بصراحة منظر العربية وهى بتنشطر لنصفين خلى الواحد يزبهل ...! :oho: :toothgrin:
202B403D4FAF96C6183449 - YouTube
بصراحة منظر العربية وهى بتنشطر لنصفين خلى الواحد يزبهل ...! :oho: :toothgrin:
202B403D4FAF96C6183449 - YouTube
اعتقد الكلام ده مش حقيقي
والله اعلم
ده ازاى
هى كانت نصين وملحومه ولا ايه
اخت بالك من كيا سبورتاج حصلها ايه
ايه ده ......!!!
العربيه دي نصين و ملحومه تحت بير السلم باين عليها
مبدأياً انا مش حاطط الفيديو انتقاداً لماركة معينة ... بس بجد ازبهليت لما شوفت الفيديو ولان شكلة مش ملعوب فيه والله اعلم .
هو مكانش فيها لا كنب ولا كراسي مثلا
بس الاسيورتاج اتروقت والميكروباص محصلوش حاجة
معلش انا شوفت الفيديو أكثر من مرة و عملت زوووم لأقصي درجة ممكنة علشان أحدد نوع العربية
مش لاقي علامة أو دليل علي أنها سوناتا لأن معلمها أختفت بعد الصدمة الاولي قبل ماتنشطر
على فكرة دى حادثة جامدة جدا اصلا والفيديو حقيقى
لو تلاحظ ان العربيات التانية دخلت فيها من الجنبين بسرعتهم ملحقوش يهدوا حتى
العربية سوناتا 2006 كان فيها 3 ركاب .. اللى كان راكب جمب السواق مات بس بقيت الركاب تمام
بس بسم الله ما شاء الله السبوتاج وحش باردوا الخبطة مدخلتش على الباب حتى
على فكرة دخلت ترجمت الكلام الكورى واليابانى وكمان شاهدت الفيديو من ناقلين آخرين .
والكلام المعلق على الفيديو انه فعلاً السائق مات واتنين ركاب خلفيين عاشوا ... مع ان مش باين من الحادث حاجة أصلاً والله أعلم .
مع انى من محبى شكل السوناتا لاكن اتصدمت من الفيديو ...!
لا حول ولا قوة إلا بالله
ناس ماشية فى حاله
فى جزء من الثانية حادثه مهببه
عدت الطريق التاني علي سرعه عاليه وغير كدا السبوتاج ضغط علي الفرامل اصبح جسم صلب ثابت مع ضغط الفرامل تخيل انت بتحدف حاجه حديد في الحيطه الحيطه هتتخربش والحاجه الي بتحدفها تتكسر
مستحيل الفيديو ده يكون حقيقى و بعدين الى بيصور ده بيصور ليه
والعربيات مش على سرعات عاليه دى لو فيرنا ما يحصلش فيها كده مع احترامى للفيرنا ومش باين اصلا انه كان فيه حد فيها ويعنى هى كانت ماشيه فى نص الطريق ولا ايه فيديو غير منطقى
إيه الراجل المعفن ده
يعني هو في كوريا ورايح يجيب العربية نصين
ده اكيد انحرف من الطريق التاني واتخبط في حاجة قبل العربيات وممكن العربية كانت ملحومة
مش حاسس الفيديو
مهما كانت قوة الحادثة ده ميخليش العربية تعمل كدة
واعتقد ان العربية كانت ماشية قدام الميكروباص مش كدة ولا ايه؟
لا حول و لا قوة إلا بالله
والله فيه صور لبى ام ومرسيدس نصين عادى جدا وعربيات كمان اغلى ونصين ايه المشكله
طبيعه الحادثه هيه الى بتحدد تبقه نصين ولا اربعه انصاص-وكل كرسى لوحده
اعتقد العربية السوناتا كانت جاية من ع الناحية التانية وانحرفت عن مسارها ودخلت بجنبها في الاسبورتاج والميكروباص مع بعض والدليل على كدة العفرة اللى في النص وان الطريق اصلا كان مكشوف للاسبورتاج والميكروباص فمفيش مبرر انهم يلبسوا في السوناتا اللبسة دى ومن غير حتى ما يهدوا الا اذا كانت السوناتا اتحدفت عليهم من الناحية التانية زي القضاء المستعجل
وباين من حدفة العربية حتى بعد الخبطة انها كانت محدوفة من بعيد وحتى بعد الصدمة كان لسة فيها طاقة تكمل زحف لورا وتستقر نصين هامدين ..
