انا بصراحة شايف انها حاجة غلط مش صح انك تبطل العربية وهى ماشية فى طريق الفرامل هتلاقيها عليت معاك وحجرت بعد دوستين ومش بتمسك الكاوتشات . غير طبعا مشكلة الدركسيون لو سوجر زى ما الاخ قال . انا عن نفسى بنزل المقطم كله والعربية ممورة بس بدون ما ابطلها.
عرض للطباعة
انا بصراحة شايف انها حاجة غلط مش صح انك تبطل العربية وهى ماشية فى طريق الفرامل هتلاقيها عليت معاك وحجرت بعد دوستين ومش بتمسك الكاوتشات . غير طبعا مشكلة الدركسيون لو سوجر زى ما الاخ قال . انا عن نفسى بنزل المقطم كله والعربية ممورة بس بدون ما ابطلها.
[اقتباس:
كنت بحب جدا كمان أصفر عداد الرحلات وانا بمور و أشوف هتعمل معايا أد ايه... و كل يوم أحاول أضرب الرقم على نفس المنزل أو المنحدر ده
تحريك العداد اثناء سير السيارة يتلفه . وحصلت معايا ان العداد تلف لهذا السبب.
تعلمت فكرة تموير السيارة قبل اشارات المرور والمطبات والملفات وعند الإحتياج لتهدئة السرعة ، من محاضرة صيانة فى إحدى مدارس المرور بالجيزة منذ 25 سنة. واصبحت هذه الفكرة جزء من طريقتى فى القيادة . ومفهوم طبعا انها بالإضافة إلى توفير البنزين تقلل من فترات سخونة الموتور واستهلاكه ، ولم الاحظ انها قللت عمر الدبرياش او الفتيس . وعيبها بالنسبة لى انها تتعب الركبة الشمال لما تكون دواسة الدبرياش تقيلة.
يا باشا انتوا بتتكلموا فى موضوع ممكن يكون تحت عنوان تانى غير الموضوع دة
احنا بنتكلم عن الاستفادة من طاقة العربية فى قطع مسافات و التمهيد للتوقف باستخدام (التموير) يعنى عدم التعشيق
انتوا بتتكلموا فى تبطيل العربية و هى ماشية ... دى لما يبقى واحد ناوى ينتحر بتبقى فرصها كويسة جداً !!
يا بختكم والله الواحد بيحسدكم من الصبح علشان عربياتكم مانيوال:)
أصل أنا كنت بعمل كده زمان في عربية والدي وهو اللي علمني كده بس لما إشتريت عربيتي جبتها أوتوماتك وللأسف مش بعرف أعمل كده دلوقتي بس بحاول على قد ما أقدر إني أسيب رجلي من على البنزين قبل ما أقف وأعتمد على القصور الذاتي.
انا مدمن الحركة دي
واحد اهم اسباب عشقي للمانيوال الى جانب اسباب اخري
وكمان بوفر بيها اكتر من 100 كم زيادة في التفويلة
ولو ماشي مسافات ممكن اوصل ل 200
عيبها الوحيد انك بتلغي الانجن بريكنج بيها
بس مش مهم يعني
اللي واخد عليها هايعرف يتعامل
وساعات اللي بيبقر راكب جنبي لو بيسوق بيتضايق
بفهمة ولو مقتنعش هو حر ما يركبش معايا تاني
بداية تعلمي ليها عشان كنت اول ما اتعلمت كان على
128 وكنت بمور عشان الكوبلن وبدات استوعب توفير البنزين من بعد كدة
اللي يبطل العربية وهو سايق ده مجنون رسمي
لانه بيفصل الكهرباء عن الباور وبيسوجر الدركسيون وبيلغي سيرفو الفرامل
بينتحر من الاخر
في أوروبا و الدول المتقدمة و أثناء أكلهم للكباب مع الطحينة .... و بعد التحلية بالسلطة
و بعد أكل المهلبية و البالوظة المصرية ............ و تحيا ج .ع .ع ها هيئ
و بغض النظر عن المقدمة الغير مفهومة اللي أنا كتبتها دلوقتي
الموضوع ده غلط جدا جدا جدا
و أنت بتطلع لخصة في أوروبا من الحاجات اللي بيقولوها
لا تترك السيارة بدون غيار و هيمتحركة أبدا أبدا أبد
و لو فعلت ذلك أثناء الإمتحان ........... فسترسب يا ولدي سترسب .... و طريقك مسدودا يا ولدي مسدودا
و مفيش فايدة ........... لازم الطريق يتسد ............ :alucard:
طيب ليه الموضوع ده غلط
للأسباب التالية التي سيأتي شرحها ...... ( طالبة معايا رغي بالفصحى )
عند وضع السيارة في وضع عدم التعشيق ما بين التروس و المحرك يكون ذلك له تأثير سلبي على حركة السيارة و توقفها المفاجئ عند الطوارئ
بمعنى ....
