الموضوع: مفاجاه من العيار الثقيل .مقاسات الكوتش للسيراتو من كيا كوريا .جديده....

السلام عليكم
بالصدفه و انا بقلب فى موقع التوكيل الكورى لكيا https://www.kiatechinfo.com/ لقيت المقاسات دى و كنت مستغرب جدا منها و قولت اشارككم بيها و اخد رايكم فيها .و المقاسات دى للسيراتو من 2010 الى 2012 يعنى لكل الموديلات اللى نزلت اصلا .باختصار


كده كل مقاس جنط فيه مقاسين .
يعنى مثلا ال 17 215/45/17 و 215/50/17 و بكده ممكن كمان نخمن 225/45/17 ممكن يمشى كمان و الله اعلم
16 : 205/55/16 و 205/60/16
ال 15 195/65/15 و 185/70/15
طبعا المقاسات الجديده دى هتخلى العربيه انعم .و طالما التوكيل هو اللى قايل عليها يبقى مش هتحك مننا لا فى التحميل او مطبات الهوا
يا ريت يا جماعه اى حد ركب اى مقاس من اللى موجود سواء الجديده او القديمه او غير المقاس يقولنا تجربته معاها اه و هل مريحاه والا بتحك منه فى مطبات الهوا او التحميل و الاوزان و كده .انا سمعت ان فى ناس غيرت ل 225/45/17 و استريحت معاه و شكرت فيه و فى ناس تانيه غيرت ل 225/50/17 و بيقولوا انه شغال و تمام و افضل من الاول و الله اعلم لان واحد بتاع كوتش قالى كده على المقاس التانى ركب فى سيراتو و شغال و مبيحكش و بيحمل اوزان و زى الفل .ده بغض النظر عن اختلاف قراءة العداد و كده .
يا رب اكون افدتكم
و يا ريت اى حد عنده تعليق يا ريت يقوله و نتناقش حتى لو اى تعليق سلبى .عشان كلنا نستفاد و نتعلم من بعض
يا ريت كله يشارك بتجاربه و محدش يبخل علينا باى معلومه .سواء تجربه وحشه او حلوه.

و الله اعلم