الموضوع ده مهم جدا ياريت يتم تثبيته لتعم الفائده
الموضوع ده مهم جدا ياريت يتم تثبيته لتعم الفائده
يا رجاله انا لقيت كوتش كمهو فى محل مقاس 215/50/17 و 225/45/17 و سعرهم 600 و 620 شامل كل حاجه و النقشه هى .kumho ecsta seven
و صناعته كورى و السرعه w 91 .
اه رايكم .لان ال 50 نادر فى السوق .
و يا ترى فى حد جربه فى عربيته قبل كده و الا لا .
و اه الريفيوهات على النت .
شكلها طرى جدا
بلاش ال 50 عشان زى مانت عارف هايعللى العربيه والثبات هايقل واحتمال يحك مع التحميل ورا , بس هايبقى احسن للعفشه طبعا
ال Ecsta Seven اول مره اسمع عنه انا اعرف ال SPT وال ASX وال AST وال LX
عموما اتأكد من تاريخ انتاجه وبلد الصنع وشوف ال Traction بتاعه AA ولا A
وال W حلو يستحمل سرعات لحد 270 وال Load كويس 91
باشا خليك 235/45 ورا و 225/45 قدام :) سيبك من ال 50 ده :)
بص يا محمد ال Ecsta Seven هو KU23 وده Ultra High Performace:
http://www.kumhotire.com/tire/tire_detail.jsp?prdt_id=14
هو كويس بس بحث أن نقشتة واسعه وهتلم زلط كتير، حسب معلوماتى أن مقاس 215/45/17 كورى وسرعات (W) كان ب 560 جنية من الوكيل.
مهو انا بفكر فى المقاس ده يعلى 1 سم و اركب سوست ايباخ هتوطى 3 سم .هتبقى النتيجه النهائيه العربيه هتوطى 2 سم فقط .و يبقى استفدت من السوست الاسبور و الثبات العالى و فى نفس الوقت العربيه موطيتش كتير 2 سم فقط عشان المطبات و الحك مع التحميل و فى نفس الوقت هتبقى انعم بكتير من الاول .
اه رايك بقى
و الله اعلم
مشكور جدا
بس انا بغير لنفس المقاس قدام او ورا .عشان لما اجى اعمل تدوير ليهم عشان التاكل يبقى متساوى اعرف اجيب اللى قدام ورا و العكس و كده يعنى .
يعنى ال 4 فرد كوتش يبقوا .225/45/17 او 215/50/17 او 215/45/17 +نقشه محترمه و كوتش طرى و ماركه يبقى نقلت مستوى الفرامل و الثبات و النعومه لفوق شويه .
و الله اعلم
السلام عليكم
اولا انا لسة مغير الكاوتش امبارح و جبت 17 50 205 و هو حنين على العفشة جدا و الدكسيون اصبح انعم و مش بيحك خالص بس اعتقد انة اثر بدرجة بسيطة على الثبات و ممكن اكون مش قادر احكم صح لانى كان عندى النترا 2012 الجديدة و كانت بتعوم من اول 100 كيلو و بعتها و جبت سيراتو و بصراحة كيا عربية ممتازة جدا بالمقارنة بهونداى
هو فى حد بتاع كاوتش ثقه وعامل خصومات تبع المنتدى ممكن نشترى منه ؟؟؟؟؟؟
السلام عليكم
حضرتك المقاس 205 ده غلط و قلل الثبات طبعا شويه .
حضرتك كنت المفروض تجيب اى مقاس من الاتى .
215/45/17
215/50/17
225/45/17
دى مقاسات صح و سليمه و مش هتعمل مشاكل نهائى .و الكلام ده بعد دراسه و بحث وقت طويل
و الف مبروك على الكوتش و مشكور جدا على المعلومات و المتابعه
السلام عليكم
هو عشان التوضيح فقط
سوست ايباخ المانى بتهبط 1.2 انش او 1.5 انش .يعنى من 3 سم الى 3.75 تقريبا .و الكلام ده استاندرد .يعنى اجبارى و فى سوست بتهبط اكتر من كده و لكن مفيش سوست بتهبط اقل من كده .
يعنى مفيش سوست اسبور بتهبط 1 سم او 2 سم فقط للاسف
يعنى الموضوع ده اجبارى
و للمعلوميه 3 سم مش كتير اوى .3 سم يعنى مركب 3 او ارعه فى العربيه بتوطاهم هاى و كبتحكش فى المطبات
و لو مركب 5 و الشنطه مليانه هتوطى كتير و الكوتش جزء منه بيدخل جوا الكرتيره و كل ده بالسوست العاديه بتوطى 5 سم او اكتر مع التحميل الكبير او الحموله القصوى
انما اللى بفكر فيه هو
كوتش مقاسه هيعلى عن الارض 1 سم و سوست توطى 3 سم يبقى مجموع التهبيط =2 سم فقط .
و مع التحميل هتهبط 1 سم فقط لو 3 او 4 اشخاص و هتهبط 2 سم لو اقصى حموله .
بمعنى قبل التعديل و بعده .
قبل +3 اشخاص =تهبيط 3 سم
بعد +3=3 سم
قبل + اقصى حموله = 5 سم او اكتر و بتحك فى المطبات حتى لو خدتها 8 .
بعد + اقصى حموله = 4 سم و ممكن متحكش لو خدت المطبات 8 و الله اعلم .
