الموضوع: ايه الفرق بين الميجان ال 2005 وال 2009

شكل شبكة الأكصدام مع الفوانيس اتغير فى 2007 وفضل زى ما هو تقريبا لحد ما نزلت megane III فلو قصدك على ميجان 2 يبقى مفيش تغيير العربية هى هى زى 2005 بس بيبقى فيه تعديلات بسيطة شكلية لكن نفس الأمكانيات وتقريبا الشكل النهائى متغيرش كتير غير فى ميجان 3 اللى هى نازلة هاتش باك فقط

مفيش عربية مبيظهرش فيها مشاكل يا باشا لكن وليها علاقة بسوء الأستعمال مش أكتر لكن العربية مظهرش فيها مشاكل حساسات ومشاكل طرمبةبنزين ولما بيبقى فيه مشكلة التوكيل بيغيرها يعنى لو انت اشترتها مستعملة وكان فيها مشكلة مثلا فى طرمبة البنزين هتبقى من ساعة ما صاحبها اشتراها وزمانه غيرها من زمان فى التوكيل ومش هتتكرر تانى العربية إجمالا مفيهاش مشاكل ياباشا واعتمادية من الدرجة الأولى كفاية توكيلها المحترم ومتصدقش اى حد يقولك كلام وخلاص

المشاركة الأصلية كتبت بواسطة Ahmed A.Maksoud

بعض العيوب المعروفة تم تلافيها فى موديلات 2007 و أنت طالع
الفرق فى الإمكانيات أو الكماليات تحديداً ممكن يكون لصالح 2005 حسب الفئة

يعنى على سبيل المثال فى 2005 كان كله بينزل بمرايات ضم حتى المانيوال
فى 2007 و أنت طالع على ما أذكر كان فيه فئات بتنزل من غير ضم و فئات بتنزل بضم.

عموماً الكماليات الأساسية واحدة فى كل الموديلات........يعنى كله abs و كله 6 أيرباج و كله تكييف سواء تاتش أو بكر....و الأوتو فئة تانية و انت طالع جنوط.......اقل من كده جنوط حديد.

بالنسبة لموضوع الطرمبة.......أنا معايا الميجان من 2005 و مكنش فيه مشاكل فى الطرمبة لحد 2009 أبتدى صوتها يعلى شوية ( صوت زنة كده ) و مكنش بيتسمع لو أنت فاتح الأزاز مثلاًَ.....و أنت قافل الأزاز و مش مشغل كاسيت و مركز كمان.........و قولت أغير الموتور علشان أكبر دماغى.....و جبت الموتور بوش و غيرته و أتكلفت تقريباً 200 جم بالتغيير بكله..........طبعاً برة التوكيل.

و تقريباً الناس اللى أعرفها محدش كان عنده مشكلة مزمنة فى موضوع الطرمبة ده.

و ثانياً الحساسات.......على مدار ال 5 سنين غيرت حساس واحد.......تقريباً كان حساس الأوكسجين.

طيب هو فيها ebd ? وهل فيه فرق بين التكييف التاتش والبكرة يعنى برودة التاتش مثلا أعلى ؟ ولا هى مجرد تغيير فى طريقة التحكم من بكرة لشاشة ديجيتال ؟ وانا شفت علبة بلاستيك جوا فى حوض الموتور مك توب عليها بوش ؟ شركة بوش دى تخصصها ايه بالظبط فى العربية ؟ سؤال أخير هو حضرتك اشتريتها زيرو ولا مستعملة ؟

المشاركة الأصلية كتبت بواسطة medo99_pc

الفتيس

ماله الفتيس ؟ وبالمناسبة ميجان 3 فتيسها أوتوماتيك ولا إيزى ترونيك اللى هو مانيوال بدبرياج كهربا ؟