دايما أسمع ان التكييف لازم يبقى شغال على أول درجة بس لما العربية تكون ماشية بسرعة اكتر من 120 كم/س هل الكلام ده صح ؟
انما طول ماانت جوه البلد سرعتك مش عالية يبقى تشغل التكييف براحتك على اي درجة
ايه رأيكم فى الكلام ده أرجو الافادة وجزاكم الله خيرا ..
عرض للطباعة
دايما أسمع ان التكييف لازم يبقى شغال على أول درجة بس لما العربية تكون ماشية بسرعة اكتر من 120 كم/س هل الكلام ده صح ؟
انما طول ماانت جوه البلد سرعتك مش عالية يبقى تشغل التكييف براحتك على اي درجة
ايه رأيكم فى الكلام ده أرجو الافادة وجزاكم الله خيرا ..
اعتقد ان درجات التكييف اللي هي 1-2-3-4 دي بتكون معتمده على مروحة كهرباء مالهاش علاقة بالكومبريسور بتاع التكييف (اللي هو بيشتغل نفس الشغل على أي درجه فيهم)
هو في العربيات اللي ال سي سي بتاعها قليل 1300 و انت نازل التكييف في الزحمة و السلانسيه و الوقوف يهلك الموتور فعلا لأنه حمل عليه و بيكون على Rpm قليل
أما في المواتير اللي ربنا فاتحها في وشها :) يعني 1800 و انت طالع (و ممكن 1600 كمان) بتكون المواتير ليها عزوم أعلى في اللفات الأقل فالتكييف مايكونش مضر و لا محسوس تأثيره في القيادة
ذى ما قال احمد باشا سامى بالظبط
بس اضيف حاجة صغيرة
تاخد بالك من التكييف الاتوماتيك
لانة هايظبط المروحة و درجة الحرارة بدون مراعاة السرعة او ال rpm
دة لو عايز تحافظ على العربية على المدى الطويل
+1
اضيف كمان على كلام استاذ احمد ان عموما في اغلب الاحيان في طريق السفر وانت جايب سرعه الكمبرسور بيكون واخد عزمه كامل وشغال بكل طاقته ومش محسوس هو واخد من الموتور ولا لأ ده غير طبعاً فتحات التهويه اللي في الكبوت وبتدخل هوا طول ما انت ماشي دي كلها عوامل بتخلي كفائة التبريد للمكيف اعلى كتير في طرق السفر وعلى سرعات عاليه وبالتالي مش هاتكون محتاج سرعة مروحه اكتر من 2 بالكتير ...لكن سبب علمي ان لازم يكون على 1 دي ماظنش الحقيقه ليها تفسير او سبب .
شكرا على الردود ياشباب ربنا يبارك فيكم
خلاص عموما هي السرعة الثانية للمكيف مناسبة في السرعات العالية والمشي الطوالي وبعدين انا عمري ماشغلت المكيف على 4 اللى هى أقصى سرعة ابدا هو اخري السرعة الثالثة وكمان في اليوم الحر الجامد بس انما غير كده على السرعة التانية عالطول
لا يا شريف كدة انت ماوصلش ليك الفكرة واضحة
بص يا سيدى
1- المهم درجة الحرارة اللى مظبوط عليها التكييف و ليس المروحة
2-المروحة شغلها على اى درجة انت عايزها مفيش مشكلة على اى سرعة ماشية بيها العربية ... (بالعكس يفضل سرعة عالية للمروحة ) المروحة مجرد مروحة بتسحب كهربا عادى
3- خلى العلاقة طردية بين (سرعة العربية ) و(درجة التبريد) /عشان تريح الموتور (rpm-سحب بنزين-تقليل كهربا العربية -درجة حرارة المحرك)
4- خلى العلاقة طردية بين (درجة التبريد) و (سرعة المروحة)/عشان تريح الكومبرسور (ضغط عالى للكمبرسور بيقابلة سرعة تصريف للهواء البارد اللى طالع)
متشكر جدا أستاذ سيات لوفر ربنا يخليك ياباشا
كان ليا الشرف اني أتعرف عليك في مقابلة مايو
اية السلانسيه دي ؟؟
بصراحه افادة الاخوه الكرام فوق الممتازه
فيه نقطه كمان ( ياريت الاخوه يصححولى المعلومه )
- بداية تشغيل التكييف يجب ان تكون عند Rpm منخفض نسبيا ، لأنه لو بدء تشغيله عند Rpm عالى ، يتم التحميل الفجائى على سير التكييف ( مما قد يسرع بتلف السير او انقطاعه ).