فكرة مشروع لغير المتفرغين

طبعا ظروف البلد الفترة اللي فاتت مخلية الواحد بيكلم نفسه , و كمان زاد عليها أزمات السولار و البنزين و البوتاجاز و مين عارف ايه كمان ممكن يحصل و ربنا يستر ...
طبعا أغلب الشركات و المصانع قللت العمالة و قللت المرتبات و لغت الحوافز و الارباح ...
و انا قاعد كده في ساعة تجلي , جت في دماغي فكرة ممكن تفيد جدا لو نجحت ( و لو فشلت مخسرناش حاجة ) ...
طبعا زي ما بعضكم عارف انا مدير شركة تعدين و بنصنع كربونات كالسيوم عادية و معالجة ( فيه موضوع كنت عامله عن دراسة جدوى للمشروع في المنتدى هنا )
و الحمدلله خلصنا المصنع و اختبارات التجارب و الانتاج و كل العك اللي بيكون في بداية المشروع كله .. و دخلنا في الجد بقى , اللي هوه التسويق و البيع .
التسويق و البيع بيكون مباشر و غير مباشر .
ازاي ؟
أقولك :
1- الغير مباشر بيكون عن طريق انك تدور في النت على مواقع تجمعات المنتجين و المستهلكين للحاجة اللي انت عايز تبيعها و تتناقش معاهم و تفتح معاهم شغل .
2- المباشر انك تمسك Yellow pages أو دليل الشركات أو مواقع الشركات و المصانع اللي انت عايز تبيعلها المنتج بتاعك أو الخدمة بتاعتك و تكلم المشتريات أو الشخص المسؤول عندهم و تقنعه بالشراء من عندك او عن طريقك ...

طبعا انا شغال بالطريقتين و معايا 2 زملا شغالين معايا بس المشكلة اننا عايزين نغطي منطقة جغرافية أكبر و في وقت أقل , و عايزين نوصل لشركات أكتر و عدد أكبر في أقصر وقت ممكن ..
و لكن يا معلم ده موضوع مكلف جدا و هنحتاج نعين ناس كتير و مصاريف اكتر و الخزنة فاااااااااااااااااااااااا ااااااااااااااضية ... ايه العمل يا ابو خالد ,,, تعمل ايه يا ابو خالد ,,,, دبرني يا وزير ..

رحت رايح على الغيط تحت تكعيبة العنب و ضربتلي براد شاي بالحطب و علبة سجاير و سرحت في دنيا الخيال .....
المهم وصلت لفكرة أني أطلب مساعدتكم ( أمال لو مش هنساعد بعض هنساعد مين ؟ ) و أعرض عليكم فكرة ممكن تكون مفيدة لينا و ليكم و هتكون تجربة لو نجحت نكبرها و ندخل فيها منتجات تانية و لو فشلت نقعد نعملها تحليل و نشوف اسباب الفشل و نعالجها ازاي ...
و عشان مطولش عليكم الفكرة باختصار ::::
احنا عدد كبير من الشباب و الشابات ( عشان محدش يقول عليا واخد موقف من المرأة ) و منتشرين في كل محافظات و مدن و قرى مصر المحروسة ... و أغلبنا أو بعضنا بيشتغل و الباقيين يا طلبة أو سيدات بيوت ( يا بختهم ) أو عندهم اعمال خاصة ...
و ممكن البعض يشتغل معانا و يتعاون معانا بانه ساكن قريب من منطقة صناعية او عنده وقت يلف على مصانع من غير ما يتكلف مبلغ كبير ( مثلا انا في بني سويف و عشان اروح برج العرب اليوم بيضيع و بصرف 150 جنيه و بروح مصنع او 2 بالكتير , بعكس اللي ساكن في برج العرب ممكن يروح 5 مصانع في اليوم وهيصرف 20 جنيه بنزين )
هيه دي بقى الفكرة يا شباب ..................
انت مثلا ساكن في بورسعيد او اسماعيلية و قريب منك منطقة صناعية تقوم رايح و توصل لمصنع بوية أو بلاستيك و تعرض عليهم منتجنا و تناقش معاهم مواصفاته و تبيعلهم .... و هتاخد نسبة معقولة على حجم المبيعات اللي هتعملها و ده ممكن تعمله بعد مواعيد شغلك الرسمية و كده بقى هيكون عندك فرصة انك تزود دخلك و تتعلم مجال جديد و نشاط جديد ... واحنا استفدنا اننا انتشرنا في وقت أقل و بتكاليف اقل كتير ...

