مسافر مطروح

**zimooo** · 21-07-2010 01:38 PM

[justify]
الأخوه ألفاضل / رواد وأعضاء نايل الكرام

مليون تحية للجميع ...

عربيتى لانوس 2007 .. وأنا فعلاً لسه مغير زيت قريب وكمان فلتر الزيت ولسه مغير فلتر هواء .. وإن شاء الله مسافر بيها مرسى مطروح الإسبوع القادم .. كنت عاوز أعرف ما هى الإحتياطات إللى ممكن أعملها لصيانة السيارة للتأكد من أن كل شيئ فيها على ما يرام .. أو معلومات تخص الطريق والسرعة ( أمشى كام كيلو وبسرعة كام وأريح العربيه كل أد إيه .. إلخ ) ..
طلب كمان .. لو ممكن حد يقوللى فلتر البنزين بيتغير كل كام كيلو أو كل إيه .. ؟ وياريت لو فى جدول يوضح المسافات اللى عندها لازم يتغير الفلاتر والسيور .. وخلافه ..

وتحياتى للجميع .. وشكراً

[/justify]

**popahly** · 21-07-2010 02:13 PM

أولا تروح وترجع بألف سلامة...

ثانيا اقدر افيدك فى حاجة وطبعا تنتظر رأى الخبراء برضوا يفيدوك اكثر منى،، انا لسه جاى من مطروح من حوالى اسبوعين بس من غير مروح بالعربية الصراحة انا ندمت انى مرحتش بيها لأن الطريق جميل بصراحة وخصوصاً طريق وادى النطرون هو اه مفيهوش خدمات وبتمشى فعلا فى صحراء صحراء لكن الطريق رايق جدا لحد ميطلعك على الساحل الشمالى ومنه إلى مطروح بس خاللى بالك الطريق فيه رادارات كتير انا وانا راجع كان فيه حوالى 5 رادارات من مطروح لحد القاهرة والسرعة بتكون محددة من 100-110 وانت لو مش بتجرى زى حالاتى يبقى تخليك على 100 احسن وعلى مهلك وربنا يستر طريقك برضوا تشيك على المياه والزيت والأستبن بتاعك وعلى عددك كويس وممكن لو انت حابب تريح العربية شوية تقف مرة بعد متطلع من وادى النطرون فى رست كويس قدام مدخل مقابر العلمين بس مليانة دبان كتير قفل العربية كويس هههههه وربنا معاك إن شاء الله

**ZALABANY** · 21-07-2010 02:31 PM

بص يا باشا
يفضل انك تسافر باليل مش بالنهار لأن باليل مافيش رادار الا لو انت من الناس اللي بتحب تمشي هادي 100 يبقى سافر بالنهار عادي بس اختار وقت ما يكونش حر
المهم الطريق من اول البوابات لحد الرست كويس جدا بعد الرست بحوالي 11 كيلو بالظبط تاخد يو ترن ورجع هاتلاقى طريق وادي النطرون على يمينك دول بأه 130 كيلو مافيش غير بنزبنه واحده على اول الطريق وفيها ماكدونالدز دول ممكن توصل فيهم ل 150 مرتاح بعد كده عندك الطريق الساحلي الدولي هاتلف من قدام مارينا وترجع 180 كيلو ودول اسوأ ما في الطريق ما تجريش فيهم اوي لأن النص التاني من الطريق ده مش كويس
وتوصل بالسلامة

**M.Zaher** · 21-07-2010 03:06 PM

اهم حاجة اتاكد من ميه العربيه و يكون معاك ميه زياده عشان لو نقصت و هاتزود الميه
وطبعا ضغط العجل
و الاستبن والعده

ممكن تاخد الطريق كله من غير ماتريح بس ده بمزاجك انت يعني
بس خد بالك الطريق مغري جدا للجري وممكن تجيب فيه 160 مستريح وياريت تمسك نفسك و ماتطلعش عن 100
و خلي بالك برده من اللى جايين في الناحيه التانيه عاده بيقلبوا نور لو فيه رادار ولا حاجة ادام
و خد بالك قبل مطروح ب 50 كيلو فيه رادار وبعد ماتعدي من اللجنه بتاعته برده فيه رادار تاني بعده على طول السرعه بتكون 90
وبعد ماتدخل بوابة البلد السرعه ماتزيدش عن 60 عشان فيه رادار برده و شغالين جامد و معظم الناس بيتظبطوا فيه و بيدفعوا وهما ساكتين
وبعد ماتدخل البلد نفسها بقى السرعه 40
وخد بالك من التكاسي و الاجره بتوع مطروح مجانين و مابيعرفوش يسوقوا
انسب وقت للسفر بعد الفجر مباشره
وأجازه سعيده

