الموضوع: هيه الإبيزا 98 بتاخد كام لتر زيت للموتور بالظبط.....؟؟

المشاركة الأصلية كتبت بواسطة matrix012

طب معلش سؤال سازج شويه بخصوص الفلتر
انا كنت بغير الفلتر مره ومره يعنى مره اغير زيت ومره اغير زيت وفلتر بس انا عندى مشكله ان الزيت بعد ما بغيره ياسبوع تقريبا بلاقيه اسود انا بحط كاسترول وكنت الاول بحط شيل
هل ينفع انى انظف الموتور من جوه يعنى اطلع منه السواد الى فيه الاول ولا المفروض انى احط زيت 1000 مثلا وكل ما اغيره اغير الفلتر معاه وبكده ينظف ؟

اتكلمنا قبل كده في الموضوع ده و قلتلك اني مستغرب و لكن انا محتاج اشوف بنفسي يمكن تكون انت شايف حاجه غلط او يمكن يكون طبيعي وانت مش واخد بالك .... يمكن فخلينا نشوفه مع بعض احسن ماشي !!!! زي الطارة و الدركسيون اه !!!!!!!!! فهمني طبعا

يعني لما بتاخد نقطه منه علي ايدك بتلاقيها سوداء ؟

المشاركة الأصلية كتبت بواسطة syd

لون الزيت ليس دليل عن فقده لخواصه
المهم ريحته (ماتكونش شايطة)
المهم لزوجته (مايكونش مية)

اما بخصوص اللون فهذا اكبر دليل علي قيامه بوظيفه تنظيف المحرك

وعمرك في حياتك ماهتشوف زيت نازل من الموتور زي لونه لما اتحط الا لو نزلته اول لما حطيته من غير ماتدور الموتور

والله المستعان
،
،

+1 كلام زي الفل و سليم جدا

المشاركة الأصلية كتبت بواسطة matrix012

تقريبا حضرتك فهمتنى غلط انا بقول ان بعد ما بغير الزيت باسبوع تقريبا بشوف المقاس بلاقيه الزيت لونه اسود
مش بتكلم على انى لما بغيره
وبالنسبه للزوجه الكاسترول متعدد اللزوجه هوا مش لزج قوى بس سمعت عنه كويس من اكتر من ميكانيكى وبتاع زيت وهنا فى المنتدى طبعا

؟؟؟؟

المشاركة الأصلية كتبت بواسطة gasser_beek

طبيعى طبعا ياباشا إنك تلاقيه إسود بسبب تعرضه لعملية الإحتراق داخل الموتور......

اللون مش دليل على صلاحية الزيت أو مدى جودته......المقياس الوحيد للزيت للحكم عليه بعد فترة من إستخدامه هى لزوجة الزيت وليس لونه....

لأ طبعا السبب انه يتحول للون الاسود هو تنظيفة للباستم داخل المحرك و البساتم هي اللي بتتوسخ بمواد كربونية نتيجة الاحتراق لأن الزيت لو تعرض لعملية الاحتراق هيتحرق هو كمان و يبقي مافيش زيت هههههههههههههههههه

المشاركة الأصلية كتبت بواسطة syd

يا باشا لاء فهمتك صح
وبقولك لون الزيت ليس دليل علي فقده لخواصه او عدم قيامه بواظيفه
المهم الريحة واللزوجة

والكاسترول متعدد الدرجات وليس متعدد اللزوجات

انت الي فهمتني غلط

لما تقيس الزيت خرج اللون من حساباتك
شوف مقاسه
شم ريحته
المس لزوجته

خدت بالك اقصد ايه ؟؟

بالضبط كده ولكن يا هندسة الزيت بينضف باستمرار وجوده في المحرك بمعني انه بيفضل لونه نقي تقريبا كما لو كان مازال في الجركن لفترة تصل الي 1000 كيلو تقريبا و دي انا بشوفها بنفسي يعني الزيت بيبدأ يتوسخ واحده واحده نتيجة عملية التنظيف المستمرة و اللي بينتج عنها مواد كربونية بتختلط بالزيت فبتغير لونه للأسود ولكن تدريجيا بمرور الوقت حتي عند نهاية فترة الزيت لما هتيجي تغيره بيكون بقي اسود هباب ودي علامة علي جودة أدائه

