ههههههههههههههههههههه
جامدة أخر 14 حاجة ...:satelite:
يارجالة الرد علي كلام علمي يكون بكلام علمي برضه لأنه لا يفل الحديد الا الحديد شكراا عالمعلومة يا فورميلاتور
طب انا هقول حاجة بعد اذنك ( متزعلش يا فورميولاتور ) , انا بحب اقرا اي كلام لفورميولاتور على اي عربية تانية لاني فعلا بحس انه فاهم هو بيقول ايه وعنده علم كبير ما شاء الله , ولكن تيجي سيرة هيونداي في الموضوع الاقي كل حاجة بقت ضدها , انا مشفتوش في اي موضوع بيقول اي ميزة لهيونداي , يعني معلش , انت عايزني اصدق ازاي ان هيونداي اللي هي رابع اكبر شركة في العالم دلوقتي ازبل شركة في التاريخ وفيها كل العبر زي ما استاذنا فورميولاتور بيقول ؟ يعني لا مؤاخذة كل الناس في الخليج ومصر واوروبا وامريكا مش عارفين هما بيعملوا ايه وهو بس اللي يعرف ؟ كل الناس اللي عملت اختبارات حقيقية برضه مش كلام نظري للعربيات وبتديها دايما 5 نجوم في اختبارات الامان مبتفهمش ومش عارفة حتة الصاج دي يعني ؟ بجد يا فورميولاتور انا عايز منك تفسير لحجم المبيعات الرهيب ده لهيونداي ما دام هي وحشة اوي كده ؟ ايه مميزاتها يعني من وجهة نظرك ؟
بالمناسبة ممكن اتشرف باسمك وكليتك ؟ ( يا فورميولاتور )
تمام يا مودي وربنا يرزقنا كلنا الحياد ,,,,, يمكن هو شايف حاجة احنا مش شايفينها مثلا ويمكن وضحهها وزهق من تكرار المعلومة واكيد هيونداي عربيات جميلة غير اختبارات euro ncap اللي هي واخدة فيها مستويات عالية بس اعتقد انه يقصد مستويات الامان والاختبارات دي ممكن تكون برضه فيها مستوي تجاري شويه وعربيات للاستخدام اليومي الآمن وأاكد علي الآمن اللي هي متجازفش بها عالطريق ومتعملش حركات معينة بعد سرعات معينة ,,مش عارف اوضح بس هو اكيد يقصد ان عربيات اوروبية مثلا بعينها في حوادث متتخيلش شبه حادثة السوناتا مثلا مبيحصلهاش كده
بص هو كل حادثة ليها ظروفها , بالتاكيد دي عربية متعملش بيها حركات عالطريق لانها مش عربية سباق دي عربية عائلية , بس انا مش متخيل ان اي عربية مكان السوناتا دي دخلت الدخلة دي على عربيتين حجمهم كبير جدا ووزنهم كبير جدا بالسرعة دي بالجنب وميحصلهاش حاجة برضه ! ليه اي حاجة متعلقة بهيونداي بنمسك فيها وخلاص ! يعني تخيل كده لو العربية دي فيات مثلا كان هيقول ايه ؟ ( ده ممكن يحصل لاي عربية ) ولا هيقعد يعيب في فيات ؟
غريبة قوي
فعلا حادثه غريبه
+11111111111اقتباس:
ايه ماركة العربية اللى كانت فيها الكاميرا, أصله لحق و وقف, زى اللى يكون كان مستنى الحادثة تحصل, ماشاء الله, الفرامل عنده ممتازة.
للى بيشكك وميعرفشى أختراع التصوير من داخل العربية ... أهدى ليه هذا الفيديو .
http://www.youtube.com/watch?v=SqAtdWTSVUE
لا لأ معلش.. انت بتتكلم فـ أيه؟؟
- مبدئيا موتور الـ2.0 TFSI بتاع الجولفGTi بيطلع 210 حصان.
- وانت ليه اتكلمت عـ الـState-of-Tune دى (الـ210 حصان) ونفضت للى أعلى منها (اللى بعدها)؟؟!!!