طبعا دي مش فكرة جديدة و شركات كتيرة عملوها لكن الجديد ان شركات و مصانع التعدين و الخامات معملوهاش .....

منتظر آرائكم و نقاشكم المفيد
أخوكم م عمر الصاوي

طيب والمواصفات الفنية والكتالوجات؟

الكلام جميل من حيث المبدأ. وفيها مصلحة حلوة لكل الناس
بس دي لازملها قاعدة يا معلم علشان الواحد يفهم بالتفصيل الممل
كل حاجة عن المنتج ال المفروض نسوقة. انا عامتا جنبي مصانع مدينة العبور
و المصانع ال في طريق الروبيكي.

ممكن اساعدك بس اشرحلى كل حاجة عن نشاطك والمواد اللى انتا بتصنعها بتستخدم فى ايه انا شغال فى الملابس الجاهزة

فكرة كويسة زممكن بردو تطيق بره مصر

كنت عاوز حضرتك تقولى من هم المستهلكين اللى بيستعملو كربونات الصوديوم وبتستعمل فى اية ؟؟؟؟

وانا شغال فى منطقة المصانع ....6 أكتوبر ...ومتحمس للفكرة

ونا كمان عايز اعرف بيستخدم فى اية
عشان ممكن يكون لية مجال قدامى

اقتباس:

---

المشاركة الأصلية كتبت بواسطة rockana9112007

كنت عاوز حضرتك تقولى من هم المستهلكين اللى بيستعملو كربونات الصوديوم وبتستعمل فى اية ؟؟؟؟

وانا شغال فى منطقة المصانع ....6 أكتوبر ...ومتحمس للفكرة

---

هى كربونات كالسيوم اللى هو الحجر الجيرى مثل اصابع التباشير العادى واظن بيدخل فى صناعة الاسمنت والدهانات ومعاجين الاسنان والادوية وصناعة اللدائن والبلاستيك وصناعة الحديد والصلب وممكن بقى صاحب الموضوع يكمل لنا الشرح

ايه الجمال ده كله و الحلاوة دي , و الله انا سعيد جدا بيكم و هوه ده نايل موتورز و همه دول اهله , أحييكم جميعا و اشكركم اهتمامكم


زي ما قال ابو عمر ,,,, كربونات الكالسيوم هوه الحجر الجيري و افضل انواعه على مستوى العالم موجود في المنيا و هوه مكون صناعي يدخل في صناعات كتيرة جدا لا يمكن حصرها
و الصناعات اللي تهمنا في الفترة الحالية :

1- صناعات البويات : و دي بتستخدم كربونات كالسيوم مطحونة عادية و قليل جدا كربونات كالسيوم معالجة بحمض الاستيريك ...
و تستخدم الكربونات في البويات بكميات كبيرة لأنها تشكل من 40 الى 60% من خامات البويات على حسب نوعية البوية و استخداماتها ....

2- صناعات البلاستيك :
مواسير و كراسي و اي انواع اخرى من البلاستيك ..
و صناعة البلاستيك تستخدم كربونات الكالسيوم المعالجة فقط و تستخدم كميات قليلة لأن الكربونات تدخل في صناعة البلاستيك بنسبة تقريبا من 10 الى 20% على حسب النوعية و الجودة و الاستخدام ..


طبعا الصناعات دي في الغالب مش هنلاقيها غير في المناطق الصناعية , و على فكرة الصناعتين دول منتشرين جدا في كل المحافظات ...
و زوروا صفحتي على الفيس بوك عشان تشوفوا صور المحجر و المصنع و الكتالوجات

Al Doha mining | Facebook

طبعا عايزين نناقش الموضوع هنا مع بعض لحد ما نحط الخطوط العريضة و بعدها نعمل مقابلة في المصنع عشان تشوفوا كل حاجة على الطبيعة عشان لما تناقش مهندس الانتاج او مسؤول المشتريات تكون على قدر مناسب من المعرفة بالصناعة اللي انت بتبيعها .....

