الف شكر على المواضيع الجميله و فى انتظار الصور
و مجهود عالى و مميز جدا من شخص مميز جدا .تسلم ايدك
رقم العضوية : 123064
تاريخ التسجيل : 12Apr2012
المشاركات : 35
النوع : ذكر
الاقامة : Egypt
السيارة: Picanto '12
السيارة[2]: Corolla '06 1600
دراجة بخارية: No
الحالة :
بسم الله الرحمن الرحيم
أخوكم: م/ علي مجدي
دورت كتير عن تقرير للبيكانتو 2012 قبل ما أشتريها بس مش لقيت
فا جمعت معلومات عنها من النت وقررت أشتريها
اشتريتها وقلت أفيدكم بكل شيء عنها
أولا جيت أشتري توكيل بالضمان لاقيتها بالحجز ومفيش منها معارض حتى الكلام
دا من شهر اتنين اللي فات جبت الخليجي
الفئة اللي معايا هاف أوبشنز مش عارف اللي أقل منها إيه
بس فيه فئتين كمان أعلى منها
أولا: مواصفات الفئة بتاعتي
1248 سي سي بخلاف الموديل السابق 1100 فقط
87 حصان فقط
خزان وقود 35 لتر كاملاً بالإحتياطي
اكصدامات ومرايات بلون السيارة
إشارات بالمرايات
مرايات كهرباء + ضم + بلوتوث
طارة مالتي فانكشن
عدادات عادية مش أوبتيترون
مداخل يو إس بي و إيه يو إكس و آي فون والكابل الخاص بهم
عجلة قيادة وذراع الفتيس مكسوة بالجلد الطبيعي ... أسود
فرش الكراسي جينز قماش بس خامته رديئة
كامل فرش الأبواب والتابلوه الأمامي من خامات بلاستيكية
تكييف عادي
راديو سي دي أصلي مدمج في التابلوه
شنكار سحب أمامي
مقابض أبواب خارجية مغطاه فقط بطبقة من النيكل كروم وليست نيكل بالكامل
مقابض أبواب داخلية سيلفر وليست بلاستيك أسود مثل بعض الفئات الأقل
أوتوماتيك 4 سرعات
عداد سرعات 200 كم/س
مفيش أمبير حرارة بس بيقولوا فيه لمبة تحذيرية
درج تخزين في التابلوه الأمامي ودرج إضافي أسفل المقعد جوار السائق
كل الفئات مش فيها كونسول تسند عليه حتى إيدك
إمكانية طي المقاعد الخلفية لزيادة مساحة التحميل
إيريال سقف خلفي
مصابيح أمامية وخلفية عادية وليست ليدات
جهاز إنذار لمنع فتح أي باب أو الشنطة أو الكبوت بطريقة غير شرعية فقط
يتم تنشيطة بعد 30 ثانية من الإغلاق
عتب جانبي مخلي شكلها حلو أوي
جنوط سبور 14 شكلها جميل أوي
حساسات إضائة أوتوماتيكية مع خاصية follow me home التي
تترك لك النور الواطي مضاءاً لمدة 30 ثانية حتى بعد غلق السيارة
مقاس كاوتش 14/60/165
سبويلر رياضي أعلى الزجاج الخلفي وغير مزود بلمبة ستوب
4 زجاج كهرباء
السعر: 86500
الفئة اللي بعدها بتزيد فوانيس ليدات أمامي وخلفي ....
