الموضوع: الكلام ده حقيقي ولا خدعه ؟

المشاركة الأصلية كتبت بواسطة mmamdouh

انا عارف الفرق كويس و عملية نقل الغيارات فى الفتيس ملهاش اى علاقة بموقع العجلات الدافعة لان باختصار الفرق الجوهرى بين الفتيسين هيبقى فى وجود جهاز فرقى داخل الفتيس ولا لا

لو العربية امامى هيبقى الجهاز الفرقى مدمج فى الفتيس نفسة و هيبقى خارج من الفرغة عامودين دفع للعجلات الامامية... لو العربية خلفى هتبقى الفرغة فيها تروس الفتيس فقط و خارج منها مخرج واحد للكردان و الجهاز الفرقى بيبقى منفصل و مكانة بيبقى بين العجلات الخلفية

ايه بقى علاقة كل دة بطريقة تعشيق التروس و بعضها؟؟؟ اى فتيس سواء امامى او خلفى هيبقى فيه غوايش و syncro gears ... دة ملوش اى علاقة بدة

mmamdouh

كلام مضبوط الله ينور عليك يادوح لما نشوف اخرتها

المشاركة الأصلية كتبت بواسطة kamalwally

انا متاكد من الكلام الي بقوله الدور والباقي علي الي مش عايز يتقبل المعلومه لمجرد انو يكتب (دي تاخد المركز الاول ) لو انت عارف ايه الفرق بين الفتيس في الجر الامامي والفتيس في الجر الخلفي يبقي اكيد حاتعرف ان نظام نقل الغيارات في النوعين مختلف تماما
و عشان اريحك حاقولك انا غلطان وعايزك تفهمني ايه الي بيحصل لما بتنقل بين الغيارات ايه الي بيحصل بالظبط و ايه وظيفه الغوايش والبرميل الي راكب علي كل غيار وانواع التروس عشان نعرف ونستفيد ونشوف مين الي بيفتي !!!!
ز كمان عشان منبقاش بنكتب ردود والسلام

مساء الخير وياريت تتقبل كلام المهندس ممدوح لانة شيخ قسم الدايو ومهندس سيارات عن جدارة والموضوع بسيط جدا نبدا بمن اخترع صندوق التروس وهو فرنسي اسمةlevassor وكان بة سرعتين سريع وبطئ فقط وكانت التروس به ذات مقطع مستقيم (اسنان مستقيمة) ونقل الحركة عن طريق انزلاق التروس علي العامود الرئيسي ومازالت بعض ماكينات خلط الخرسانة وطلمبات المياة تستخدم الطريقة دي من التعشيق الان
بعد كدة بدات التطويرات لكن الفكرة واحدة وتم استبدال التروس المستقيمة الاسنان بالمائلة للحصول علي تعشيق سلس دون اصطدام عنيف وتلاه الوصلات التوافقية (المتزامنة) واختلفت طريقة التعشيق بدلا من تحريك الترس علي عامود الادارة الرئيسي اصبح التعشيق دائم والوصلات التوافقية اضحت هي صاحبة شرف التعشيق بين تروس عامود الادارة المتصل بالقابض ويقال علية الديريك والعامود المناول او المساعد اللي بيحقق نسب التخفيض المختلفة ونتيجة للكلام دة بقي عندنا ثلاث انواع من الصناديق المانيوال
-انزلاقي التعشيق
- دائم التعشيق
-توافقي
وجميع هذة الصناديق تتكون من عمود القابض(العمود الرئيسى ) -عمود الادارة
- النوع الاول ذو التعشيق الانزلاقى يتم تحريك رافعة نقل الحركة الموجودة على العمود الرئيسى الى الامام والى الخلف حتى يمكن تعشيقها مع تروس الادارة كما سبق ذكرة .
- وفى النوع الثانى دائم التعشيق يستخدم قابضان (برميل+غويشتين من البرونز) من النوع البسيط ذات الانياب ويتلاحم انياب القابض مع انياب الترس فيتم نقل الحركة والحصول على السرعة المطلوبة.
- وفى النوع الثالث التوافقي وهو النوع الشائع الاستعمال (نظرا لهدوء تشغيلة وعمرة الاطول نسبيا وقلة اعمال الصيانة المطلوبة) تستخدم وصلات توافقية (تسمي وصلات بورش التوافقية ) تعمل على توفيق سرعات التروس حتى يمكن نقل السرعات بشكل مريح وهادىء دون الاعتماد على مهارة السائق وتعمل الوصلة التوافقية على توفيق الاسنان التى تشتبك بعضها ببعض وبذلك يتم تعشيقها بدون اصطدام بالاضافة الى انة يتم توحيد السرعتين عند طرفى مخروطين يوجد كل منهما على احد العمودين فأذا تحرك احد المخروطين الى الاخر يتم توحيد السرعة بين العمودين وبذلك يتم التعشيق بين التروس بسهولة
دة طبعا بالاضافة الي وجود الكورونا او علبة الساتوليك والمسئولة عن توفيق السرعة بين العجلات اليمني واليسري في الملفات في صناديق الجر الامامي والخلفي للسيارات زي التويوتا mr2
وجميع الصناديق السلف ذكرها يمكن تعشيقها دون استخدام القابض بس علي حساب قوة الصدم بين اسنان التروس المتقابلة ودة بيقصر عمر الصندوق
ومن هنا حاسالك اية الفرق في نظام نقل الغيارات اللي ذكرتة فوق لاني مش فاهم تقصد اية لان كما ذكرت دي كل الصناديق المانيوال الموجودة علي حد علمي فان كان فية جديد ياريت تتكرم وتفيدنا بة وتبقي المعلومة للجميعوربنا يجعلها في ميزان حسناتك .....تحياتي