بس اعتقد ان الراجل بتاع السوناتا ده كان ماشى بسرعة مش اقل من 220 !!
ومع تصادمه في عربيات ماشية قدامه بسرعة 80 على الاقل يبقى كأنه كان ماشى بسرعة 300 !!
او تقدر تقول ان العربية كانت ماشية على سرعة 100 بس بجنبها !! ولبست في عربيتين في الاتجاه المعاكس ، وطبعا جنب العربية ضعيف والشاسيه مش هيستحمل الخبطة الجامدة دى من الجنب
احنا بنشوف اختبارات التصادم بتعمل ايه في العربية على سرعة 60 ، فمش بعيد خالص ده اللى يحصل على سرعة فوق ال180 مثلا
وانا كنت فاكر انى شفت زمان اختبار تصادم على سرعة 200 لعربية بي ام وتقريبا العربية ما اتبقاش فيها غير الاكصدام اللى ورا رغم انها بي ام ! بس ده عشان سرعة 200 ياريت الناس تعرف وتدرك يعنى ايه تصادم على سرعة عالية مش يشوف العربية بتخبط على سرعة 60 ويقول وااااااو 5 نجوم ...
بس انا الصراحة عمرى ما كنت اتخيل ان في حادثة شكلها بسيط زي دى ممكن تقطم الشاسيه نفسه بالطريقة الفظيعة دى !
واعتقد انها مش ملحومة ولا حاجة ، دى عربية سوناتا في بلد انتاجها ايه اللى هيقطعها وهيلحمها تانى اصلا
وبيتهيألى اصلا ان النظام الغبى بتاع العربيات المستوردة 3 حتت ده مش موجود في اي حتة في العالم غير مصر :d
الخلاصة في الاول و في الاخر ان محدش بيتعظ برضه مهما يشوف واللى فيه داء اغبر ما بيسيبوش ابدا :D
وربنا يحفظنا في طريقنا جميعا
العربيه اللي اتقسمت نصين كانت جابه من الاتجاه المعاكس الناحيه التانيه و دخلت في وش السبورتيج عشان كده الاصطدام كان مهول
العربية خدت Double impact من السبورتاج والميكروباص (كيا besta تقريبا :grin28:)..؟!!
يعنى خبطتين متتاليتين فـ الجنب، وعلى سرعة..
ممكن جدا انها تتشرخ نصين عادى جدا (خصوصا ان الكورى مش مشهور يعنى بالصاج والأمان)..؟؟!!!
بالعكس.. معروفة انها عربيات صاجها ضعيف،
مالهمش فـ الـStructuring بتاع البودى والدعامات (أو Concept حماية زى الـSafe-Cell) اللى بيتعمل فـ عربيات كتير Premium.. :go:
Regards،
يا ساتر يارب...
اعتقد ان ده بديهى و اعتقد ان اى عربيه كانت هتزعل نفس الزعله يعنى
لان الشاسيه بيكون فيه نقط ضعف برضو و حظو السىء ان الخبطه اصابت نقطه الضعف ده احساسى
ما شاء الله
+111
ههههههههههههههههههه
أنا والله كنت فاكر أقول "والشاسيهات الثقيلة عالية الصلابة" من ضمن الحاجات اللى مالهمش فيها؟؟!!! هههههههههههههه
هو فعلا دلوقتى الشركات الكبيرة مش بتعمل الشاسيه St.Steel فقط زى الأول،
بصرف النظر عن درجة النقاء (من أول 304، 312 لحد الـHigh-Temper Grade St.Steel اللى هو الـ316/318)..؟!!
لأ، بقت Alloy صلب + ألومنيوم أو Magnesium، وفيه أجزاء من أطراف الشاسيه (زى الصدر اللى بيركب عليه الإكصدام) بيبقى ألومنيوم..
الكلام ده عشان تخفيف الوزن، والإحتفاظ بالصلابة العالية.. (وتزويدها كماااااااان).
بالنسبة للـBody Structure.. فعلا هندسة الـRoll-Cage اللى استفادوا بيها من السباقات وعملوا الـSafe-Cell،
فرقت معاهم جااااااااااامد جدا فـ الأمان.. خصوصا فـ الـSide-impact وحوادث الإنقلاب..؟!!
