الموضوع: استمرارا لتآكل البنزين حد يقولى ايه الحل

المشاركة الأصلية كتبت بواسطة elawany13

عربيتى زى عربيتك بالظبط
شاهين كربراتير موديل 2004
حسبت استهلاكى السنة الماضية أثناء سفرى الى الأسكندرية منها على طرق سريعة ومعظم الاستهلاك كان فى زحمة الكورنيش
كان الإستهلاك كالتالى الصفيحة 20 لتر عملت حوالى من 190 الى 200 كم

بعد سنة
النهاردة حسبت استهلاكى تانى فى نفس المشوار
الصفيحة عملت 164 كم !!!!

ونفس الكلام بك السلانسيه كان كهرباء والميكانيكى قص جزء منه بالقصافة علشان كانت العربية بتبطل
وبقى شغال بدون كهرباء

معقولة يكون سبب الاستهلاك الزيادة من بك السلانسية !!!

وعلى فكرة انا اشتريت بك سلانسيه كهرباء بـ 30 جنيه والميكانيكى ركبه
بس طلع بايظ ومنيل بنيلة وبيفصل كتير
واضطريت اركب البك الأصلى المقصوف

المشاركة الأصلية كتبت بواسطة elawany13

فولت النهاردة والحمد لله
وحسبت استهلاكى لتانى مرة على التوالى
الصفيحة الـ 20 لتر عملت معايا 178 كم
وكله داخل المدينة على الثانى والثالث تقريبا
بس معظم مشاويرى فى أوقات مش زحمة قوى
والغريب انى فوجئت ان استهلاك البنزين اتحسن عن المرة السابقة
والحمد لله
واضح ان زحمة كورنيش اسكندرية ليها يد كبير فى تآكل البنزين المرة السابقة

المشاركة الأصلية كتبت بواسطة Elawany13

فولت النهاردة بمعجزة
وحسبت استهلاكى لثالث مرة على التوالى
الصفيحة الـ 20 لتر عملت معايا 148 كم
واضح ان الاستهلاك المرة ديه عالى
كلها مشاوير صغيره داخل المدينة على سرعات منخفضة

ياترى ايه الأخبار معاك ؟
مش متابع فى الموضوع ليه ؟
وياريت كل الناس اللى معاهم دوجان او شاهين يشاركوا معانا

حسبت استهلاكى لرابع مرة التوالى
الصفيحة الـ 20 لتر عملت معايا 138 كم
كلها مشاوير صغير جدا وعلى فترات متقطعة
ياعنى العربية مركونة معظم الوقت

الاستهلاك كل مرة بيزيد عن المرة اللى قبله . ايه الحكاية!!!!