ومرايات بالشماسات..... فقط
السعر: 87000
أعلى فئة بتزيد في السعر أول وبتزيد كالآتي
فرامل ABS
لمبة ستوب بالإسبويلر
جنوط سبور 15/60/185
فتحة سقف
عدادات أوبتيترون
والفئة دي نادراً ما تلاقيها لأن سعرها 96500
+++ تقييم السيارة +++
الموتور 5/10
التكييف 7/10
الفرملة 6/10
السحب 3/10 (بطة بمعنى الكلمة)
قوة العفشة 3/10 (ضعيفة أوي)
نعومة المطبات 6/10
العزل 6/10
الثبات 3/10
الإرتفاع عن الأرض 7/10
مساحة رؤية أمامية وجانبية 8/10
مساحة رؤية من الزجاج الخلفي 4/10
مساحة الركاب 5/10
حجم صندوق الأمتعة 4/10
راحة الجلوس 8/10 (كراسي مريحة)
مساحة الرأس 5/10
أنوار شبورة 9/10
أنوار عالي وواطي أمامية 7/10
قوة الصاج 5/10
صوت الكاسيت نقاء وحجم الصوت 4/10
.............* مميزات السيارة................*
شكل خارجي أنيق جداً وجذاب
استهلاك بنزين اقتصادي لحد كبير
عدادات واضحة
مساحة خلفية مع رشاش لها
إمكانية إمالة عجلة القيادة لأعلى وأسفل
الباور كهرباء بس لما بتكون العربية واقفة أو سرعتها بطيئة بيكون زي الملبن ف إيدك
بزابيز المساحات الأمامية تبخ رزاز يوزع المياه على كامل الزجاج لتنظيفه على أكمل وجه >>>>>>>>>>>>>>>>>>> مميزاتها محدودة للغاااااااااااااااااااااا ااااية
>>>>>>>>>>>> عيوب السيارة <<<<<<<<<<<<
حدث ولا حرج
شنطة صغيرة أوي أوي لدرجة ان لو انت مركب الجنط الإستبن والتاني عايز تشيله وتروح تلحمه
... مش هتعرف تحطه في الشنطة .... لازم جوا العربية
العدة بتاعة العربية صعبة المنال وكمان مش سهلة كدا في الإستخدام لدرجة انك تكره تغير
الفردة وتضطر تمشي بيها نايمة لحد ما تزودها أو تلحمها
عليك أن تختار حاجة من اتنين ... إما أن توفر مساحة للكراسي الأمامية
أو توفر مساحة للمقاعد الخلفية وذلك لضيق المساحات بالداخل
أداء الفرملة نسبياً مرضي بس متنفعش الشباب نوهاااااائي
المتور تقريباً بتاع توك توك لأن السحب بتاعه أزبل من الزبالة حتى لو عملت كيك داون
تكييف رخم أوي ودايماً تشغله على 4 لأن 3 حتى مش هيرضيك
فرش الكراسي قماش عامل زي الجينز كدا ولو وقع عليه نقطة مية هتبقعه
وتعلم فيه وكمان صعب التنظيف ولو بالكيماويات وأنا جربت
إضاءة الفوانيس الأمامية زي الزفت لدرجة اني ركبتلها كتاوت فرنساوي
ولمبات تريفا ألماني تلجي 100 وات بدل ال 51 اللي بتنزل بيها
بس إضاءة فوانيس الشبورة أكثر من ممتازة
العفشة ضعيفة جداً لدرجة اني غيرت مقص أمامي ومساعد أمامي يسار
ولسة مكنتش كملت 1000 كيلو لمجرد اني كنت ماشي على سرعة 40
وواحد بيعديني من اليمين وحدف عليا فا أنا حدفت شمال عالرصيف
والجنط تلقى الصدمة مع الرصيف مطباتها ناشفة بس مش زي السيراتو
أعتقد السلحفاه أسرع منها
تقفيل الأبواو من الداخل بالكامل بلاستيك وخامات معفنة والتابلوه كله بلاستيك * بلاستيك
ضغطة الكلاكس قوية بغباء جداً لدرجة انك استحالة تضرب كلاكس بصابع واحد ...
لازم تخبطه بمعصم إيدك أو بالبوكس إن لزم الأمر
ثبات العربية يتحدى الصفر
.................................................. ...........................
كل دا كوم وأسعار قطع غيارها كوم تاني
الجنط الحديد 13 يعمل 430
وال سبور 14 زي بتاعي يعمل 1350
وفوانيس أمامي وخلفي ليدات تعمل 11500
دا بالإضافة ل 10% ضريبة المبيعات وكمان قطع الغيار مش متوفرة حتى في التوكيل المحترم
أرجو أن أكون قد أفدتكم
تجربتي للسيارة كانت حقيقية وكاملة وبرغم أني عامل بيها 6500 بس ....... بس أنا مطلع عين أمها معايا .... يعني فهمتها من الألف للياء
.................................................. ....................................