إذا حدث طارئ على الطريق فجاءة و أردت التحكم في السيارة و أردت توقفها
فسيكون ذلك أصعب مما هو الوضع و هي في حالة تعشيق ما بين التروس و حركة المحرك
و الطوارئ كثيرة ......... أرض زلقة ......... انفجار فجائى للإطار ....
أو مثلا النزول على منزل و هذا بالطبع يأتي بتأثير سلبي جدا على الفرامل و يجعل درجة حرارتها ترتفع بدون داعي .... في حين أنك لو حافظت على هذا التعشيق ما بين حركة المحرك و بين التروس ستعمل الفرامل بكفاءة أفضل و يكون لك تحكم أعلى في حركة السيارة عموما و طريقة توقفها بالخصوص
و مع ذلك هناك طريقة ممتازة لتوفير البنزين
ألا و هي ............ القيادة الهادئة ( الغير موجودة في ج .ع .ع نظرا لأهمية الوقت جدا في هذه الدولة التي يحترم شعبها الوقت بطريقة فظيعة لذلك تجدهم يقودون بأقصى ما لديهم من سرعة للوصول سريعا لمقار أعمالهم و عدم التأخر على أصحابهم أو أقاربهم لأنهم يحترمون الوقت جدا و أيضا لتأخر البعض على عقد صفقات مهمة تساوي ملايين الجنيهات )
القيادة الهادئة ......... توفر في البنزين كثيرا ........ و إليكم مثال
سيارتي بروتون جين 2
الصفيحة بتعمل أكثر من 280 إلى 350 كم بسبب القيادة الهادئة و عدم التسارع و هذا ناتج عن الكسل في تسريع السيارة و هذا في حد ذاته طبعا مخالف للعادات الخاصة بمواطنين ج ع ع المهتمين بالوقت و إحترامه أما أنا ( العبد لله الفقير ) كسول أقود سيارتي بطريقة هادئة
....................القيادة الهادئة ......... موفرة في البنزين و لا داعي للزحلقة و التزحلق على الجليد ............ و أعتقد أيضا أنه غير مفيد للتروس
و معلومة اخرى
ممكن عمل ذلك إذا كنت تحفظ الطريق جيدا و أنت داخل على مطب من المطبات الخاصة ب دولة ج ع ع .... قبلها مثلا ب 500 متر أو البدء في الفرملة مع المحافظة على التعشيق الثنائي ما بين التروس و حركة المحرك و هذا يسهل عمل الفرامل و أيضا يحافظ على السيارة و الأجزاء الميكانيكية التي تهلك سريعا بسبب التسارع الشديد ثم الفرملة الفجائية ثم التسارع مرة أخرى
و هذه كما قلت أحد أهم مميزات الشعب الخاص بدولة ج ع ع و هذا طبعا للحاق صفقاتهم التي ستحمل لهم ملايين الجنيهات المصرية و القبرصية و الإسترلينية
كان الله في عونهم ......... و عوني أنا أيضا
ملحوظة أخيرة
الحفاظ على سرعة المحرك و ثباتها يوفر كثيرا في البنزين
و تبطيل السيارة و هي متحركة ......... ممكن يكون فيها إعدام في أوروبا للسائق الذي ياتي بفعلة كتلك
يا توت بية حرام عليك كل مرة تدخل علينا تخضنا بمقدمة جبارة
وتقول الاسباب اتية ..ويطلع سبب واحد فى الاخر .. وهو عند حدوث طوارىء
يا سيدى الفاضل
الزمن المستغرق للتوقف اثناء (التموير) اقل بكتير جداً ... عن الزمن المستغرق عند التعشيق
لية ؟؟؟