متابع وياريت تفاصيل اكتر عن المشروع

المشروع انا كنت عامله دراسة جدوى هنا في المنتدى :
http://www.nilemotors.net/Nile/195317-a.html

و في اليوتيوب بتاعي هتلاقي فيديوهات لمراحل الانشاءات و التجارب
MaZaGAngeE - YouTube

اوك

طيب نبدأ بقى في الشغل :::: مصانع البويات

أنواع كربونات الكالسيوم المناسبة لصناعة البويات
حجم 45 ميكرون
حجم 20 ميكرون
و قليل بيطلب 15 او 10 ميكرون
و المصانع اللي بتعمل معاجين أو بويات خاصة بتطلب كربونات كالسيوم معالجة بحمض استيريك

و التعبئة بتكون في أكياس جامبو أوزان 0.5 طن , 1 طن , 1.5 طن و بعض المصانع بتطلب التعبئة في شكاير ورق أو بلاستيك وزنها 25 كيلو جرام
و الفرق في نوعية الطلب بتكون معتمدة على طريقة التصنيع في مصنع البوية و أسلوب الخلط عندهم ...

و مصانع البلاستيك :::
تحتاج كربونات كالسيوم معالجة بحمض استيريك و تكون التعبئة في شكائر ورق او بلاستيك وزنها 25 كيلو جرام
و بيحتاجوا انواع : 20 , 25 , 30, 45 ميكرون

المطلوب مننا تنفيذه :::::
1- هنقسم المناطق جغرافيا على حسب اقرب منطقة صناعية لمكان سكنك او شغلك الاساسي .
2- هتجيب دليل الشركات و المصانع و تدور في على مصانع البويات و البلاستيك الموجودة في منطقتك ( خلي بالك ان فيه مصانع كتيرة مش متسجلة )
3- هتتصل بالمصنع و تاخد العنوان بالتفصيل او تناقش المسؤول على طول ( على حسب الكلام ماشي معاك ازاي بس الاغلبية بتكون محتاجة مقابلة شخصية ) و تعرض عليه المنتجات المناسبة و توضح له مميزات منتجنا و تديله كتالوج المنتجات و بياناتها الفنية .
4- هتسلمه عينة0.25/ 0.5 كيلو للتجربة في المعمل و لو قبلها هيطلب منك عينة للتجربة على خط الانتاج و دي بتكون ما بين 0.5 الى 1 طن حسب طبيعة الخط . و دي بتكون عينة مدفوعة في حالة نجاحها .
5- هيتم طلب كميات مبدئية و دي بتكون على حسب حجم المصنع و طاقته الانتاجية و عدد الموردين و تتراوح ما بين 5 طن اسبوعيا الى 50 طن اسبوعيا .

اي اسئلة ؟ نفاصيل مش واضحة ؟

متابع ياباشا

طيب والاسعاار هل بتكون شاملة النقل لحد العميل ولا العميل هو اللى بيتكفل بالنقل ؟؟؟

ثانياا موضوع العينات بيكون لة حساب ولا فرى ولا اية ؟؟؟ولازم عينة واحد طن وكدة ولا اية ؟؟؟

ثالثااا هل اسلوب الدفع كاش ولا شيكات بتاريخ لاحق ولا شهر من تاريخ التسليم ولا اية ؟؟؟وماهو السائد فى هذة الصناعة

فكرة جميلة يا باشا وليك منى رسالة على الخاص

اقتباس:

---

المشاركة الأصلية كتبت بواسطة rockana9112007

متابع ياباشا

طيب والاسعاار هل بتكون شاملة النقل لحد العميل ولا العميل هو اللى بيتكفل بالنقل ؟؟؟

ثانياا موضوع العينات بيكون لة حساب ولا فرى ولا اية ؟؟؟ولازم عينة واحد طن وكدة ولا اية ؟؟؟

ثالثااا هل اسلوب الدفع كاش ولا شيكات بتاريخ لاحق ولا شهر من تاريخ التسليم ولا اية ؟؟؟وماهو السائد فى هذة الصناعة

---

اهلا بيك ...
النقل بيكون على حسب ظروف العميل , لو عنده عربية بيبعتها و احيانا هوه بيقولك حاسبني بالنقل .
انا هديك عينات صغيرة و بيانات فنية مجانا للتوزيع
و لما تطلب عينة للتجربة في خط الانتاج و دي بتكون حسب العميل .. ممكن يطلب 6 شكاير و ممكن يطلب طن , ده على حسب امكانيات الخط بتاعه و انت بتبلغني و انا هبعتلك عربية المصنع بالعينة المطلوبة .
الدفع بيكون حسب الاتفاق , اسبوعي او نصف شهري او شهري او كل 45 يوم او 60 يوم او 90 يوم و بيكون كاش او بشيكات او حوالات بنكية .... كل ده حسب الاتفاق و الكميات اللي بيتم بيعها لكل زبون .