- دا غير لحامات الليزر اللى بتاخد العربية كلها داير، زودت الـintegrity وقللت نقاط الإنهيار across البودى..!!
شكرا للتصحيح ياكبير، :B4_033:
هههههههههههههههههههههههه
ماهو انت لازم تعرف الـSource بتاع التكنولوجى بييجى منين؛ :bill:
مش بتكلم بس على الـMaterials of Construction، ولا على كثافة ألواح الصلب اللى بيعملوا منها الـParts،
(اللى هى لا تتخطى 400 mPa.s للآسيوى، ولا تقل عن 650 mPa.s فـ السيارات الأوروبية)
والكلام "المعقد" ده يقدر أى سمكرى فـ الشارع يترجمه لو خبط بأيده على باب العربية، أو فتح الباب وقفله.. يقولك: العربية دى صاجها محمل وثقيل، أو دى صاجها ورق يابيه..؟!!
هو أنا بفتى مثلا، دى حاجة معروفة يعنى الكورى ضايع فـ الصاج.. هو حد هيتكلم فـ دى كمان؟؟!!! :dzey:
بالنسبة للتكنولوجى بقى والمصدر:
كل الشركات الرائدة عندها مصادر للتكنولوجى العالية، وهما مصدرين مفيش غيرهم..
1- خبرة الرياضات الميكانيكية والسباقات.
2- الصرف على الـR&D الأبحاث والتطوير.. (شركة زى فولفو مالهاش فـ السباقات لكن بتصرف أرقام خزعبلية على تطوير الـSafety بتاع عربياتها)..!!
نيجى بقى للسباقات:
(اللى طبعا الكوريين مالهمش فيها، عشان بس ماتقوليش: ماهيونداى ليها فريق فـ الفورميولا1) هههههههههههههههههه
آخرهم: الشباب اللى بيشدوا عـ الدائرى وبيتنفخوا برضه.. ههههههههههههههههههه
- تفتكر شركة زى فيررارى كانت هتقدر تعمل عربياتها (التجارية) بالكامل من الأولمنيوم/كاربون-فيبر أزااااااااااى لولا خبرة السباقات؟؟!!!
لأنهم فـ الأصل بيعملوا عربية الـF1 بالكامل من الـCarbon-Fiber.. عشان تخفيف الوزن = سرعة فائقة + الأمان العالى فـ التصادم.
- شركات زى BM و Merc وألفا وأودى كانت هتعمل إزاى عربيات أماااااااان من غير المشاركة فـ سباقات الـWTCC،
أو شركات زى بيجو-ستروين VW كانت هتطور إزاى عربيات دبابة من غير الراليات..
هى دى خبرة الـRoll-Cage اللى اتحولت لـConcept الخلية الآمنة فـ عربيات الركوب. :penguin4:
جزئية الـ....ls وتشكيل المعادن والـMaterials of Constrution مش هتكلم فيها كتير، معروفة يعنى..؟!!
أنا معرفش تعليمك أو خبرتك أيه؟؟
- بس عايز أقولك ان التقدم فـ صناعة الـMaterials والمعادن عمل طفرة فـ صناعة العربيات.. والريادة (فـ الأثنين) معروفة جاية منين.. أوروبا طبعا. :grin28:
(عشان ماتقوليش دى كيا-هيونداى هى اللى طورت بلوكات الألومنيوم والبودى الكاربون مش فيررارى ولامبورجينى)؟؟!!! هههههههههههههههههههه
بالنسبة للفيات:
أعتقد مش محتاج أتكلم، على الصاج والأمان..؟؟!!!
شوف كده العربية اللى ألفاروميو هترجع بيها أمريكا الشمالية الألفا 4C GTA الأسطورية:
Alfa Romeo
وأنا جبتلك الصفحة بتاع الـArchitecture بس، قالك Carbon-Fiber Chassis
وعايزك بس تذبهل شوية بعد إذنك وانت بتقرأ اللينك (بما ان الستاندردز بتاعك كورى)، :dzey:
- وما تذهلش أوى من الموتور الـ1.8 Turbo MultiAir الـ300 حصان، ولا الفتيس الـTwin-Clutch TCT..
