الموضوع: مسافر مطروح وعايز نصائحكم

المشاركة الأصلية كتبت بواسطة top gear

الحمدلله انا روحت ورجعت بالسلامة

بصراحة رحلة ممتعة الطريق جميل خصوصا باللليل

الطريق خذ حوالي 4 ساعات ونص ماشي كويس لاسريع قوي ولا بطيء معدل 120كم/س

مطروح الجو برد بالنسبة للقاهرة كنت بلبس لبس شتوي بالليل الحرارة تفرق 10 درجات عن القاهرة

العربية بصراحة تعبتني قبل ماسافر في الصيانة وكشف ماقبل السفر خصوصا دورة التبريد بس الصراحة احسن حاجة انك تطمن على حالة العربية قبل السفر ماتضمنش الظروف

السواقة متعبة لما تكون متواصلة بدون راحات

شكرا على النصائح لكل من شارك بالرد وأتمنى لكم دوام الصحة والتوفيق




..

حمدلله على السلامه رحلة سعيدة انا كنت لسه جاي من اسبوع تقريباً الطريق رائع خصوصاً العالمين عشان مش زحمة ورايق بس وانت جاي تلاقي الاصلاحات في الطريق عبارة عن رقع تحسها لما تمشي عليها بس انا كنت راكب اللانوس واخدت الطريق من عين شمس لمرسى مطروح في 5 ساعات وموقفتش غير في العالمين اشتري مياه شرب قضيت خمسة ايام هناك كنت في باب البحر بالقرب من شاطئ روميل البلد كانت شبه فاضية الاسعار كويسه جداً بس فعلا الجو كان بيكون برد بالليل كنت واخد شقة مكيفه بالكامل وما استخدمتش التكييف خالص وكنت بتغطى باليل كنت مأجرها اليوم بـ175 جنيه طبعا نفس الشقة بتوصل لـ 500 جنيه في زروة الموسم خصوصاً انها على البحر وفرشها نضيف والاجهزة جديده وحديثه كلها وكان جيراني في نفس العقار امريكان تبع شركة بترول .... شارع الاسكندرية كان رايق على الاخر وطبعا اكلت في مشويات كمونة ولفيت في سوق ليبيا كان شبه مهوي من الزبائن للأسف مالفتش زي كل سنة وروحت شاطئ الغرام او عجيبة الحالة الامنيه هناك مستقرة جداً ومفيش مشاكل غالبية المصيفيين هناك كانو من الاسكندرية وظهر ذلك من لوحة ارقام السيارات .... وبعودة يامطروح ان شاء الله

المشاركة الأصلية كتبت بواسطة waleedfesal

معلش انا هاسألك فى حاجه تانيه غير العربيه.....
اخبار مطروح ايه اليومين دول ؟
لانى متردد قوى انى اسافر ليها السنه دى ......
وهل حضرتك كنت نازل فى فندق ولا ماجر شقه ؟؟
وكنت نازل فى اى منطقه ؟؟؟
اسف على الاسئله الكتير بس كنت حابب اطمن منك.......

الحمد لله على السلامة..ويارب تكون استمتعت هناك.