أرجو من مشرف القسم تنسيق الموضوع
المشاركة القادمة هتكون بعد شوية كدا لحد ما أرفع ملف الصور مضغوط على الميديا فاير
وأجيبلكوا الرابط هنا في المشاركة الجاية
برجاء من المشرف تحميل الصور وعرضها في الموضوع ليستفيد الأعضاء
لأني ماسيبتش حتة ف العربية إلا لما صورتها
أخوكم في الله : علي
تم تنسيق الموضوع بمعرفتى منسق القسم
رقم العضوية : 58100
تاريخ التسجيل : 06Jan2010
المشاركات : 5,727
النوع : ذكر
الاقامة : السعوديه
السيارة: not yet
السيارة[2]: ..
دراجة بخارية: no
الحالة :
الف شكر على المواضيع الجميله و فى انتظار الصور
و مجهود عالى و مميز جدا من شخص مميز جدا .تسلم ايدك
إنا لله وإنا إليه راجعون
ولا تحسبن الذين قتلوا في سبيل الله أمواتا بل أحياء عند ربهم يرزقون
رقم العضوية : 123064
تاريخ التسجيل : 12Apr2012
المشاركات : 35
النوع : ذكر
الاقامة : Egypt
السيارة: Picanto '12
السيارة[2]: Corolla '06 1600
دراجة بخارية: No
الحالة :
لينك ميديا فاير عليه الصور كاملة وبجودة عالية
................
أرجو دمج الصور في الموضوع وإتمام تنسيقه وتثبيته
201205A0.rar
رقم العضوية : 60618
تاريخ التسجيل : 01Feb2010
المشاركات : 5,992
النوع : ذكر
الاقامة : Cairo
السيارة: Renault Duster E2
السيارة[2]: Nissan Sunny EX 2010 Auto
دراجة بخارية: No
الحالة :
ما شاء الله بعد تقرير حضرتك ده شكلك هتركبها لوحدك فى البلد دى يا فندم و احييك على روح الفكاهه بالاضافه للامانه اللى كاتب بيها الموضوع. هو انا بصراحه من ساعه ما نزلت كنت حاسس ان سعرها ده مبالغ فيه قوى قوى. دى عربيه صغيره حتى لو الموتور ١٣٠٠ لكن تصنيفها سياره صغيره هاتشباك و كمان حكايه الاتوماتيك دى هتخلليها بطه كسيحه فى الجرى. يعنى بقت عربيه صغيره غاليه و بمشاكل الكبيره طيب ايه الميزه فيها؟ ما بدل ما يشتريها يكمل شويه و يجيب سيراتو او ريو مثلا لو عايز كيا انما حرام يدفع المبلغ ده فيها و ده كان رأىى قبل ما اعرف حد جربها كمان
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
ما شاء الله
فعلا تقرير مفيد
وكلام حضرتك هيتفق معاك اكيد ناس بنسبة كبيرة ..
تسلم ايدك
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
بيعها ....
اللى حيضيع بلدنا : الفهلوة و كلمة باشا و معلش و أصل
رقم العضوية : 104761
تاريخ التسجيل : 22Jun2011
المشاركات : 514
النوع : ذكر
الاقامة : Alexandria, Egypt
السيارة: Aveo A/T 2012
السيارة[2]: Sandero A/T 2013
دراجة بخارية: None
الحالة :
تقرير شامل جدا الله ينور.. كان ناقص حبة صور..
لييه حاطط 128 في العربية؟؟وفوانيس أمامي وخلفي ليدات تعمل 11500
أعتقد السعر 1150؟ ولو السعر ده للجوز يبقي مش غالي بوتاتا
رقم العضوية : 90717
تاريخ التسجيل : 08Mar2011
المشاركات : 15
النوع : ذكر
الاقامة : Cairo
السيارة: لا يوجد
السيارة[2]: optra 2008
دراجة بخارية: No
الحالة :
ألف ألف شكر و كتر خيرك و الله على التقرير بس فيه سؤال ، هل المانيوال برضه سحبها هيبقى كده? لأنى لاحظت ان الموتور ده عزمه عالى جدا ! ولا حضرتك ما جربتش المانيوال?