المشاركة الأصلية كتبت بواسطة ahmedhawas

يا هندسة إنت حتى الآن مقولتش معلومة الناس ممكن تتقبلها .. اللي قلته ده مجرد إدّعااااااااء.
وبدل ما تقول على نفسك إنك غلطان .. وضحلنا أنهي نوع من الفتايس بتتكلم عنه.
يمكن تكون بتتكلم عن شيء جديد عننا أو عندك معلومة مش عندنا .. وساعتها بس يبقى عندك حق.

ادعاء ايه بس ومعلومة جديدة ايه !
انت اللى عندك الجديد
الاصل ان الفتيسات كلها زي بعض وانت اللى فرقت بين الخلفى والامامى ، يبقى انت اللى المفروض توضح !!

المشاركة الأصلية كتبت بواسطة kaza

مساء الخير وياريت تتقبل كلام المهندس ممدوح لانة شيخ قسم الدايو ومهندس سيارات عن جدارة والموضوع بسيط جدا نبدا بمن اخترع صندوق التروس وهو فرنسي اسمةlevassor وكان بة سرعتين سريع وبطئ فقط وكانت التروس به ذات مقطع مستقيم (اسنان مستقيمة) ونقل الحركة عن طريق انزلاق التروس علي العامود الرئيسي ومازالت بعض ماكينات خلط الخرسانة وطلمبات المياة تستخدم الطريقة دي من التعشيق الان
بعد كدة بدات التطويرات لكن الفكرة واحدة وتم استبدال التروس المستقيمة الاسنان بالمائلة للحصول علي تعشيق سلس دون اصطدام عنيف وتلاه الوصلات التوافقية (المتزامنة) واختلفت طريقة التعشيق بدلا من تحريك الترس علي عامود الادارة الرئيسي اصبح التعشيق دائم والوصلات التوافقية اضحت هي صاحبة شرف التعشيق بين تروس عامود الادارة المتصل بالقابض ويقال علية الديريك والعامود المناول او المساعد اللي بيحقق نسب التخفيض المختلفة ونتيجة للكلام دة بقي عندنا ثلاث انواع من الصناديق المانيوال
-انزلاقي التعشيق
- دائم التعشيق
-توافقي
وجميع هذة الصناديق تتكون من عمود القابض(العمود الرئيسى ) -عمود الادارة
- النوع الاول ذو التعشيق الانزلاقى يتم تحريك رافعة نقل الحركة الموجودة على العمود الرئيسى الى الامام والى الخلف حتى يمكن تعشيقها مع تروس الادارة كما سبق ذكرة .
- وفى النوع الثانى دائم التعشيق يستخدم قابضان (برميل+غويشتين من البرونز) من النوع البسيط ذات الانياب ويتلاحم انياب القابض مع انياب الترس فيتم نقل الحركة والحصول على السرعة المطلوبة.