قبل العفشه ناشفه و ثبات معقول .
بعد العفشه طريه و احسن من الاول و الثبات اعلى و السرعه القصوى اكتر و مقاومة هوا اقل و مطبات هوا افضل .
و لذلك اظن ان بعد التعديل :
215/50/17 + سوست ايباخ ثبات العربيه هيبقى اعلى .و العربيه هتبقى انعم .
خلى بالك السوست الايباخ مبتنشفش العفشه فى السيراتو عن الاول .بالعكس اللى جربوها بيقولو ان العربيه بقت انعم من الاول بشويه و اثبت بكتير عن الاول .
حضرتك فهمت وجهة نظرى .
و لما اجى احمل العربيه اقصى حموله ووزن رهيب و هسافر فى منطقه مكسره ومليانه مطبات هرميه هبقى اركب الكوتشات اللى بتركب داخل لفات السوست و مش هتحك فى اى مطب من بابه و حتى لو خدتها عدل مش 8. و ابقى اشيلها بعد المشوار.
و الله اعلم
تصحيح بس للمعلومة المقاس ده كويس برضة، بص على اللينك ده كده:
ال 195/65/15 = 225/45/17 = 205/50/17
195/65-15 tires - RIMSnTIRES.com
تمام المقاس مظبوط فعلا .
ملحوظه :
225/45/17 فرامل و ثبات افضل و استهلاك بنزين اعلى .و كل ده نسبه بسيطه .
205/50/17 فرامل اقل و ثبات اقل و استهلاك بنزين اقل . و ده بنسبه بسيطه .
بالنسبه للنعومه فى المطبات و الحتت المكسره .الاتنين زى بعض تقريبا و مش هيفرقوا عن بعض .
و الله اعلم
هى مخاطرة المطبات طبعا هتبقى كبيره . لان مثلا يوكو ركب سوست اسبور ايباخ و هبطت العربيه بتاعتوا 5 سم .هى طبعا خلت العربيه ثبته ثبات عالى جدا جدا .بس لبس طوبه فى كرتيرة الزيت من تحت و بوظتها .
و لكن فى حالتى اظنها هتبقى مختلفه باذن الله .و ربنا يستر
للمعلومه الكوتش عمره ما هيحك من جوا فى الكرتيره نهائى .سواء مع مطبات الهوا او التحميل اوزان كبيره .و ده عشان فى صدادات ورا تحت السوسته و كمان لان المقاس استاندرد بتاع الكوتش و القطر بتاعه مساوى تقريبا للاصلى و نازل من المصنع كمان .
الكوتش هركبه فى حالة التحميل الاقصى فقط و دى مثلا ممكن مره كل شهرين او 3 يعنى مش متعبه .
90%من ركوبى العربيه بتبقى اقل حموله .
مشكور جدا بس لو الحسبه طلعت غلط و العربيه هتهبط جامد منى .
هبقى اركب الكوتشات و امشى بيها علطول و مش هتاثر على الثبات او النعومه .
و لكن طبعا العربيه هتبقى اثبت او سبتها متهبطه .
و لما احط الكوتشات هترجع قريب من الارتفاع الاصلى +انها مش هتهبط منى زى الاول .
دى صور الكوتشات اللى قصدى عليهم .
http://www.convoymall.com/image/b2b/ka/ka-1.jpg
http://www.xauto.kr/shop/data/editor/1273060549/1.jpg
شكرا يا محمد على المجهود الرائع ده وشكرا للاعضاء المشاركين
دى محاضرات مهمه ومميزه فعلا
بس أنا عايز الكلمتين بتوع ليلة الامتحان
هغير ال 4 عجلات جنط 16 للسيراتو 2010
النوع أيه ( أنا بحب البريدجستون )
السعر كام
موضوع هام جدا ولابد من تثبيته
متأسف كنت فاكر ان السيراتو زي الكارينز بما انهم متشابهين فى حاجات كتير. بس برضه مهم الالتزام بالرقم اللي على القايم وعدم الاعتراف بنصائح بتوع الكاوتش اللي يقولك أصل احنا فى الصيف والدنيا حر. أصلا العربيه وهيه ماشيه بسرعه فى مشوار سفر بتوصل لضغط +42 فى العجل ومش هيحصلها حاجه.
فيه حاجه عايز انبه عليها. لازم الهوا يتظبط والعربيه بارده يعنى تطلع بيها من البيت على المحطه ومتكونش العربيه ماشيه على سرعه عاليه لمسافه طويله لأن فى الحاله دي الهوا بيكون متمدد أصلا وكل اللي هيعمله بتاع الكاوتش انه يخرج هوا من الكاوتش وبعدين لما تركن العربيه لتاني يوم هتلاقيها شبه نايمه على الارض.
خلاصه الكلام ال فهمتوا من الموضوع الشيق ان المقاسات الاصلى للسيراتو
17/45/215
16/55/205
دى المقاسات الاصلى
والمقاسات البديله ال ممكن تركب هيا
17/45/225
17/50/215
16/55/215
16/60/205
هل ال فهمته كدا انا صح ولا فى غلط
ثانيا :- انا شايف ان افضل مقاس من وجهه نظرى هو 16/60/205 علشان 60 هيكون كويس جدا واععتقد مفهوش بالين وهيكون ناعم على العفشه انتم ايه رايكم كلامى صح ولا غلط
للرفع للاهميه