(((( نظام الدحرجة و الزحلقة لتوفير البنزين )))

**medohai510** · 15-06-2008 01:06 PM

هذه الطريق من القيادة تصلح في داخل البلد أما في طرق السفر بأنها تضر بالدبرياج والدسك أنا بعمل كده داخل القاهرة أما في الطرق السريعة بمور العربية قبل أما أهدي بمسافة مثلاً عند بوابات تحصيل الرسوم فبمور العربية قبلها بحوالي 1 كم إذا كنت ماشت علي 120 وهكذا...

**hazem_khidr** · 15-06-2008 01:13 PM

عملت الحركه دي مره في عربيه مازذا كان الردياتير مخروم و مافيهاش ميه
كنت بدور العربيه و اعمل كده و ابطلها تاني لحد ما تقرب تقف و هكذا لحد ما وصلت مشواري.
اما حاليا علشان اوفر بنزين بقيت علي الطريق مش بزيد عن ال 90 و فعلا لما دربت نفسي علي كده استهلاك العربيه بقي كويس جدا

**Hossam_Hassan** · 15-06-2008 01:46 PM

اللى ساكن فى المقطم ممكن ينزل المنزل كله من غير ما يدوس بنزين خالص، بس محتاجة تعود و كمان حظك ما يجييش مع واحد ماسك يمين و بطىء، عن نفسى بانزل ال 3 كم وانا ممور، بس لما ابقى مش مستعجل، و اهو اوفر البنزين اللى بيتحرق زيادة و انا طالع.

**MMamdouh** · 15-06-2008 02:06 PM

يا جماعة:

محدش يفكر انة يبطل العربية و هو سايق
محدش يفكر انة يبطل العربية و هو سايق
محدش يفكر انة يبطل العربية و هو سايق

لما تبطل ممكن اللوك بتاع الدركسيون يشتغل و ساعتها مش حتعرف تحود... حصلت مع جوز بنت خالتى بس هو عربيتة بطلت و هو ماشى و حاول يدورها بالمفتاح... فا طبعا لف المفتاح للاخر عشان يدور قام الدكسيون سوجر و دخل فى الرصيف

لما تبطل مش حيبقى فيه اى فراغ فى السرفو بتاع الفرامل و بعد دوستين تلاتة دواسة الفرامل حتتحول الى حجر و مش حتعرف تفرمل... حصلت معايا شخصيا وانا صغير و بحاول اعمل فهلوى... الحمد لله ان فرامل ليد كانت قوية و انا مكنتش بجرى

MMamdouh

**Chicco** · 15-06-2008 02:13 PM

عملتها كام مرة عشان البنزين كان على الأخر و مش لاقي محطة بنزين ......بس عايزة تركيز جامد و أقدر أقول انها ممكن تبقى خطر كمان لأن المتغيرات اللي بتحصل حواليك كتيرة و فجائية

**SEATLOVER** · 15-06-2008 02:18 PM

المشاركة الأصلية كتبت بواسطة atamim

يا باشا انت منورنا على طول انا فعلا متمكن منها جدا بحس بسرعة العربية و المسافة الفاضلة لحد مقف جربها انت بس

انا ماشى بيها على طول اصلاً .. ولو اتعودت عليها مش هاتحس بأى فرق و ما لهاش اى تأثير عاى الفتيس بالعكس دى بتريح كل اجزاء العربية من فرامل و تيل و طنابير و كبالن و عفشة ....
هى تقدير مسافات و تحكم بس ..وتعتبر من قواعد القيادة السليمة و مذكورة فى بعض المانيوالات
وبتجيب نتيجة فى توفير البنزين بتوصل لى اكتر من 20% من الاستهلاك

**M!NA** · 15-06-2008 02:25 PM

أنا بقا مش بعرف أسوق غير بالطريقة ديه بقالي 10 سنين... من أيام ما كان معايا ال127 و لحد دلوقتي في البوينتر... بدرجة اني بيجيلي وقت بقول فيه يا ترى من الكيلوات اللي عملتها كام كيلو منهم كنت عالمور؟ :)

كنت بحب جدا كمان أصفر عداد الرحلات وانا بمور و أشوف هتعمل معايا أد ايه... و كل يوم أحاول أضرب الرقم على نفس المنزل أو المنحدر ده
:)

يا جدعان اللي يجرب الطريقة ديه هيدمنها

**l0new0lf** · 15-06-2008 02:37 PM

ahmedfd we mmamdoh 10/10
welba2e kolo XXXXXXXXXXXXX
lazem ykon fe control 3al 3arabeya tooll maheya btet7arak, yaret blash fahlawa 3ashan ele hayetwafar fil banzin hayedefe3 aktar mino fe ta'3yer faramel aw ta2m desk

-

مشاهدة نتائج الإستطلاع: يا ترى عجبتك فكرة الدحرجة و الزحلقة لتوفير البنزين؟

الموضوع: (((( نظام الدحرجة و الزحلقة لتوفير البنزين )))

LinkBack

أدوات الموضوع

عرض

-

-

-

-

المواضيع المتشابهه

احدث جهاز لتوفير البنزين

نظام حقن البنزين الاكترونيا

فكرة لتوفير البنزين في الليجانزا

جهاز لتوفير البنزين لكل الماركات والمودلات

تنظيف الرشاشات لتوفير البنزين وتحسين السحب

الكلمات الدلالية لهذا الموضوع

المفضلات

المفضلات

ضوابط المشاركة