المشاركة الأصلية كتبت بواسطة gasser_beek

منور الموضوع يا بشمهندس ايهاب والله

مش بقولك يا بوب بحب اقرا كلامك يبنى بتمتعنى والله العظيم تلاته ربنا يحفظك ويزيدك

ليا سؤال رفيع بقى يا جماعة الخير....................

هل السائل الجديد اللى طالع ده اللى بيقولوا بيغسل الموتور ( ب 20 جندى) اللى بيتحط فى الموتور قبل تغيير الزيت مباشرة وبتدور العربيه دقيقه وتبطل وبعدين تنزل الزيت وتغير الجديد.............ده بيعمل حاجه فعلا ليه تأثير إيجابى أو سلبى على غسيل الموتور.............؟؟ ولا إشتغاله من ضمن الافتكاسات...........؟

الله يكرمك يا اسلام و جزاك الله خيرا علي الدعاء

بخصوص السائل الخاص بتنظيف المحرك و دورة الزيت اللي تقصده ففيه أقوال بأنه كويس لأن بيحصل رواسب كربونية داخل المحرك لا يستطيع الزيت ولا اضافاته تفتيتها ولا تنظيفها لذلك المادة دي بتقوم بتنظيف المحرك داخليا و تسمي engine flush

وفيه أقوال أخري بتقول ان الماده دي وضعها داخل المحرك خطر ولا يجب استخدامها سوي في ظروف اضطرارك لاستخدامها وانا مع هذا القول لأن مافيش اي شركة محترمه أوصت باستخدام هذه المواد في كاتالوجاتها و لو ليها لازمة أكيد كانت الشركات هتوصينا بها في كاتالوج الصيانة بعد فترة استخدام معينه للمحرك و للزيوت
ده رأيي الشخصي

للأسف معظم الاضافات المنتشرة لو جيت تتقصي عنها هتلاقي كلام كتير و معظمه يخص تسويقها اكثر من انه كلام علمي يبين لنا الحقيقة من استخدامها و دايما هتلاقي التجربه العملية هي خير دليل و لكن للأسف انت مبتعرفش هي صلحت ولا خربت الدنيا لأن المحرك مقفول ولا تعلم ما يحدث بالداخل ومش معقلول لما تحطها هتفك المكنة تشوفها نضفت ولا لأ هههههههههههههههههه

وبالتوفيق للجميع

المشاركة الأصلية كتبت بواسطة gasser_beek

لالالالالالالالالالالالال الالالالالا والله العظيم مقدرش ازعل منك ولا ازعلك خالص

احبك الذى احببتنى فيه وانا كمان والله يا هندسه ربنا يعلم معزتك عندى من غير ما اشوفك حتى

أنا وراك بقى أهو مقابلات ومواضيع وكومنتس لحد لما اعرف انا بقى اغير الزيت بايدى واتملى شحم ياااااااااااااااه.........هبق� � فى منتهى السعاده ساعتها........هههههه

ربنا يحفظك يا بوب ويجازيك خير انت ومحمد سيد والناس اللى بتضحى بجزء من وقتها عشان تساعد غيرها من غير مصلحه ولا عائد مادى

ربنا يكرمك و يباركلك و يديم بيننا الود و الحب دائما

وبعدين هو انت جيت في جمل يا نهار ابيض عدي علي محمد سيد عشان قريب منك (بلاش انا عشان انا بعيد عنك قوي) وهو هيخليك تروح شكل بلية بالضبط

يا ابو السيد معاك ابو جاسر ظبطه في اي شغلانه معاك ينوبك ثواب الراجل نفسه يتشحم و يتزيت بالله عليك متحرمه من حاجه ابدا انت عارف هو غالي علينا قد ايه هههههههههههههههههه