- وفى النوع الثالث التوافقي وهو النوع الشائع الاستعمال (نظرا لهدوء تشغيلة وعمرة الاطول نسبيا وقلة اعمال الصيانة المطلوبة) تستخدم وصلات توافقية (تسمي وصلات بورش التوافقية ) تعمل على توفيق سرعات التروس حتى يمكن نقل السرعات بشكل مريح وهادىء دون الاعتماد على مهارة السائق وتعمل الوصلة التوافقية على توفيق الاسنان التى تشتبك بعضها ببعض وبذلك يتم تعشيقها بدون اصطدام بالاضافة الى انة يتم توحيد السرعتين عند طرفى مخروطين يوجد كل منهما على احد العمودين فأذا تحرك احد المخروطين الى الاخر يتم توحيد السرعة بين العمودين وبذلك يتم التعشيق بين التروس بسهولة
دة طبعا بالاضافة الي وجود الكورونا او علبة الساتوليك والمسئولة عن توفيق السرعة بين العجلات اليمني واليسري في الملفات في صناديق الجر الامامي والخلفي للسيارات زي التويوتا mr2
وجميع الصناديق السلف ذكرها يمكن تعشيقها دون استخدام القابض بس علي حساب قوة الصدم بين اسنان التروس المتقابلة ودة بيقصر عمر الصندوق
ومن هنا حاسالك اية الفرق في نظام نقل الغيارات اللي ذكرتة فوق لاني مش فاهم تقصد اية لان كما ذكرت دي كل الصناديق المانيوال الموجودة علي حد علمي فان كان فية جديد ياريت تتكرم وتفيدنا بة وتبقي المعلومة للجميعوربنا يجعلها في ميزان حسناتك .....تحياتي

+11111111111

الله ينور

كان في موضوع اثير من فترة في نفس الجزئية وكان ليا فيه مشاركات مفصلة ممكن حد يرجعلها ( بس هى كانت بتشرح بالتفصيل يعنى للى غاوى يفهم بالظبط وعلى الرسمة )

الموضوع كان اسمه

أرجو الإيضاح علميا: لماذا نفصل الفتيس عن المحرك بالضغط على الدبرياج أثناء نقل الحركة؟


وقلنا في الاول ان ممكن يتم النقل بدون دبرياج عند سرعة معينة وبعدين شرحنا بالتفصيل ازاى بيتم النقل في الفتيس اللى بسينكرونيزر واللى بدون (double clutching)


http://www.nilemotors.net/Nile/189618-a-5.html

ودى المشاركات اللى موجودة بدءا من الصفحة الرابعة

المشاركة الأصلية كتبت بواسطة amrelsaqqa

انا اسف جدا انى رديت رد واحد وسبت الموضوع ،

طبعا كان حوار ممتع جدا ومشاركات الاعضاء كانت اكتر من رائعة
بس ده طبعا ما يمنعش انى اكمل كلامى، يمكن كلامى يوصل الحلقة المفقودة في الموضوع
--------------
هو مبدئيا كدة ، الفتيس اللى بنتكلم عليه في مشاركة حضرتك ده مبسط جدا وبدائي جدا و وبيوضح الفكرة بس انما اللى موجود في اغلب العربيات بيختلف عنه في حاجتين اساسايتين : وجود الـsychronizers و وجود اكتر من نقلتين + نقلة ريفيرس

