عموما هجرب تاني ان شاء الله
عرض للطباعة
عموما هجرب تاني ان شاء الله
فولت النهاردة والحمد لله
وحسبت استهلاكى لتانى مرة على التوالى
الصفيحة الـ 20 لتر عملت معايا 178 كم
وكله داخل المدينة على الثانى والثالث تقريبا
بس معظم مشاويرى فى أوقات مش زحمة قوى
والغريب انى فوجئت ان استهلاك البنزين اتحسن عن المرة السابقة
والحمد لله
واضح ان زحمة كورنيش اسكندرية ليها يد كبير فى تآكل البنزين المرة السابقة
طيب مبروك ياباشا عقبالي ان شاء هفول واشوف ان شاء الله علشان لو ظبطت عندي تجيب انت بك سلانسيه كهربا والمنظم اللي قولتلك عليه
من باب العلم بالشئ تأخير الكهربا بيسبب تآكل جامد جدا للبنزين
بص يا حبيبي... أنا بأأخر الكهربا في الصيف لنفس السبب عشان المكيف... وفي الشتا باقدمها
استهلاك البنزين في الشتا بيقل بشكل كبير جدا بشرط تسخين العربية(بشرط ان يكون ترموستات الكوع راكب)
تأخير الكهرباء بشكل كبير بيزود استهلاك البنزين وتقديمها بزيادة بيسبب سخونية شديدة فالموتور وكركرة... اذن خير الامور الوسط
فأنا شخصيا باقبل بزيادة استهلاك البنزين في مقابل عدم حدوث كركرة انما لو بنزين 92 باقدم الكهربا فورا وعامل بصفيحة منشار علامة على قاعدة الاسبيراتير للتقديم والتأخير ومن باب العلم بالشئ الفرق بين العلامتين (علامة التقديم وعلامة التأخير) حوالي 2 ملليمتر فقط وبيعملوا فرق الدنيا فلاتستهتر أبدا بأي تغير في وضع الاسبيراتير
الخلاصة... دايما قدم الكهربا لأقصى درجة متخليش العربية تكركر
انا يادوب العربية متسقفش لما اقرص عليها مش مأخرها اوي
فولت النهاردة بمعجزة
وحسبت استهلاكى لثالث مرة على التوالى
الصفيحة الـ 20 لتر عملت معايا 148 كم
واضح ان الاستهلاك المرة ديه عالى
كلها مشاوير صغيره داخل المدينة على سرعات منخفضة
ياترى ايه الأخبار معاك ؟
مش متابع فى الموضوع ليه ؟
وياريت كل الناس اللى معاهم دوجان او شاهين يشاركوا معانا
بص ياباشا انا خلاص اتعقدت
استهلاكي بعد كذا مره 11.6 لكل 100 كيلو متر