ماتعرفش ان فيه موتور الـ2.0 TFSI برضه بيطلع 265/270 حصان على الجولفR والأودى S3 والشيروكو R؟؟!!!
(ماتقوليش الفئة السعرية بعد إذنك، احنا بنتكلم على مواتير).. عشان بس الكلام يبقى واضح. :alien31:
وانت كمان هتتكلم على مواتير الـVW؟؟!!! فولكس دى بتعمل مواتير تربو من قبل ما هيونداى تفكر تعمل عربيات أصلا.. هههههههههههههههه
وعلى رأى VW فـ دعاية الجولف GTi:
Right Amount of Power + Proper Amount of Handling = Perfect Hot-Hatch
قالك Perfect GTi مش Perfect Car.. !! هههههههههههههههه
وطبعا الهاندلينج والثبات دى من أكبر نقط الضعف فـ الهونضاى،
بصرف النظر عن عدم اقتناعى بالـpoint بتاعتك (اللى هى خرج المواتير،واللى رأيى مالهمش فيها برضه)،
بس هتعمل أيه بعربية باور عالى وتحكم وثبات واطى.. مش على مستوى الموتور؟؟!!! وده مش جديد على هيونداى فـ كل عربياتها؟ ولا أيه؟!! هههههههههههه :grin28::grin28:
هههههههههههههههههه
خلاص، خد المعلومة المفيدة (ان وجدت).. وكبر من التريقة على العربيات الكورى؟؟!!!
تصحيح: هى مش تريقة على خلق الله..؟؟؟!! غريبة أوى؟؟؟!!!!!! :question2:
تانى: كلامى عـ الألنترا بتاع مصر، ماتكلمنيش على هيونداى برا.. لأن الناس هناك ليها ستاندردز أعلى..
فـ هيونداى لازم تديهم منتج قريب من مواصفات وجودة الأوروبى، وبسعر أقل.. عشان يشتروه. :penguin4:
وبرضه.. حجم المبيعات لا يعكس أبدا جودة المنتج، دى قاعدة صناعية-تسويقية معروفة.. وإسأل أى حد بتاع Marketing يقولك.
أنا تصورى انها Double-impact اتركزت على نقطة انهيار فـ الشاسيه-البودى،
وزى ماقولت ان هيونداى مش الشركة اللى عندها تكنولوجى وAnalysis Tools متقدمة
تقدر تعمل بيها Architecture/Structure بالصلابة العالية عند التصادم بالسرعات دى؟؟!!!
وده ليــــــــــــــــه؟؟!!! (كويس أوى انك فتحت الجزئية دى على فكرة): :grin28:
عشان مالهمش فـ صناعة السيارات الرياضية، ولا السوبر-سبورت كوبيه (زى الألمان والطلاينة مثلا)..؟!!
بيقولك: انك تعمل سيارة تمشى بسرعة 200 كم/س.. دى صنعة،
وانك تعمل سيارة تتخطى سرعة الـ250 كم/س.. دى صنعة تانى،
وان الشركة تعمل عربية تسير بسرعة فوق الـ300 كم/س.. دى تكنولوجى وصناعة غير خالص..؟!!
لأن عند سرعة 300 كم/س، ممكن البودى والهيكل مايتحملش ضغط السرعة وينهار تماما..؟؟!!! :go:
مثال:
البودى بتاع سيارات الفيررارى (ألومنيوم/كاربون فيبر) أثناء التصنيع..
فيه Instrument بيعمل Check على 800 نقطة فـ الهيكل بالموجات الـUltraSonic
بحثا عن نقاط الضعف (اللى ممكن تبقى نقط انهيار بعد كده)،
عرفت ليه عربيات الفيررارى واللامبورجينى والـAMG////// بتصطدم عند سرعات عالية جدا، واللى جواها بيطلع سليم؟؟!!!
Edit: اللى عامله الجهاز دى شركة Comau أكبر شركات الـRobots والأنظمة الصناعية فـ العالم، وميكنة مصانع السيارات.
