روحت النهاردة التوكيل عندنا فى اسكندريه علشان صيانة ال 1000...

كنت هناك الساعة 9 صباحا وكنت واقف فى طابور .....!!!!!

المهندس استلم من العربية وقولتله على الملاحظات اللى شايفها فى العربية..

قاللى مشيش مشكله سيب العربيه وتعالى كمان ساعتان تكون العربية خلصت....

لغاية كده تمام ومفيش مشاكل..

رجعت بعد ساعتان ... ايه الأخبار يا ياشمهندس... كله تمام وغيرنا الزيت وربطنا العفشه وناقص نظبط موضوع السنتر والزوايا

قولت ماشى اقعد فى الأستراحة استنى ...

وبعد ما قعد ساعة ونصف تانى ... المهندس نادانى وقالى موضوع السنتر مش حينفع(اسنتر كان لما بيقفلل كان من الممكن تفتح الباب من جوه)
علشان العربية بتنزل فبريكه كده من بلادها وده مش عيب فيها واحنا اتصلنا بالمركز الرئيسى بأبورواش واكدوا الكلام ده...

ابتديت اتنرفز .. وقولتله طيب لما انت عارف كده ليه خليه يفك الباب ويقعد يحاول ساعة ونصف وعلى الفاضى.....
قولت معلش اهوه يوم ويعدى ... قالى كده فاضل ظبط الزاويا وخلاص...قولتله خلًص..

بعد كده الطامه الكبرى.!!!!!!!

لاقيت المهندس بينادى عليا وعايزنى اجاى عند العربية ..قولت خير ان شاء الله..

لاقيته بيقولى ....." ياريت تقولى بس بالأمانه هيا الحكه اللى فى الأكصدام الأمامى دي من عندك ولا من عندنا !!!! )

وعينك ماتشوف الا النور ...اتنرفزت جدا وعليت صوتى للأسف واخر بهدله للناس...

وبعدين دخلت مع مدير مركز الصيانه مكتبه وقعد يهدينى ويتأسف وقالى ان المكز حيتحملها وحنعملهالك من غير اى ما انا اتحمل اى حاجه
وكمان الأكصدام الخلفى كان فيه حكه قاللى ده كمان حنعملهولك على حسابنا

بس الكلام ده حيكون فى مركز الصيانه بتاع ابو رواش بقليوب !!!!

طبعا زوهلت ازاى علشان عايزارش اكصادم العربية تروح محافظة تانيه

قالى احنا معندناش دهان هنا والعربية طبعا حتسافر على ونش تبعهم ...

فى الأخر قولت الحمدلله اللى جت على قد كده ولو حكمت ح اعمل الصيانه اللى جايه عند كارتك فى القاهرة...