عودة من جديد

**zangry** · 14-05-2012 08:43 PM

السلام عليكم

مساء الخير عليكم جمعيا

انا اسف على الغيبة دى كان عندى امتحانات وكده ولسه مخلص امبارح الحمدلله وربنا يستر ونعدى السنة على خير

ادعوووووووووووووووووووووو لى

................................

امبارح كنت انا والحج فى القاهرة خلصت امتحان وطلعت على هناك على طول .. طول ماحنا فى الطريق بقى ييجى يهدى تسمع صوت العجل ! اللى هو اكنك بتدوس فرامل جامد .. صوت امريكانى كده

مش عارف اية سببة وقالى انها بقالها فترة بتحصل معاه كل ما يهدى وبيدوس فرامل براحة يسمع الصوت ده !

حد عارف ده سببة اية !

................................

نخش على التانية :d

لما بحرك الدريكسيون بحس بتكة كده برده مش عارف ده من اية بس مش بتحصل دايما بس حاسس انه فيه حاجة مش عارف اوهام ولا اية !

.................................................. ....

قلنا امبارح نعدى نجيب زيت ليكوي مولى عشان صيانة ال 15 فاضل عليها 300 كيلو تقريبا الفرع اللى عند الاكاديمية ده .. الراجل البواب قالنا دول مشوا امبارح ! مشوا ازاى يعنى ! قال عزلوا من هنا :(

كلمناهم قالوا فى مصر الجديدة :( ف اخدنا رقم فرع المنصورة وانشاء الله هجيبه من هناك .. انا بس حبيت انبه عشان لو حد مش عارف بدل مايروح على الفاضي

وانشاء الله الاسبوع الجاى او اللى بعدوا هنروح نعملها فى مودرن ابو رواش عشان يرشوا الاسبويلر اللى بهدلوه ويركبوا الفرش اللى قطعوه وبأذن الله هعملكوا تقرير حلو

.................................................. ....

الكول كار بقى انا كنت قلتلكوا انه جه فى فترة كده وتوقف على الاتصال خالص وبدأ يستهبل نفصل الكهربة عن العربية ندور تانى يوم تقوم دايرة عادى !!

من اسبوع كده الموبايل اللى بيتصل وقع ! ف بابا شاله ودخله مكانة تانى من بعدها بقى بقى بيتصل !! ازاى مش عارف ! بس بيتصل بزيادة عن اللزوم ميبقاش فى حد جنب العربية وده يفضل يتصل ! طب بتتصل ليه مش عارف .. لما نروح التوكيل هيشوفوه ماله وانشاء الله اعملكوا تقرير عنه بعد الصيانة

.....................................

اقعدوا بالعافية

والف مبروك على الشغل العالى اللى فى القسم ده

**Sehsss** · 14-05-2012 08:58 PM

أولا.. حمد الله على السلامة، ثانيا.. يا رب تنجح يا تتح، ثالثا.. صوت التصفير ده غالبا التيل في تراب وعاوز يتنضف ما تقلقش، رابعا موضوع الدركسيون ده إن شاء الله هايتطلع مجرد تربيط أو حاجة صغيرة عاوز تتغير في علبة الدركسيون بس مش فاكر اسمها، أو جاية من القطمة وإن شاء الله كله هايتحل في الصيانة، بس انت ناوي تعمل الصيانة فين ؟؟

**Sehsss** · 14-05-2012 09:33 PM

المشاركة الأصلية كتبت بواسطة zangry

اولا الله يسلمك .. ثانيا ربنا يخليك وشكرا على دعوتك الحلوة

انا اللى قالقنى انهم يدخونا كلعادة عشان يعرفوا المشكلة منين .. زى ما طلعوا عنينا عشان يعرفوا الحديدة اللى بتحك فى العجلة وعاملة صوت

المفروض إن شاء الله الصيانة فى مودرن ابو رواش عشان كده كده لازم نروحلهم عشان الحاجات اللى دغدغوها دى :d .. انا نفسى اجرب اوتو ايجيبت بس مش عارف امتى هخلص من مودرن دول :d

لو عاوز رأيي روح شوف موضوع الإكسسوارات والاسبويلر اللي مش عاجبك في مودرن، واعمل الصيانة في أوتو إيجبت، معلش هما هايبقوا مشوارين بس بصراحة أوتو إيجبت يستاهل المشوار ولما تروح هاتعرف

**Sehsss** · 14-05-2012 10:05 PM

المشاركة الأصلية كتبت بواسطة zangry

هقول للحج كده ويارب يوافق لأنى نفسى اروح صراحة .. شكرا ياباشا تعبينك على طول كده

ما تقولش كده

**zangry** · 15-05-2012 12:12 AM

المشاركة الأصلية كتبت بواسطة Land_Cruiser

حمدا لله على السلامه يا باشا و ان شاء الله نتيجه الامتحان تبقى زى الفل. بالنسبه لزيت ليكى مولى انا جبت زيت فرامل ليكى مولى و كان عند الراجل زيت موتور و كان مكانه على الاتوستراد قبل دخله المعادى و المحل اسمه محمد على و الكلام ده كان من ٣ اسابيع تقريبا

الله يسلمك ياباشا .. يسمع من بؤك ربنا :d

الراجل وصفلنا المكان ده بس كسلنا نروح :d :d

**S O P H O S** · 15-05-2012 01:45 AM

حمد الله علي سلامتك
ان شاء الله ناجح

**Manchestrawy** · 15-05-2012 01:56 AM

حمدلله ع السلامه يا باشا نورت القسم من تاني .. اعتقد موضوع التصفيره ده يا اما التيل فيه تراب او الكاوتش الهوا بتاعه عايز يتظبط .. وان شاء الله خير .. وياريت تفكر في موضوع اوتو ايجيبت احسسسسن