1- لازم تدوس ديرياج الاول
2- بعدين تروح على الفرامل
3-ولو وقفت خالص يبقى هتلغى التعشيق
يعنى 3 خطوات
لو فى (التموير ) بقى هاتدوسسسسسس فراملللل فقططططططط
يعنى مش هتاخد فيمتــــــــــــــــــــو ثانية
عمرو باشا ................. كيف أحوال حضرتكم ؟؟
أتمنى طبعا لكم كل الخير و سماع كل ما هو يُرضي النفس و الرب ......... آمين
بالنسبة للتوقف بالسيارة و هي في حالة فصل حركة التروس عن المحرك
توقفها ................... يأخذ وقت أطول و يقلل عمر تيل الفرامل
أما توقف سيارة و هي معشقة
أقل و يقلل الحمل من على الفرامل ...........
و بعدين الطوارئ ممكن تحصل في فيمتو ثانية يا باشا .............
و كنت قاعد قاعدة مزاج مع مدرس قيادة في دولة يأكل شعبها مع الكباب طحينة و قال لي :
يا مواطن دولة ج ع ع ......... و أنت تضغط فرامل ........ لا تستخدم دبرياج إلا عند تسقيط الغيار لتقليل سرعة السيارة
أما غير ذلك ......... فلا تستخدمه أيها المواطن و إن فعلت في بلدنا هذه ووقتنا هذا ........ سيكون عليك كل اللوم
أما إذا ذهبت و فعلت ذلك في بلدكم ج ع ع ....... فليس عليك حرج
فسألته و لماذا أيها المواطن الخاص بدولة الكباب مع الطجينة ؟
فقال لي
لأن بلدكم ج ع ع ليس فيها مدارس تعليم محترمة لتُعلم الناس القيادة الصحيحة لذلك لا يوجد نظام أو أخطاء و ثواب و عقاب
فقلت له شكرا يا أيها المواطن و المدرس و المُعلم ..... أجيبلك طحينة ؟؟ قالي طيب فين الكباب ......... علشان نبقى مواطنين من بتوع الكباب و الطحينة
و كل الكلام اللي فوق مش بتاعي ............. ده كلام الأخوة بتوع الكباب و الطحينة و الغرباء الذين لا يسكنون ج ع ع ,,,,,,, و لذلك لا مجال للفتوى عند هؤلاء الناس
و يا باشا ,,,,,,,,,,,, أنا أتنورت ........ بسبب أقتباسك لجزء من كلامي ...
بارك الله فيك ............ و في ج ع ع و ريحنا منها
أنا بخترف الأيام دي ............... :fool: :afro:
tut kman 10/10
bas ana mardetsh agib seret edowal ele bara
3ashan ma7adesh yol beyetnatat
bas esa7 sa7
law 7ad fekom kan beyeso2 AWD aw 4WD webyet3amel ma3 safary aw matale3 aw manazel mkansh al eklam ele et2al hena da
ABC swa2a, lazem tol mal 3arabeya btet7arak tkon 3ala na2la
n7awel neshra7
masalan el manzal bta3 el al3a
law enta mesh memawar we nazel, tol manta nazel el3arabeya hategre menak wekon fe tasaro3
w lazem t7amel 3al faramel 3ashan te3raf te3mel control
law mede na2la, el3arabeya hatakhod max speed bta3 el na2la we bas
we 3al fekra, shof fe kam 7adsa bte7sal fil 7eta de wes2al enas hatla2e en tareban kol ele 3amal 7adsa hnak kan beymawar el3arabeya w heya nazla