هنشرح الفتيس المبسط وبعدين هنشرح التعديل اللى بيتضاف عليه ( السنكرونايزرز )


طبعا حضرتك بتسأل ليه لازم اضغط دبرياج وتقريبا ده هدف الموضوع كله مش كدة ؟؟

هقولك معلومة كدة وخليها على جنب دلوقتى ، في الفتيس المبسط ده لازم ندوس دبرياج مرتين كمان مش بس مرة واحدة ! ( ندوس ونشيل وندوس ونشيل ) عشان العربية تاخد نقلة

ليه بقى ؟ ده هيبان لما نفهم في الاخر
طبعا واضح ان حضرتك عايز تعرف بالتفصيل عشان كدة بقى استحملنى :D


خليك معايا واحدة واحدة وعينك على الرسمة :



1- المحور الاخضر ده جاى من الدبرياج ، يعنى واخد قدرة الموتور بعد تأثير الدبرياج عليها سواء متحرر او لا ، يعنى زي ما قال يوكو الدبرياج مش موجود في الرسمة اصلا

2 - الترس الاخضر هو ومحوره الاخضر حاجة واحدة

3 المحور الاحمر حتة واحدة بالتروس بتاعته و متعشق مع الاخضر بشكل دائم ، والدبرياج مالوش دعوة بالحتة دى يعنى لا بيفصل ولا بيوصل هنا بين الاخضر والاحمر ، (احنا جوة الفتيس والدبرياج برة الرسمة زي ما قلنا )

4 - نستنتج من كدة ان المحور الاخضر و الاحمر بتروسهم كلهم حاجة واحدة وبيدوروا دايما مع بعض في كل سرعات ونقلات العربية


5- المحور الاصفر هو والكولار البنفسجى ماشيين مع بعض بس الكولار ممكن يتحرك لورا وقدام بس في نفس الوقت محافظ على سرعته مع المحور (يعنى تقدر تقول ان المحور الاصفر فيه حتة مشطوفة او مربعة بيبات فيها الكولار ويتحرك لورا ولقدام مع احتفاظه بنفس سرعة المحور)

6- التروس الزرقاء راكبة على المحور الاصفر على بلي ( يعنى بيستقبلوا الحركة من المحور الاحمر و بيلفوا على الفاضى بعيد عن الاصفر )
7 - كون التروس الزرقاء بتلف على الفاضى ، ده بيخليها تلف بسرعات مختلفة عن بعضها حسب حجم كل ترس فيهم وعدد اسنانه الخارجية



8 - في وضع المور ، الحركة جاية من الموتور وداخلة على المحور الاخضر والاحمر لحد التروس الزرقاء الللى بتلف على الفاضى وتفضل تلف على الفاضى ، كل ده والمحور الاصفر في التراوة ولا دارى بالدنيا ، والعربية ككل تكون واقفة او ماشية بقصور ذاتى


9 -عند التعشيق : يتم تحريك الكولار لورا او لقدام بحيث يخش في الترس الازرق وش في وش ( يعنى الفصل والتعشيق بيكون وش في وش بس ، انما اي تروس متوصلة محيطيا زي الحمرا مع الزرقا و الحمرا مع الخضرا بيكونوا متوصلين دايما وشكل سنونهم مالوش دعوة بسلاسة التعشيق لأنهم متعشقين باستمرار ، مهمة الحتة دى )

10 - بعد التعشيق ودخول الكولار في الترس الازرق يتحرك العمود الاصفر ( عشان الترس الازرق مابقاش يلف على الفاضى والكولار اللى دخل فيه اجبره يلفف العمود الاصفر معاه ولغى تأثير البلي)

11- اختلاف سرعة كل ترس ازرق في كل مرة حسب النقلة تعمل فرق في السرعة بين الدخل والخرج وده الهدف من الفتيس في الاساس


