الموضوع: لو سمحتو ممكن اى معلومات عن رينو رينبو ؟

يا حازم باشا انا مقصدش التجريح او الأهانة بس السعر استفزنى لأنى لسه شارى الزرار ده بالذات اول امبارح بالسعر اللى بقولك عليه
تانى حاجة العربية تقفيل تركى و الميجان برضه تركى انا عارف ده كويس بس بأى حال من الأحوال احسن من المصرى
وعلى فكرة هى رينو 19 مش 22 وشكلها متغيرش ولافية تعديلات ممكن تبحث فى النت على رينو 19 هتلاقيها هى بالظبط التوكيل هنا فى مصر هو اللى سماها رينبو زى الفيرنا كده هى اساسا اكسنت واسمها فى مصر فرنا

مفيش مشاكل يا باشا بس انا قولت اللي سمعته من صاحبي و دا كان عايش معايا في الامارات ولما نزل مصر راح يشتريه من محل في شبرا و هو اللي قالي ب 400 جنيه حتي انا استغربت و قولتله ما كنت تروح تجيب تابلوه استعمال خارج علي بعضه مكنش حيتكلف 1000 جنيه :) !!!!!!!
و هيا ممكن تكون رينو 19 فعلا انا كنت كاتب متهيالي علشان مش فاكر الرقم بتاعها كويس.

اقتباس:

موتورها كامه سفليه مش علويه زي كل العربيات الحديثه اللي موديلاتها فوق التمانينات عموما....يعني تقنيه قديمه و الاكسيل احلي منها ميت مره .


انا لا اعتقد

انا كنت بصلح تكييف بتاعي انهارده و لقيت عربيه اختها واقفه معايا و بصيت علي موتورها لقيته فعلا الكامه بتاعه سفليه و مفيس سير كاتينه و سالت صاحبها قالي الكاتينه بتاعها جنزير

وبعدين يا (أخ) حازم كلمه (أخ) دى مش عيب مهو كلنا اخوات وبعدين انت اخدتها عليك ليه انا بقولها على صاحبك اللى معرفش اسمه وبالنسبة لى نكرة فعلا فأنا اسلوبى كويس فى الحوار وياريت انت اللى تراجع نفسك برضه قبل ما تكتب الرد
وفى الأخر يا سيدى مش عايزك تزعل برضه وكفاية لحد كده وخلينا نتكلم غى العربيات

يا سيدي ولا يهمك مفيش مشاكل انا لقيتك بتوجه الكلام ليا و انا ما اتكلمتش معاك باسلوب متدني متهيالي علشان ترد عليا كده.
و عموما حصل خير :)

هى فعلا جنزير مش سير كتينة وانا عايز اقولك يا حازم انا ليا 3 اصحابى اشتروها و انا لما شفتها معاهم وركبتها اقتنعت بيها جدا و رحت اشتريتها على طول وبقيت انا الرابع بتاعهم وعلى فكرة العربية منتشره هنا فى القاهرة وانا بصلح عند ميكانيكى كان شغال فى توكيل رينو من سنه 85 لحد من 3سنين فاتو ومش عايز اقولك بيتكلم عن العربيه دى ازاى ..العربية دى مش واخده حقها خالص فى مصرو لو كانت قطع الغيار عالية سنة ومش كتير فقطع غيارها بتعيش مده طويلة

..العربية دى مش واخده حقها خالص فى مصرو

اهو دا اللي بتكلم عليه يا هانو انها مش منتشره و لو حد جابها من بره القاهره حيدوخ علي قطع غيارها يعني جوان وش سلندر او مقص او بيضه في الدركسيون الحاجات البسيطه دي اللي ممكن تعطل العربيه يا اما يلجأ انه يوفق ليها حاجت.
انا لما باجي اشتري عربيه بدور علي سهوله الحصول علي قطع غيار دي اول حاجه علشان ما تعطلنيش . فهمت قصدي؟؟ انا مش بقول انها عربيه وحشه لكن بالنسبه لقطع غيارها و ندرتها خصوصلا لو حد ساكن بره القاهره حتكون صعبه.

هى فعلا جنزير مش سير كتينة

و دا كده معناه انها كامه سفليه مش كامه علويه

أشكرك يا حازم إنت و hanno على حواركم المحترم و تقبلكم النقد لبعض

ممكن مواصفاتها عشان انتو كدة شوقتونى انى اعرف عنها ؟

وعنوان الميكانيكى اللى قال عليى hanno وياريت اسعار بعض قطع الغيار