والـSoftware عاملاه شركة Magneti-Marelli المعروفة (كفاية التشيبات والدركسيون بتاع عربيات فورميولا1 والـKERS)..
والـ3 شركات (كوماو، ماريللى وفيررارى) هم جزء من مجموعة فيات الإيطالية..!!
أهاهاهاهاهاهاهاها ههههههههههههههههههههههههه :grin28::grin28:
اللى عايز أقوله:
ان اللى عنده تكنولوجى، يقدر يعمل.. (من أول السوبر-كار، لحد العربية الصغيرة الإقتصادية)،
المهم ان الـKnow-How بتاع الصناعة يبقى موجود..
وان شركة زى هيونداى-كيا، لا تمتلك مصادر التكنولوجى السابق ذكرها..
يابيه ده بيقولك ان الـLexus LFA أول عربية ينفع يتقال عليها سوبر-كار من صانعها (ودى تويوتا أكبر صانع آسيوى)..؟!!
دول أصلا استعانوا بـYamaha فـ تصميم المحرك الـV10 عشان مالهمش فـ المواتير الـHigh-Revving؟؟!!!
هيونداى بقى بتاخد Tech منين؟؟!!! ماندو؟؟ هههههههههههههههه :grin28:
بالنسبة لفيات (وتأكيدا لنظرية المبيعات مالهاش علاقة بالجودة والتفوق التقنى):
المفروض شركة بالحجم والإمكانيات دى، تبقى من الـTop-3 عـ الأقل..
لكن عشان الفشل التسويقى لـFGA، النهاردة فيات (+ كرايسلر) رقم 6 على العالم فـ المبيعات وحجم الأنتاج؟؟!!!
وده رقم مخيب جدا لشركة بتضم أكثر من 12-14 ماركة اقتصادية و رياضية وLuxury ووو...etc.
Regards،
أنا بجد مش عارف انت فاهم وعامل نفسك مش من هنا؟؟ ولا فعلا مش واخد بالك؟!!
أحنا بنتكلم عـ الهيونداى بتاع مصر (غبور أو خليجى)؟؟!!!
اللى انت بتتكلم عليها بتاع أمريكا، كلمنى عن مصر يافندم..
وأفتكر المثال اللى المنتدى كله عارفه بتاع قضبان الحماية فـ باب الـi30 اللى متشالة واضح أوى،
ياعم سيبك من الباب الإستيراد فـ الحرفيين..
مصدرك الأساسى (النت).. شوفت تجهيزات الأمان من أيرباجز وABS/ESP قد أيه؟؟!!! فين ده فـ العربيات اللى بتتباع فـ مصر؟؟؟!!
- بالنسبة للسعر: لما تكون الإلنترا بتتباع هنا بـ160 ألف،
وبرا Extremely Loaded (عشان Fully لزبائن الكورى مفيهاش مواصفة أمان ).. بتتباع أرخص من المنافسين.. ده يبقى أيه؟؟!!!
ومعاك فـ نقطة السعر التنافسى للكورى، هى أكبر مميزاتها فـ أوروبا انها Full-Size, Cheap Korean Cars.. بس كده.
------------
انت بتحسسني ليه ان اللي بتنزل هنا واحدة تانية ؟ دي كلها شوية اوبشن و (انظمة) امان والشاسيه والصاج زي ما هو , وبعدين انت مجيبتش سيرة مصر انت بتككلم على هيونداي بشكل عام بدليل ان الفيديو ده مش في مصر اصلا , وبعدين هي في مصر بتتباع اغلى من المنافسين ؟ زي السيفيك اللي ب 200 الف ولا الجيتا اللي ب 220 الف ولا زي ايه من المنافسين بالظبط ؟ , هي فعلا رخيصة بس بتقدملك قدامها قيمة عالية وده مش كلامي ده كلام اي حد في اوروبا او في امريكا ولو كان كده مكانوش قارنوها بالاوروبي والامريكي من اساسه !!!
