الموضوع: تجربة وتقييم فلتر اسبور للجين2

المشاركة الأصلية كتبت بواسطة rajina

استاذ Raul_7 ممكن تساعدنى فى تركيب الفلتر ده ... يا ريت تقولى عنوان التوكيل و مكان التركيب ممكن يكون فين لان بصراحه انتو فتحتو نفسى...

Anmelden | Facebook

ده الجروب بتاع باور زون و عنوانهم في مدينة نصر بس مش فاكر فين بصراحة.

اتأكد انه عنده الفلتر زي اللي راكب في الصورة بالظبط و نفس الحجم الكبير ده عشان فيه واحد صغير, و طبعا يبقي مقفول من الناحيتين مش ناحية واحدة بس.

التركيب عنده برضو, ببلاش.

العفو.

المشاركة الأصلية كتبت بواسطة tutankhamoun

ياباشا ألف مبروك على الفلتر
بس أنا لي سؤال

أنت بتقول مفيش لاج lag

السؤال بقى .......... هو أنت أصلا عندك لاج ليه مش أنت معاك iafm ?

الله يبارك فيك يباشا وفعلا انا عندى ال iafm بس انا للاسف التعبير خانى انا مقصدش الاج اللى كان موجود فى المواتير القديمة اطلاقا
انا اقصد ان الار بى ام كان بين كل نقلة والتانية تحس انة بينزل اكتر من الازم مبيديش الغيار حقة وطبعا الكلام دة لو مش حارق يعنى بالكتير ار بى ام 4 تمام زى ما راءول شرح فى تعليقة هوة فهم انا اقصد اية تماما لان اانا وهوة مع انة مانوال وانا اوتو بس حسينا ان العربية بتتنفس احسن كتير
تحياتى ليك

المشاركة الأصلية كتبت بواسطة formulator

+1
فيه فعلا torque-dip فـ مواتير الـcps الكامبرو القديمة، عند 2500-3500 rpm كده فيه drop فـ العزم..
أول ما توصل للـ4000 rpm بتلاقى pickup جامدة جدا.. والسحب بيتحسن أوى (عن تجربة لكذا جين2 وعربية واجا فيهم الحته دى)؟؟!!!

- الفرق بين المنطقتين فـ الـrpm رينج.. بالضبط زى الـlag بتاع التربو، أو زى مواتير الهوندا i-vtec أول ما الكامات تغير البروفايل فيه kick كده..

المفروض ان المواتير الجديدة الـiafm بيقولوا انهم حسنوا الـtorque-curve، ومفيش الحته دى.. بس أنا ماسوقتش بروتون بالموتور الجديد؟؟!!!

أيه تفسيرك يا mido_soliman؟؟!!!
وبعدين انتو أصلا مواتير الـcampro فيها variable length intake manifold عشان كده انت لقيت التركيب سهل،
لأن الـintake بتاع الهواء للمانيفولد فعلا الرامة قصيرة وstriaght زى الـshort-ram بتاع مواتير المايفك القديمة..؟!!
مبروك ياميدو،
آه نسيت أسألك على استهلاك البنزين فـ السواقة جوا البلد عامل أيه؟؟؟!!

+111111 مشاركة قيمة كالعادة وبالنسبة لاستهلاك البنزين جوة البلد والله انا عايز اقولك انى ساكن فى اكتوبر ومتعتبرش جوة اى بلد لانها بلد واسعة وفاضية ورايقة بفضل الله وربنا يديمها نعمة فانا مش حقدر اكون دقيق ولكن اللى انا لاحظتة فعلا انى لو مبقرصش على العربية وماشى فى العادى خالص العربية استهلاكها بيكون حوالى 200 كيلو الى 220 والطوالى طبعا بتفرق اكتر يمكن زيادة 50 كيلو او اكتر
بس علشان اكون متاكد من كلامى انا من ساعة ما ركبت الفلتر وانا فعلا لما مبقرصش مبشوفش البنزينة الا كل 10 ايام مرة بمعدل 20-30 كيلو يوميا ماعدا الجمعة :)

المشاركة الأصلية كتبت بواسطة tamerosman

شكرا يا ميدو ،،،،

من فضلك توضح تفاصيل اكتر عن الاجزاء الى مع الفلتر ( صور الفلتر و القطع المطلوبة للتطويل ) مع فيديو او صور خطوات التركيب و طريقة فك علبة الفلتر الاستوك .

بص الطريقة بسيطة جدا انا للاسف مصورتش لانى كنت لوحدى وشغال بايدى الاتنين ومكنتش عايز اتلخبط او افقد تركيزى لانها كانت اول مرة امد ايدى بنفسى فى العربية واعمل حاجة زى كدة
بالنسبة لطريقة فك العلبة من اسهل ما يكون
بتفك الغطا الخارجى للعلبة البلاستك من الاربع كلبسات بتوعة اتنبن ورا واتنين قدام
بتشيل الفلتر بتلاقى اربع مسامير بتفكهم بمفتاح 10 تقريبا وبتهوى الافيز الخلفى والامامى وشكرا العلبة تحررت
فى باة فى اول الكبوت الجزء البلاستك اللى عامل زى القمع دة اللى بياخد الهوا من الكبوت يدخلة على الفلتر دة بتفكة بنفس الطريقة ولية مسمارين نفس المقاس بيتهيالى وبيتحرر من مكانة وساعتها باة تبدا تركب كل حاجة براحتك خااااالص
بالنسبة للقطع المطلوبة هى عبارة عن كوتشات حلد عادية جدا يدوب بتستخدم تلاتة او اتنين على حسب طولهم علشان بس يعملوا تطويلة من الفلتر للجزء البلاستيك الى واخد الهوا من برة العربية
شوية افزان علشان كل جلدة تركبة تربط عليها افيز علشان متسربش او متتفكش مع الوقت
مش محتاج حاجة تانية لان بعد التركيب حتلاقى الفلتر ماسك نفسة ومش محتاج يتثبت
بس انا عن نفسى ولو شفت الصورة حتلاقى بتاع فضى بتلمع كدة ماسكة الانتاك من جزء ومربوطة بمسمار العلبة الاصلية فى مكانها ودى كانت افتكاسة منى ونجحت
اللى عايز اقولة ان الموضوع بسيط ولو شرفتنى فى اى وقت فى اكتوبر نعملة سوا والدنيا هنا رايقة جدا وجميلة وتشرفنى فى اى وقت

المشاركة الأصلية كتبت بواسطة raul_7

يا جماعة هو اللي ميدو يقصدوا ان الربم مبقاش بيريح منك ما بين النقلات او بياخد وقته في التسارع, لأ هو بيلحم في النقلة الي بعديه بسرعة أعلي من الأول.

أنا مجربتش الأوتو بس الكلام ده عن تجربة في المانيوال عندي...العربية بتحس بالظبط انها بتسحب هوا أكتر من الأول فما بتعانيش تماما مع بداية كل نقلة, ده علي افتراض انك بنقل علي 3.5 أو 4 بالكتير. انما لو بتشد و بتجيب أخر النقلة, بدون مبالغة بتحس انها مع بداية كل نقلة العربية بتجري أكتر من الأول.

+111111111111111 هوة دة اللى انا اقصدة بالمللى لكل اللى بيستفسر فعلا انا خانى التعبير
تسلم ايدك يا حودة :)

المشاركة الأصلية كتبت بواسطة rajina

الف شكر ليك يا استاذ mido_soliman و الله تقرير اكثر من رائع

شرفنى مرورك الكريم وتحت امركوا فى اى وقت :)