**popahly** · 21-07-2010 03:20 PM

المشاركة الأصلية كتبت بواسطة m.zaher

اهم حاجة اتاكد من ميه العربيه و يكون معاك ميه زياده عشان لو نقصت و هاتزود الميه
وطبعا ضغط العجل
و الاستبن والعده

ممكن تاخد الطريق كله من غير ماتريح بس ده بمزاجك انت يعني
بس خد بالك الطريق مغري جدا للجري وممكن تجيب فيه 160 مستريح وياريت تمسك نفسك و ماتطلعش عن 100
و خلي بالك برده من اللى جايين في الناحيه التانيه عاده بيقلبوا نور لو فيه رادار ولا حاجة ادام
و خد بالك قبل مطروح ب 50 كيلو فيه رادار وبعد ماتعدي من اللجنه بتاعته برده فيه رادار تاني بعده على طول السرعه بتكون 90
وبعد ماتدخل بوابة البلد السرعه ماتزيدش عن 60 عشان فيه رادار برده و شغالين جامد و معظم الناس بيتظبطوا فيه و بيدفعوا وهما ساكتين
وبعد ماتدخل البلد نفسها بقى السرعه 40
وخد بالك من التكاسي و الاجره بتوع مطروح مجانين و مابيعرفوش يسوقوا
انسب وقت للسفر بعد الفجر مباشره
وأجازه سعيده

كلام مظبوط مليون الميه

**ahmedhilmy** · 21-07-2010 03:22 PM

المشاركة الأصلية كتبت بواسطة M.Zaher

اهم حاجة اتاكد من ميه العربيه و يكون معاك ميه زياده عشان لو نقصت و هاتزود الميه
وطبعا ضغط العجل
و الاستبن والعده

ممكن تاخد الطريق كله من غير ماتريح بس ده بمزاجك انت يعني
بس خد بالك الطريق مغري جدا للجري وممكن تجيب فيه 160 مستريح وياريت تمسك نفسك و ماتطلعش عن 100
و خلي بالك برده من اللى جايين في الناحيه التانيه عاده بيقلبوا نور لو فيه رادار ولا حاجة ادام
و خد بالك قبل مطروح ب 50 كيلو فيه رادار وبعد ماتعدي من اللجنه بتاعته برده فيه رادار تاني بعده على طول السرعه بتكون 90
وبعد ماتدخل بوابة البلد السرعه ماتزيدش عن 60 عشان فيه رادار برده و شغالين جامد و معظم الناس بيتظبطوا فيه و بيدفعوا وهما ساكتين
وبعد ماتدخل البلد نفسها بقى السرعه 40
وخد بالك من التكاسي و الاجره بتوع مطروح مجانين و مابيعرفوش يسوقوا
انسب وقت للسفر بعد الفجر مباشره
وأجازه سعيده

هو ده الكلام السليم و تروح و ترجع بالسلامة مطروح هتتبسط ان شاء الله فيها ان لسه جاي الجمعة اللي فاتت خد بالك من سواقين مطروح عموما لانه حاسس انهم عندهم لا مباللاة في السواقة بس البلد جميلة و الطريق اغلبه رائع و المسافة الكلية تقريبا 490 كم

**Drift_Lover** · 21-07-2010 06:09 PM

- انسب وقت للسفر ذهابآ او أيابآ هو المغادره 3 ص وخليك مشغل الراديو مش حتحس بالطريق...
- بلاش تجري واستمتع بالطريق... الطريق بجد جميل...
- يوجد رادار شبه ثابت عن الكيلو 50 قبل مطروح... والسرعه القصوي من 100: 110
- 95% من السواقين علي الطريق محترمين خاصة سواقين النقل والاتوبيس والتزام تام بالاشارات...
- لو حبيت تريح عندك ريست هاوس امام مقابر العلمين اسمه (ريست هاوس وكافيتريا عمر المختار)...
- البنزينات اللي علي الطريق اغلبها بنزين 90 و 92 لحد العلمين وبعد كده تلاقي 80.. وبنزين 80 متوفر في مرسي مطروح بكثره...

