الموضوع: لو سمحتو ممكن اى معلومات عن رينو رينبو ؟

عربيه ظهرت مصر سنه 1997 و تقفيل تركي و قطع غيارها غاليه من الاخر الاكسيل احسن منها ميه مره

فى منها تقفيل تركى وفى منها فرنساوى

ما اعتقدش ان نزل منها فرنساوي خالص يا عبد الله.و بالنسبه لقطع الغيار مره واحد صاحبي كان زرار النتظار بتاعها بايظ دور عليه في المحله و المنصوره طبعا مش لاقيه نزل مصر عند واحد في شبرا اشتراه ب 400 جنيه ّ!!!!!!!!!!!

شكرا ليكو على ردودكم
بس كده الدنيا ضلمت خالص
:roll: :roll: :roll:
بس ياريت لو حد عنده السياره دى يكلمنا عنها افضل
و شكرا

انا معايا العربية دى من 8 شهور وهى بأى حال من الأحوال لا تقارن بالأكسيل العربية مريحة جدا وسحبها ممتاز وانا من ساعت ما جبتها معملتش اى مشكله وكل حاجتها موجوده ولسه شارى زر الأنتظار من يومين بس ب70 جنيه (علشان الأخ اللى بيقول انه لاقاه ب400 جنيه) واسطوانة الدبرياج ب 165 جنية هى الحجات الغالية اللى فيها الأكسسورات زى الفوانيس البكتات المريا والعربية بقالها معايا 8 شهور وزى الفل وان شاء الله لما اجيب زيرو مش هبيعها هخليها برضه وبعدين ايه اللى يجيب الكورى للفرنساوى وشكرا

انا معايا العربية دى من 8 شهور وهى بأى حال من الأحوال لا تقارن بالأكسيل العربية مريحة جدا وسحبها ممتاز وانا من ساعت ما جبتها معملتش اى مشكله وكل حاجتها موجوده ولسه شارى زر الأنتظار من يومين بس ب70 جنيه (علشان الأخ اللى بيقول انه لاقاه ب400 جنيه)

الاخ اللي بيقول انه لاقاه ب 400 جنيه دا اسمه حازم خضر مش نكره و يا ريت نلتزم باسلوب حوار ارقي من كده و كمانالاخ دا مش هو اللي لاقاه يا ريت قبل ما ترد تقرأ الكلام بتركيز شويه و دا وااحد صاحبي هو اللي قالي و مش من مصلحتي يعني اني اقول كلام كدب او ما حصلش .في واحد بيطلب نصيحه و انا برد عليه يا ريت لو عاوز تنصحه ما تحاولش تجرح في حد تاني.

وبعدين ايه اللى يجيب الكورى للفرنساوى وشكرا

و بعدين مين قال لحضرتك انها فرنساوي ؟؟؟ دي عربيه تركي و كانت بتصنع في فرنسا من التمانينات و كان اسمها رينو 22 علي ما اعتقد و لما فرنسا استغنت عنها بدات تصنعها في تركيا و غيرت شويه في شكلها و نزلتها باسم جديد اللي هو الرينبو و موتورها كامه سفليه مش علويه زي كل العربيات الحديثه اللي موديلاتها فوق التمانينات عموما....يعني تقنيه قديمه و الاكسيل احلي منها ميت مره .

انا بسمع دايما عنها سمع خير وانها عربيه ممتازه وحماله اسيه وكان واحد صاحبى مهندس ميكانيكا كان شغال فى توكيل رينو(بس سابو من فتره) بيشكر فيها جدا

يا حازم باشا انا مقصدش التجريح او الأهانة بس السعر استفزنى لأنى لسه شارى الزرار ده بالذات اول امبارح بالسعر اللى بقولك عليه
تانى حاجة العربية تقفيل تركى و الميجان برضه تركى انا عارف ده كويس بس بأى حال من الأحوال احسن من المصرى
وعلى فكرة هى رينو 19 مش 22 وشكلها متغيرش ولافية تعديلات ممكن تبحث فى النت على رينو 19 هتلاقيها هى بالظبط التوكيل هنا فى مصر هو اللى سماها رينبو زى الفيرنا كده هى اساسا اكسنت واسمها فى مصر فرنا