الموضوع مش عايم بس الفكرة انك بتتعامل مع مصانع باحجام مختلفة منها الصغير جدا و منها الصغير و منها المتوسط و منها الكبير و كل مصنع ليه سياسة دفع للموردين خاصة بيه ... لكن الاغلبية كل 30 يوم ..

اقتباس:

---

المشاركة الأصلية كتبت بواسطة damasry

فكرة جميلة يا باشا وليك منى رسالة على الخاص

---

اهلا بيك معانا في الموضوع
مفيش رسالة جت على الخاص
لو حاجة تخص الموضوع اكتبها هنا عشان نناقش بعض و نوصل لأفضل صيغة
و لفكرة تحقق هدفنا كلنا

تعالى نمسك منتج و نفهم الداتاشيت بتاعته مكوناتها و معناها ايه :

و هناخد هنا مثال منتج اسمه D10G

http://dc599.4shared.com/img/gSoLxTLa/caco3.png


- من الاسم نفهم انه كربونات كالسيوم عادية مش معالجة و حجم الحبيبات 10 ميكرون و سنة زيادة اعلى منها .
- الجدول الأولاني ده بتاع التحليل الكيميائي و هتلاقي البنود بتاعته كالتالي :
CaCO3 و ده هوه المركب بتاعنا اللي اسمه كربونات الكالسيوم و تركيزه في العينة 99.6%
نيجي بقى للشوائب :::: MgO , Sio2 , Fe2O3 , Al2O3 , و دول نسبهم زي الجدول لا يذكروا
اخر خانة هيه معدل الفقد عند الحرق و دي 43.89 % يعمي لما تحرق الحجر هيفضل منه النسبة دي و الباقي ثاني اكسيد الكربون هيتطاير .

- الجدول التاني ده بتاع المواصفات الفيزيائية و اللي يهمنا منه بس درجة البياض اللي هيه 96.3% و الباقي ده يهم مهندسين الجودة في المصانع اللي بيطلبوا منتج عالي الجودة و بمواصفات قياسية .

- الرسم البياني ده بييوضح التوزيع الحبيبي في العينة .... يعني ايه ؟
يعني انت عندك حبيبات حجمها يبدأ من الصفر حتى يصل الى 10 ميكرون , الرسم بيوضح نسبة كل حجم كام في المية ...

- أهم حاجة في الداتاشيت كله و هيه دي اللي الناس بتهتم بيها و بتسأل عليها و كل اللي فات ده مش مهم بالمقارنة بدي ::::

Finenss و دي اهم عامل في الموضوع كله و هيه دي اللي بنبيع بيها ::
D97 = 12.4
معناها ان 97% من العينة اقل من 12.4 ميكرون .... أو ان اكبر حجم حبيبة 12.4 ميكرون

D50 = 3.3
50% من العينة اقل من 3.3 ميكرون

less than 2 microns = 34%
34% من العينة اقل من 2 ميكرون


اي اسئلة ؟

اقتباس:

---

المشاركة الأصلية كتبت بواسطة mazagangee

- أهم حاجة في الداتاشيت كله و هيه دي اللي الناس بتهتم بيها و بتسأل عليها و كل اللي فات ده مش مهم بالمقارنة بدي ::::

Finenss و دي اهم عامل في الموضوع كله و هيه دي اللي بنبيع بيها ::
D97 = 12.4
معناها ان 97% من العينة اقل من 12.4 ميكرون .... أو ان اكبر حجم حبيبة 12.4 ميكرون

d50 = 3.3
50% من العينة اقل من 3.3 ميكرون

less than 2 microns = 34%
34% من العينة اقل من 2 ميكرون


اي اسئلة ؟

---

او بمعنى ثانى

٠ - ٢ ميكرون ٣٤٪
٢ - ٣.٣ ميكرون ١٦٪
٣.٣ - ١٢.٤ ميكرون ٤٧٪
١٢.٤ > ٣٪

مظبوط يا هندسة؟؟

اقتباس:

---

المشاركة الأصلية كتبت بواسطة damasry

او بمعنى ثانى

٠ - ٢ ميكرون ٣٤٪
٢ - ٣.٣ ميكرون ١٦٪
٣.٣ - ١٢.٤ ميكرون ٤٧٪
١٢.٤ > ٣٪

مظبوط يا هندسة؟؟

---

لا مش صحيح ..........

34% أقل من 2 ميكرون .... من صفر الى 2 ميكرون

50% اقل من 3.3 ميكرون ..... من صقر الى 3.3 ميكرون

97% اقل من 12.4 ميكرون ...... من صفر الى 12.4 ميكرون

اقتباس:

---

المشاركة الأصلية كتبت بواسطة mazagangee

لا مش صحيح ..........