- قبل السفر شيك علي الفلاتر وغيار الزيت والاستبن وخد معاك جركن مياه احتياطي...
- لو تقدر تاخد معاط طلمبة بنزين وكتاوت احتياطي يكون كويس...

وفي النهاية تروح وترجع بالف سلامه...
وماتبقاش تحرمنا من مشاركاتك...

**salahlanser** · 21-07-2010 06:23 PM

بص يا باشا اولا تروح وتيجى بالف سلامه
انا لسه راجع من شهر من هناك وكنت مسافر بالعربيه بتاعتى مازدا 323 ونصايحى ليك من واقع التجربه كألاتى:
1-شيك على العربيه من عفشه وموتور وبوجيهات والكلام ده وميه وسيور وكل حاجه وتابع امبير الحراره كويس
2- انصح بالسفر بالليل بجد ممتع جدا جدا ومش مجهد ليك ولا للعربيه عن السفر بالنهار
3-بالنسبه للرست او الاستراحه على الطريق انا وقفت مرتين واعتقد انه كفايه مرتين الا لو انت حبيت تقف تانى حسب ظروفك
يعنى ممكن تقف فى الماستر وتكمل متواصل لحد الضبعه وتقف هناك هاتلاقى محطتين بنزين على يمينك وعلى شمالك لو حبيت تفول تانى
4- السرعه من البوابات بتاعه مصر / اسكندريه لحد اول طريق العلمين ماتزودهاش عن 100
اول ما تمسك طريق العلمين زود سرعتك انا نفسى كنت ماشى من 140:120 هو طريق هاتحس انه ممل انما هو ممتع وجميل طوله حوالى 140 كيلو متر اول ما تخلصه هاتلاقى نفسك طالع على تقاطع تنزل يمين وتلف يوتيرن شمال تلاقى قرى مارينا على يمينك تفضل ماشى لحد ما تلاقى رست الضبعه على شمالك تدخل تشرب قهوة او شاى وبعد كده تكمل بس امشى على 100 او 110 بالكتير واستمتع بالشروق على الطريق واتمنالك رحله سعيدة
لو فى اى استفسار تانى انا تحت امرك

**DR.M** · 21-07-2010 06:36 PM

المشاركة الأصلية كتبت بواسطة m.zaher

اهم حاجة اتاكد من ميه العربيه و يكون معاك ميه زياده عشان لو نقصت و هاتزود الميه
وطبعا ضغط العجل
و الاستبن والعده

ممكن تاخد الطريق كله من غير ماتريح بس ده بمزاجك انت يعني
بس خد بالك الطريق مغري جدا للجري وممكن تجيب فيه 160 مستريح وياريت تمسك نفسك و ماتطلعش عن 100
و خلي بالك برده من اللى جايين في الناحيه التانيه عاده بيقلبوا نور لو فيه رادار ولا حاجة ادام
و خد بالك قبل مطروح ب 50 كيلو فيه رادار وبعد ماتعدي من اللجنه بتاعته برده فيه رادار تاني بعده على طول السرعه بتكون 90
وبعد ماتدخل بوابة البلد السرعه ماتزيدش عن 60 عشان فيه رادار برده و شغالين جامد و معظم الناس بيتظبطوا فيه و بيدفعوا وهما ساكتين
وبعد ماتدخل البلد نفسها بقى السرعه 40
وخد بالك من التكاسي و الاجره بتوع مطروح مجانين و مابيعرفوش يسوقوا
انسب وقت للسفر بعد الفجر مباشره
وأجازه سعيده

مظبوط تماما
وفعلا انسب وقت بعد الفجر

**khalid9411** · 21-07-2010 07:01 PM

كم استفد من ردودكم الشيقه والمفيدة
بس سؤال بسيط؟
برضه انا هروح مطروح بس لسه وقت التحديد
طبعا جاى من الصحراوى الغربى ووصلت الرمايه واخدت طريق الاسكندريه طريق مطروح بعد البوابه التانيه؟

الموضوع: مسافر مطروح

LinkBack

أدوات الموضوع

عرض

-

-

-

-

-

-

المواضيع المتشابهه

انا مسافر مرسى مطروح

مسافر مطروح وعايز نصائحكم

إن شاء الله مسافر مطروح ومحتاج نصايحكوا........

عملت صيانه ال 1000 بس مسافر مرسى مطروح

انا مسافر مرسي مطروح

الكلمات الدلالية لهذا الموضوع

المفضلات

المفضلات

ضوابط المشاركة