الموضوع: للمتزوجين فقط....................مراتك بتكلمك كام مره فى اليوم...؟؟؟

المشاركة الأصلية كتبت بواسطة alexaway

بص فى نوعين من الستات
الاولي بتتصل كل شويه علشان تشوفك فين وبتكلم مين , يعني مدكش فرصة انك تخونها وتتابعك ودي عندها فلسفة انها لو عملت كدا مش حيبقي عندك فرصة للخيانة او حتي التفكير فى واحده تانية .

ليه يعني هوا اتصالها بيه هوا اللي هيحوشه

الستات النوع التاني بقي بتتصل بيك فراغ لانها زقهانه ومفيش حد معاها وبتكلمك لانك اقرب شخص ليها وتحاول تشغل وقتها

ليه بتفترضوا ان الست بتبقى فاضية وعندها وقت فراغ..
الست طول ماهي في بيتها مش بتبطل شغل .. وبتكلم جوزها منها تطمن عليه ومنها تريح شوية م الاشغال الشاقة
وبعدين طيب ما انا باشتغل و اوقات ممكن اتصل بجوزي 4 مرات في اليوم بس مش كل يوم
مرة اطمن انه لقى مكان يركن عشان بيبقى شايل هم الموضوع دة لما بيتأخر (عادة انا اللي بأخره)
مرة اسأله على حاجة معينة اجيبها وانا جاية م الشغل ولا لأ
مرة افكره بحاجة طالباها يجيبهالي
مرة اشوفه خلص شغل ولا لأ عشان اروح معاه
ايه المشكلة ساعات يرد عليا كويس وساعات يدلقني عشان عنده شغل
وانا كلي روح رياضية مش بازعل

المشاركة الأصلية كتبت بواسطة mohammedabdallh

انا بقا فى اول جوازى كان الموضوع كدا
بس الحمد لله لغيت الموضوع ده
احنا ناقصين وش كل شويه
ولو عاوز اقولك تلغيه ازاى
هقولك

ازاي ؟؟؟

المشاركة الأصلية كتبت بواسطة shaddadfalcon1

وفي نوع تالت طلباتها مبتخلصش وكل شويه تتصل عشان عايزه حاجه او عايزه تنكده عليك

المشاركة الأصلية كتبت بواسطة alexaway

اهو ادا خطر نوع , الله يكون فى عون اللي متجوز واحده من النوع دا

ايه يعني لما الواحدة تطلب من جوزها حاجة للبيت
هوا بيتها لوحدها ؟؟

اعتقد ان الزوجة النكدية دي انقرضت
انا دلوقتي مش باشوف غير الزوج النكدي

المشاركة الأصلية كتبت بواسطة FunnyMickey

اعتقد ان الزوجة النكدية دي انقرضت
انا دلوقتي مش باشوف غير الزوج النكدي

[/center]

منقرضتش ولا حاجه يانونيتا
امال الزوج نكدي ليه .
[/QUOTE]

ههههههههههههه هاقول لحضرتك ليه الزوج بيتصور ان زوجته نكدية وزنانة
الراجل ملك نفسه .. لكن الست ملك زوجها
لما هوا بيبقى عاوز يروح مشوار او يشتري حاجة او ياخد قرار في اي موضوع بيعمله ممكن ياخد رأيها لو هما متعودين يشوروا بعض وممكن يعمل اللي هوا عاوزه من غير ما يقول وهيا ما تقدرش تفتح بؤها
الست لو عاوزة تعمل نفس الكلام ما ينفعش تعمله من نفسها والا تتقطم رقبتها ..لازم تاخد الاذن ..ما يرضاش ..تتحايل عليه ..ما يرضاش ..تبقى ست زنانة.. تتحايل تاني ..يتخانقوا ..تبقى ست نكدية ..

الست بقى تبقى قايدة صوابعها العشرة شمع لجوزها ومخليا البيت فلة وتعبت وقاعدة بترتاح وفاضل لها بس تنشر الغسيل مثلا
ييجي يقول لها ..
انا عاوز شراب .. وديتي شراباتي فين ؟
معلش
شراباتك كلها في الغسيل هانشره دلوقت
.. انتي لسة ما نشرتيهوش .. اخرج انا ازاي دلوقت
ما انت ما قلتش انك خارج..
المفروض تكون حاجتي جاهزة
مانا معرفش ان الشرابات اللي في الدرج خلصت
ما انتي المفروض تخلي بالك من حاجة جوزك يا هانم
ما هو انا اخر حاجة تفكري فيها
معلش اصل كان ورايا شغل كتير في البيت وما قعدتش خالص
ما انا جيت لاقيتك قاعدة ما بتعمليش حاجة .. بتعملي ايه طول النهار
هههههههههههه
وهلم جر

مين فيكو يا رجالة ما بيتأمرش على مراته
باعتذر لصاحب الموضوع اني خرجت عن الموضوع الاصلي بس الكلام جاب بعضه

ملاحظة هامة .. الموقف دة ارتجالي وليد اللحظة محصلش معايا ولا حاجة والحمدلله

المشاركة الأصلية كتبت بواسطة gasser_beek

هوا ايه اللى جاب حاببها او مش حاببها ياباشا فى الموضوع مش فاهم

انا بقول الموضوع مش مضايقنى بالعكس الحمد لله وعارف انها نعمه وربنا يباركلى فيها وفى اولادى

انما الراجل بطبعه يعنى - او هتكلم عن نفسى انا - مش بيحب يقعد يتكلم فى التليفونات كتير بس

هما طبعا معذورين لان مفيش حاجه وراهم طبعا بس غصبا عن الراجل برده موضوع التليفونات ده لان يمكن يومنا مشغول اوى عنهم

انا اقصد ان الواحد لما يحب حد يبقى مشغول بيه دايما فلو انت عندك نفس الشعور تجاهها فيبقى الحمد لله فى موده ورحمه بينكم زى القران ما بيقول ودى نعمه كبيره ليك المفروض تفرحك اما لو واحد مش بيحب مراته بتبقى كل حاجه تقيله على قلبه حتى لو هى بتحبه وبيعتبر انها خنقاه ويبقى مش طايق حاجه منها وبيحس انها عايزه تتحكم فيه وربنا يباركلك

فيه ساعه او ساعتين مش بنتكلم فيهم