12- عودة الكولار في الوسط تمور العربية تانى

------




تتبقى المشكلة الكبرى هى ازاى هنعشق الكولار في الترس الازرق وش في وش وهم الاتنين بيتحركوا وبسرعات مختلفة ، او احدهما ثابت والاخر متحرك ؟

المشاركة الأصلية كتبت بواسطة amrelsaqqa

نكمل كلام وكنا بنقول
المشكلة الكبرى هى ازاى هنعشق الكولار في الترس الازرق وش في وش وهم الاتنين بيتحركوا وبسرعات مختلفة ، او احدهما ثابت والاخر متحرك ؟


السيناريو بيكون كالآتى ( وافتكر انى قلت في الاول هندوس دبرياج مرتين !!) طبعا ده في الفتيس البدائى بس :

بفرض ان السيارة فعلا واخدة النقلة الاولى وماشية على الاول ودايسين بنزين وعايزين ننقل على التانى

1 - نرفع رجلنا من ع البنزين و ندوس دبرياج ، عشان نلغى تأثير الموتور على الترس الازرق (يعنى بالبلدى نخلى الترس الازرق تابع لحركة الكولار بدل ما الكولار هو اللى تابع له فيخلى فصل الكولار ممكن وتبقى الكلمة كلمة الكولار في الاخر ويقدر يطلع برة ، اظن كدة بدأ يتضح ليه بندوس دبرياج ، مش كدة ؟ )

2 - نحرك العصاية لوضع المور فيخرج الكولار من الترس الازرق بسهولة ويرجع في الوسط

3 في اللحظة دى انفصل عمود الخرج عن عمود الدخل ورجعت التروس الزرقاء كلها تلف على الفاضى بسرعات مختلفة


4 - عملية التموير تمت بنجاح اذا نرفع رجلنا من على الدبرياج

5 - دلوقتى العربية ممورة والكولار ماشى بسرعة معينة غير الترس الازرق بتاع الغيار التانى اللى واخد سرعته من الموتور ، طيب ازاى هندخل الكولار تانى في الترس الجديد ؟

6 - هنا بقى ندوس بنزين بسيط والعربية ممورة (بس مش دايسين دبرياج) لحد ما نساوى سرعة الترس الازرق بتاع الغيار التانى بسرعة االكولار ( صعبة جدا العملية دى عشان كدة طوروا الفتيس بعد كدة )

7 ندوس دبرياج تانى ، ونجيب التانى بسرعة ونسيب دبرياج تانى وطبعاا عشان عملنا الخطوة 6 وساوينا السرعات هنلاقى الكولار دخل في الترس الازرق التانى بسلاسة و العربية كملت مشي بنفس سرعتها مع الفرق انها على سرعة موتور اقل وده معناه فتح المجال مرة اخرى لتزويد سرعة الموتور و العربية تقدر تجيب بالتانى سرعات اعلى من اللى كانت جايباها وهى على الاول

8 - يبقى كدة دسنا مرتين ( double clutching ) مرة عشان نمور ورجعنا رفعنا عشان نساوى السرعات ورجعنا دسنا تانى عشان نحرك العصاية للغيار التانى وسبنا الدبرياج في الاخر خالص طبعا

9 - طبعا اي غلطة في اللى فات ده هنسمع صوت زعقة اللى هى ناتجة عن احتكاك وجه الكولار بوجه الترس الازرق



في الفتيسات العملية ، بيبقى فيه سنكرونايزر يظبط السرعات لوحده ويخلينى ادوس مرة واحدة دبرياج ( بدل ما ارفع رجلى عن الدبرياج في المرة الاولى واظبط السرعة بدواسة البنزين بنفسى وارجع ادوس تانى عشان انقل)
السنكرونايزر ببساطة فكرته انه هيعمل تجويف مخروطى مرتكز على بلي بطريقة معينة في الكولار من الوجهين + بروز مخروطى في وجه الترس الازرق المقابل بحيث قبل ما السنون تخبط في بعضها تكون المخاريط دخلت في بعضها والبلي امتص الصدمة وساوى السرعات لوحده و بكدة ندوس دبرياج مرة واحدة بس بدل مرتين

