاكد من معلومة وش الاوكتافيا كربراتير ولا انجيكشن لو التكيف الفابريكا بتاع العربية مفيش مشكلة بس سمعت ان التكييف اللى بيركب بيبقي فيه مشاكل فى السربنتينة والتهوية والمروحة بتاعته اما بالنسبة للسعر والله مش عارف اقول لحضرتك ايه على العموم قبل ماتخلص فيها دور برده على نفس الموديل وشوف رنج اسعاره ايه بالنسبة لطارة الدريكسيون خد رقم ابو الحسن بيبيع قطع غيار جديدة وده اللى بجيب منه الحاجة بتاعتى واتصل واسال على كل اللى انت عايزه وده رقم تليفونهم 33377040 وهو موجود فى بين السرايات الحاجات اللى فالعربية من وجهة نظرى عادية بالنسبة للانذار وشحن التكييف والاكصدام دى حاجات عادية