ولا من وضعية الموتور الـMid-Rear (اللى مادخلتش كوريا الجنوبية أصلا) المشتقة من عربيات الفورميولا1.. ولا من التسارع من 0-100 فـ أقل من 5-ثوانى،
وأبقى قوللى فيات لما تعرف تعمل عربية كده (شاسيه و بودى كاربون) ، يبقى هتعرف تعمل عربية Safe عند الإصطدام ولا لأ..؟؟!!!
- فيه فرق بين صانع سيارات بيديلك تكنولوجى على قد الفلوس اللى دفعتها (لكنه يمتلك أكثر)،
وبين أشباه صناع السيارات اللى بيبيعلك عربية أصلا over-priced،
ومهما دفعتله أكثر مش هيقدر يديك أكثر (لأنه ببساطة لا يمتلك تكنولوجى أكثر)..!!
ههههههههههههههههههههههههه :go:
Regards،
طب انت جربت السوناتا عشان تقول ان صاجها ضعيف ؟ ( معرفش اصلا دي سوناتا ولا لا ) , الكوريين طبعا ملهمش في السباقات ومحدش قال غير كده , وده مش عيب الشركة محددة هدفها وبتتوسع , شوف هيونداي من كام سنة كانت فين ودلوقتي بقت فين , بالنسبة للامان انا مش فاهم اوي في التعقيدات دي عشان مكدبش عليك , بس مش انا اللي اديت معظم عربيات هيونداي Top Safety Pick و 5 نجوم في ال EuroNCAP , اللي عارفين هما بيعملوا ايه واظن الاجانب بيخافوا على ارواحهم ومش بيركبوا عربيات ( ورق ) , بس اكتر حاجة ضحكتني ان هيونداي اللي معروفة باسعارها المنافسة بقت Over-Priced , الالفا روميو جميلة وكل حاجة , بس على ارض الواقع والعملية والاعتمادية ( وده انا بحدده بمدى نجاح العربية في العالم وانتشارها ما دام مش بتقتنع بالريفيوهات ) , صفر مربع , هي الالفا روميو دي بتنزل فين اصلا ولا بتتباع فين ؟ وبعدين انت بتتكلم في سوبر كار وانا بتكلم في كومباكت كار او Large family car , ايه دخل السوبر كارز في الموضوع ؟ , مقدرش انكر ان مواتير الفيات ال TwinAir ممتازة , بس دي في فئة تانية , يعني مثلا الجينيسس كوبيه بتنزل امريكا بموتور ( بيزك ) 2.0 لتر و 274 حصان , خد بالك انها في نفس الفئة السعرية للجولف gti ال 200 حصان , وده من اوائل المواتير التربو لهيونداي , شوف بقى المواتير الجاية هتبقى عاملة ازاي
السلام عليكم و رحمة الله و بركاته
أنا داخل هنا عشان أقول حاجتين:
1- ايه ماركة العربية اللى كانت فيها الكاميرا, أصله لحق و وقف, زى اللى يكون كان مستنى الحادثة تحصل, ماشاء الله, الفرامل عنده ممتازة.
2- الحاجة التانية, طبعا لأنى أنا استغلالى و باستغل الفرص, قلت أما أدخل أقول البؤين دول, اذا كاااااااااااااانت السوناتا بيحصل لها كده, أوماااااااااااال الالنترا و الأكسنت هيحصل فيهم اييييييييييييييه ؟؟, بس كفاية كده, هروح أجيب طفاية الحريق ال5لتر و آجى.
انت جاى تهرج صـــــح ... فيات أيه اللى هيحصلها حاجة من خبطة زى دى .
دى كانت عملت leaping in air وتخطت السبورتج والميكروباص ونزلت سليمة وكملت فى طريقها تانى ...!
كويس انى اصطدتك فى الموضوع ده ... هو مينفعشى مرة تقول معلومة مفيدة من غير تريقة على خلق الله فى عالم صناعة السيارات .
خف شوية علينا ... ده انا تعاطفت وحبيت الكورى من كتر اطهادك ليه :) .
اكيد انت مش من المنتدى ... طبعاً العربية اللى كانت بتصور صناعة أوروبى وكمان الكاميرا كانت كارل زيس .
يا ساتر يا رب...حادثة وحشة قوي
يا ساتر يارب !