انا بتكلم على عربية economy مش سوبر كار , ماشي فيراري بتعمل سوبركارز كويسة وكل حاجة , بس على ارض الواقع ( في الشارع ) , فين عربيات فيات بقى ؟ النجاح مبيتقاسش بالمبيعات ؟؟!!!!!! , امال بيتقاس بايه , ده اي شركة لما بتنزل اي منتج وميتباعش بتشيله اوتوماتيك لانه فشل !!!!
فعلا هيونداي ملهاش في تكنولوجيا المواتير العالية بس بتتقدم , انا مش بتكلم في قوة مواتير , انا بتكلم مثلا معايا 25 الف دولار وقدامي gti 200 حصان و جينيسس 274 حصان هختار ايه بقى ؟ ال gti عشان فولكس بتعمل مواتير حلوة في اللامبورجيني مثلا ؟ , اما حتة الهاندلينج دي جبتها منين معلش ؟ هاتلي اي حد من اي مكان بيقول ان الجينيسس الهاندلينج والثبات بتوعها تعبانين !!! , يا سيدي هو انا قلتلك هيونداي عندها تكنولوجيا متطورة زي فيراري !! , بس بتقدر تحط اللي عندها في سعر منافس وعربية منافسة انا كمشتري مش هيفيدني لما اجيب فيات انها صاحبة فيراري اللي بتعمل مواتير كذا وكذا !
واديك قلتها بنفسك , لما فيات معاها 14 شركة وفي المركز السادس , وهيونداي معندهاش غير هيونداي-كيا
----------
اما بقى بالنسبة لحتة :
هى الـ5th مش الـ4th ولا حاجة، انتو بتجيبوا الأرقام ده منين؟؟!!!
من ويكيبديا والله مش من عند ابويا
اتفضل
Hyundai was founded in 1967 and it, along with Kia, together comprise the Hyundai Motor Group, which is the world's fourth largest automobile manufacturer, as of 2009. As of 2011, it is the world's fastest growing automaker for two years running
بجد يا فورميوليتور انت عندك معلومات جامدة جدا ولازم تعمل سلسلة موضوعات ضخمة تكلمنا فيها عن التكنولوجى دى كلها وهتكون احسن من الردود والجدال اللى فيها
بجد ما شاء الله عليك :)
+1 فعلاً دماغة بتعجبنى جداً وكم المعلومات اللى عنده وتحليله للأمور من ساعة موضوعه بتاع Engine Brake.
بس أول ما يُذكر سيرة الكورى بيتحول مرة واحدة لجيرمى كلاركسون مش عارف ليه . :fdsa:
فورميلاتور عاشق الفيات :)
تحياتى لفورميلاتور .
بجد جاب من الاخر
صعب جدا
و الله يا Formulator احنا مش بنشكك فى كلامك و لا حاجة بالعكس إحنا بستفيد من خبراتك الفنية و التقنية الجامدة جدا جدا ما شاء الله عليك
انت يا باشا قاقل واجب تبقى فى ال cast بتاع Topgear UK و بدون مبالغة صدقنى
كل اللى يقصده mody3on ان بالبلدى كده و على رأى المثل "على قد لحافك مد رجليك"
يا باشا كلنا عارفين ان انضف حاجة فى أى حاجة هى الألمانى و بالذات فى الميكانيكا
و بعدين الأروربى و بعدين اليابانى فى الأسيوى
بس يا باشا الكوريين لعبوها صح
يا باشا أنا على قدى فى الامكانيات و محتاج عربية زيرو تقضى أغراضى ( عائلية , شبابية أو أيا كان )
وتكون جودتها معقولة و صيانتها سهلة و انتشارها معقول لأن زى ما قولت إمكانياتى محدودة و عاوز أبيع و أشترى بسهولة بدون تعب أو مشاكل
هل فى يا Formulator باشا حاجة أوروبى بتحققلى المعادلة ديه فى مصر ؟؟؟
لو فى حاجة أبوس ايدييك لايمنى عليها بسرعة عشان أنا عايز أغير عربيتى أصلا