وطبعا في الفتيس العملى برضه بيكون في اكتر من كولار واكتر من ترسين زرق بنسب مختلفة عشان تعدد النقلات 1 و 2و 3 و 4 و5 وطبعا في النقلة بتاعت الريفرس بيدخل ترس تالت صغير في الوسط يعكس اتجاه الدوران وده الترس الوحيد اللى بيتعشق محيطيا وطبعا بدون سنكرونايزر وعشان كدة لازم يتم والعربية متوقفة تماما والا هنسمع صوت الزعقة المعروفة بتاعت المارشدير

المشاركة الأصلية كتبت بواسطة amrelsaqqa

توضيح للسنكرونايزر من موقع howStuffWorks

عادى

المشاركة الأصلية كتبت بواسطة kaza

ياريت الاخ الكريم يوضح لينا يقصد اية بالضبط وانواع صناديق الحركة اللي بيتكلم عنها وياريت يوضح اية الفرق في الفيتيس الخلفي عن الامامي زيادة عن اختلاف اماكن محاور نقل الحركة واندماج الكرونا بالفيتيس ..هل يقصد نوع التروس مثلا مائلة ولا مستقيمة ولا اية بالضبط ياريت يفيدنا بمعلومتة القيمة

المشاركة الأصلية كتبت بواسطة amrelsaqqa

ادعاء ايه بس ومعلومة جديدة ايه !
انت اللى عندك الجديد
الاصل ان الفتيسات كلها زي بعض وانت اللى فرقت بين الخلفى والامامى ، يبقى انت اللى المفروض توضح !!

يا باشا أنا لا فرقت بين خلفي ولا أمامي .. أنا عمري ما قولت كده.
راجع الموضوع من أوله لو سمحت .. عشان تعرف كلامي كان مُوجَه لمين.

شوف المشاركة رقم 2 ثم المشاركة رقم 20.

الأخوة المحترمين KAZA , amerelsaqqa
واضح إن إنتم حصل عندكم لبس بيني وبين عضو آخر في الموضوع ده.

هههههههههههه .. مش مشكلة .. حصل خير.

المشاركة الأصلية كتبت بواسطة ahmedhawas

يا باشا أنا لا فرقت بين خلفي ولا أمامي .. أنا عمري ما قولت كده.
راجع الموضوع من أوله لو سمحت .. عشان تعرف كلامي كان مُوجَه لمين.

شوف المشاركة رقم 2 ثم المشاركة رقم 20.

الأخوة المحترمين KAZA , amerelsaqqa
واضح إن إنتم حصل عندكم لبس بيني وبين عضو آخر في الموضوع ده.

هههههههههههه .. مش مشكلة .. حصل خير.

هههههههههههه يباشا مش انت المقصود فعلا لكن طبعا صاحب المشاركة هو اللي باتكلم عنة وكنت عايز يتفضل بالشرح الوافي لاعضاء المنتدي المحترمين
لكن سعادتك فوق راسي ياباشا واسف لو كانت اتفهمت كدة ..تحياتي الحارة لشخصكم الكريم

المشاركة الأصلية كتبت بواسطة ahmedhawas

يا باشا أنا لا فرقت بين خلفي ولا أمامي .. أنا عمري ما قولت كده.
راجع الموضوع من أوله لو سمحت .. عشان تعرف كلامي كان مُوجَه لمين.

شوف المشاركة رقم 2 ثم المشاركة رقم 20.

الأخوة المحترمين kaza , amerelsaqqa
واضح إن إنتم حصل عندكم لبس بيني وبين عضو آخر في الموضوع ده.

هههههههههههه .. مش مشكلة .. حصل خير.

ههههههه معلش عندى دى

مش عارف ايه اللى عمل لخبطة

بس اشطة يعنى منورنا :d