طلب من الاخوه الاسكندرنيه

**جندى مجند** · 16-06-2008 11:19 PM

المشاركة الأصلية كتبت بواسطة شوماخر

boty50 يا باشا ألف شكر على تعبك

جندى مجند : طب ايه اقتراحاتك يا باشا
اروح اجرب السوق ده يمكن ألاقيه
و لا اروح سوق القاهره
و لا أدى العيش لخبازه و أخلى اى محل من اللى عرضوا عليا انهم يجبوه انهم يتصرفوا

روح و جرب ... و حتى لو مالقيتهوش جرب تسأل الناس هناك عليه ... اللى حيعرفه منهم ممكن تسأله لو جابهولك يتكلف كام و كدة مكن تاخد فكرة تقريبية عن السعر و تحدد المكان اللى تجيبه منه ... بالمناسبة، هل هو دة النوع اللى حضرتك بتدور عليه؟

لو هو دة فهو فعلاً سعره غالى لأنه ذكى جداً (خالتى عندها واحد و سبحان الله تحس انه فعلاً ذكى و بيفكر كأنه طفل عنده 4 أو 5 سنوات!) و بيحفظ كلام كتير ... بس المشكلة على حسب معوماتى انه بيتهرب من بعض الدول الأفريقية و فى حظر صيد عليه عشان نادر شوية فممكن يكون هو دة سبب ارتفاع سعره ...

**شوماخر** · 17-06-2008 01:12 AM

حضرتك بجد أستاذ
فعلا هو ده ، هو افريقى فعلا
على فكره كان عندى منه واحد قبل كان فعلا ذكاءه مميز - كنت جايبه من زائير
بيتكلم انجليزى و فرنساوى و اللغه العربيه طبعا بقت لغته الام من ساعه ما قدمه حطت ارض الوطن
فى الاول بيكون تقليد كلام لكن بعد فتره بتحس انه فرد من العيله
بينادى كل شخص بأسمه و بيشارك فى اى حوار
عنده القدره انه يعبر عن احتياجاته من جوع او عطش اووووووو
و الاجمل من كل ده انه كان اتعلم الصلاه
و الركوع و السجود
فعلا ممتاز

فعلا كل اللى فى السوق دلوقتى سنه كبير و السعر كتير بالنسبه لسنه و يادوب بيتكلم كلمه او 2 و يقولوا ده بيتكلم
طبعا مهاراته ناقصه
بيقولوا انه بيتهرب من ليبيا الايام دى
و تمن المولود منه حوالى 2500

شكرا يا باشا على توجيهاتك و ان شاء الله حروح السوق يوم الجمعه و الله الموفق

**جندى مجند** · 17-06-2008 03:34 PM

ربنا يوفقك يا فندم و تلاقيه ... أكيد كان كل اللى فى البيت عند حضرتك بيحبوه جداً ... أنا عارف لأن خالتى مابتروحش أى مكان من غير ما تاخد "كوكو" معاها و بتحبه جداً كأنه ابنها و آخر العنقود كمان :) ... و قلنا عملت ايه بقى.