34% أقل من 2 ميكرون .... من صفر الى 2 ميكرون

50% اقل من 3.3 ميكرون ..... من صقر الى 3.3 ميكرون

97% اقل من 12.4 ميكرون ...... من صفر الى 12.4 ميكرون

---

طب يا عمر باشا

حضرتك معروف طبعا ان مجموع النسب لازم يكون 100%

نبتدى كده
34% مؤكدة من 0 الى 2 ميكرون
وحضرتك بتقول ان 50% مؤكدة من صفر الى 3.3 ميكرون وحيث ان احنا معانا من صفر الى 2 نسبتهم 34% يبقى متبقى من ال50% نسبة 16% ودى نسبة الحجم اللى من 2 الى 3.3 ميكرون

مظبوط الكلام؟؟؟

طيب كده معانا 50% لحد الحجم 3.3 ميكرون
متبقى 50% اخرى

حضرتك بتقول 97% من صفر الى 12.4 ميكرون
واحنا مؤكد معانا ان من صفر الى 3.3 ميكرون نسبتهم 50% يبقى

يبقى متبقى الاحجام من 3.3 الى 12.4 ميكرون

نطرح بقى ال 50% من ال 97% يبقى متبقى نسبة 47% اللى هى من 3.3 الى 12.4 ميكرون

يبقى المجموع كالتالى: 34% + 16% + 47% = 97%

ال3% الباقية تمثل الاحجام اللى فوق ال12.4 ميكرون

وبكده يكون المجموع النهائى: 97% + 3%= 100%

اتمنى اكون قدرت اشرحلك وجهة نظرى.

اقتباس:

---

المشاركة الأصلية كتبت بواسطة damasry

طب يا عمر باشا

حضرتك معروف طبعا ان مجموع النسب لازم يكون 100%

نبتدى كده
34% مؤكدة من 0 الى 2 ميكرون
وحضرتك بتقول ان 50% مؤكدة من صفر الى 3.3 ميكرون وحيث ان احنا معانا من صفر الى 2 نسبتهم 34% يبقى متبقى من ال50% نسبة 16% ودى نسبة الحجم اللى من 2 الى 3.3 ميكرون

مظبوط الكلام؟؟؟

طيب كده معانا 50% لحد الحجم 3.3 ميكرون
متبقى 50% اخرى

حضرتك بتقول 97% من صفر الى 12.4 ميكرون
واحنا مؤكد معانا ان من صفر الى 3.3 ميكرون نسبتهم 50% يبقى

يبقى متبقى الاحجام من 3.3 الى 12.4 ميكرون

نطرح بقى ال 50% من ال 97% يبقى متبقى نسبة 47% اللى هى من 3.3 الى 12.4 ميكرون

يبقى المجموع كالتالى: 34% + 16% + 47% = 97%

ال3% الباقية تمثل الاحجام اللى فوق ال12.4 ميكرون

وبكده يكون المجموع النهائى: 97% + 3%= 100%

اتمنى اكون قدرت اشرحلك وجهة نظرى.

---

ال 3 % شوائب
وبعدين واضح ان فى الصناعه دى بيستخدمو لغه معينه من 0 الى 3 او من صفر الى 4 مش بيجزائوها زى ما انت عامل

اقتباس:

---

المشاركة الأصلية كتبت بواسطة Hmatchy

ال 3 % شوائب
وبعدين واضح ان فى الصناعه دى بيستخدمو لغه معينه من 0 الى 3 او من صفر الى 4 مش بيجزائوها زى ما انت عامل

---

كلامك يا باشا فى التحليل الكيميائى اما اللى بنتكلم فيه ده نسب توزيع احجام grain size distribution

وانا مختلفتش مع المهندس عمر لان اللى قلته متطابق تماما مع النسب اللى هو ذكرها :)

كلامك مظبوط فيما عدا ان ال 3% الباقية دي شوائب ..
دي بتكون اكبر من 12.4 ميكرون ...
و فعلا احنا شغالين في كل مقاس من الصفر الى المقاس ...
و احيانا بنشتغل مثلا من 90 ميكرون الى 150 او من 400 الى 600 بس ده بيحتاج نوع خاص من الهزازات ..

بس دي كلها امور فنية أغلب الناس في السوق مش بيهتموا بيها , بس انا حبيت اوضحها ليكم .

ايه يا شباب
فين الهمة و النشاط
عايزين شغل و انتاج