الموضوع: أول مواقفى مع غبور...حاجة تعكنن

[align=justify:5b278d7f2e]ماتتنازلش عن حقك يا ريس ... يشيلوها على ونش يشيلوها على اكتفهم المهم يعملوهالك

وأنا حاكيلك حكايه حصلت لي عند مستر غبور فرع قليوب بعد ما أشتريت العربيه بشهر تقريبا (يعني الفلوس كانت لسه سخنه مابردتش)

كنت رايح أرش الرفرف الامامي يمين عشان كان فيه حكه

المهم انا من النوع إللي مايعرفش يقعد في الأنتريه وماليش في الأنتريهات بتاعت الحلاقين .... بفضل الف زي النحله لحد ما اوصل لعربيتي وأشوفها بعنيه وهيه بتتصين (والحكاية دي بتعمل مشاكل كتير قوي خصوصا مع بتوع الأمن إللي بياخدوا في جنابهم مني)

خلينا بقى في إللي عملوه الجماعه بتوع مستر غبور

وقت ما كنت هناك كان المركز فيه تجديدات وحفر عميقه جدا وكبيره في أماكن معينه (لا يمر بها أحد) المهم أنا كالعادة كل شويه أنزل أبص على العربيه وأطلع تاني وأنزل شويه وأطلع شويه أريح وهكذا

مرة من المرات وانا نازل كنت بلف لفه كبيره كده من والخلف عشان ما أشتبكش مع بتوع الأمن كالعادة وببص لقيت من بعيد عربيه شبه عربيتي بالظبط مقلوبه في حفره من الحفر (هيه مانامتش على جنبها لكن الفرده الشمال الأماميه واقعه في الحفره والربيه متعلقه على العتب الشمال) بس من بعيد تشوفها كأنها مقلوبه على جنبها من كتر ما هيه مايله

فضلت أمد شويه عشان أشوف المشكله دي (وأنا مش متخيل أنها ممكن تكون عربيتي أبدا) وكل ما أقرب أحس أنها تشبه عرببيتي كتر قوي أقوم أمد اكتر وشويه شويه لقيت نفسي بجري وأول ما قربت من العربيه وأتأكدت أنها عربيتي مش قادر أقول لكم أنا عملت أيه لكن الملخص أنه كان يوم أسود من السواد على دماغ التوكيل وإللي فيه جميعا لدجة أنهم ماكنوش عارفين يعملوا أيه ووصلنا انه لو حدث اي شيء ضار بالعربيه هايدوني غيرها فورا (طبعا ده كان كلام عشان يهدوني بس ومحاوله منهم انهم يسكتوني ويخلوني أبطل أدور على الموظف إللي وقعها في الحفره لاني لو كنت شوفته كنت كسرت له رجيله إللي عاوزه تتقطع دي)

واحد منكم هايقوللي أنت مكبر الموضوع قوي يا هاني ، أنت عاوز تعمل مشكله مع الناس وخلاص ؟
هاقوله
حضرتك لو عرفت إن الطريق إللي العربيه وقعت فيه لا يؤدي إلى أي شيء نهائي على الأطلاق (يعين البيه كان بيلعب بالعربيات إللي الناس دفعه فيها دم قلبهم) وبمنتهى الأستهتار أختفى ولا كأنه عمل حاجه وساب العربيه بعد ما وقعت وجري ومحدش عرف هوه مين

في النهايه الإداره عن غبور معدومه الموضوع بظرميت ولما تروح عند غبور تحس انك في سويقه ومولد وصاحبه غايب[/align:5b278d7f2e]


[marq=left:5b278d7f2e]لنا الله[/marq:5b278d7f2e]

السلام عليكم
بص يا جميل ما تزعلش نفسك أنا قبل كده كان عندى حكة فى الاكصدام الخلفى و وديتها تترش فى التوكيل (قليوب) و بعد فترة أتصلوا بيا و قالولى عربيتك جاهزة و رحت عشان أستلمها و فعلا لقيتهم رشوا الآكصدام و حكو الرفرف اليمين فأنا طبعا حاولت أعمل الزيطة أيها بس جالى مدير المركز و أتكلم معايا بهدوء لدرجة خلتنى أهدا شوية و عملوهالى بعد كده ........... ما تزعلش بس من رأى أنك ترشها فى مكان تانى بشرط يكون كويس و تحاسبهم على الفاتورة