لان العربية دى عاجبانى قوى و كنت ناوى اشتريها بصراحة بس انت قلقتنى ، الفكرة ان اى 10 الاوتوماتيك برضه كانت ميته جدا مقارنة بالمانيوال فانا بيتهيـألى هنا برضه هتبقى كده
رقم العضوية : 1609
تاريخ التسجيل : 29Jul2007
المشاركات : 306
النوع : ذكر
الاقامة : Assiut
السيارة: Matrix 2011
السيارة[2]: corolla 2007 1.6
دراجة بخارية: لا يوجد
الحالة :
يا راجل حرام عليك دا أنت شخرمت العربيه خالص
انا جايب نفس الفئه اللى حضرتك جايبها و لكن زياده عليها
1 فرش جلد احمر
2 ابانوس اسود بالتابلوه
3حساس اضاءه
استلمتها من 3 اسابيع تقريبا دفعت 85500 جم بس
و هى تمنها الاصلى 85000 جم بس انا دفعت 500 جم زياده علشان انا ساكن فى اسيوط و العربيه جت متحمله على ترله
نيجى بقى لتقييمى للعربيه و تقييم حضرتك
الموتور رائع 8/10
التكييف 8/10
الفرامل 7/10
السحب رائع بالنسبه لعربيه 1250 سى سى اوتوماتك 8/10
قوة العفشة لسه ماعملتش حوادث
نعومة المطبات 6/10
العزل 7/10
الثبات المفروض ان دى عربيه حريمى و داخل البلد فالثبات معقول جدا
>>>>>>>>>>>> عيوب السيارة <<<<<<<<<<<<
الشنطه بتقول انها صغيره اوى : طب انت متوقع ايه من عربيه طولها شبر و نص
العدة بتاعة العربية صعبة المنال
طب عاوزهم يحطوها فين
ضيق المساحات بالداخل
عربيه طولها شبر و نص
المتور تقريباً بتاع توك توك لأن السحب بتاعه أزبل من الزبالة حتى لو عملت كيك داون
يا راجل حرام عليك دى سحبها رائع داخل البلد اما على الطريق السريع فانا محتاج اعرف انت شديت مع ايه و مقدرتش تطلع منه وهل كنت مشغل التكييف و لا لأ( علشان تقارن لازم تكون العربيه اللى بتقارن معاها تكون 1300 بالكتير و تكون اوتوماتك) فعلا التكييف بيأثر على السحب
تكييف رخم أوي ودايماً تشغله على 4 لأن 3 حتى مش هيرضيك
أبدا التكييف ممتاز دا انا ساكن فى اسيوط وما أدراك الحراره فى اسيوط الفهرنهايت هنا عالى أوى
فرش الكراسي قماش
انا عندى جلد أحمر ممتاز
إضاءة الفوانيس الأمامية زي الزفت
حرام عليك بجد دا احسن حاجه فى العربيه دى الاضاءه بتاعتها
مطباتها ناشفة بس مش زي السيراتو
صح الكلام
سحبها ------ وأعتقد السلحفاه أسرع منها
أعتقد أنى علقت على الموضوع ده
بس ممكن اسال حضرتك كنت راكب ايه قبل العربيه دى
تقفيل الأبواو من الداخل بالكامل بلاستيك وخامات معفنة والتابلوه كله بلاستيك*بلاستيك
انا راضى جدا عن التقفيل
ضغطة الكلاكس قوية بغباء جداً لدرجة انك استحالة تضرب كلاكس بصابع واحد ... لازم تخبطه بمعصم إيدك أو بالبوكس إن لزم الأمر
دى أكتر حاجه متفق معاك فيها
ثبات العربية يتحدى الصفر
دى مش هجادلك فيها لانى لسه مازودتش عن 110كم فى الساعه لانى لسه بلين . بس زى ماقلتلك قبل كده دى عربيه داخل المدينه و حريمى . بس فى واحد فى المنتدى قال انه حاب 175 كم
الخلاصه
العربيه دى ممتازه لداخل البلد أو لسفر شخص او اتنين بالكتير من غير شد أو شقاوه
كمان ماينفعش انها تكون العربيه الاولى والاساسيه للأسره لكن ممكن تكون العربيه نمره 2
يعنى انا مثلا معايا كورولا 1600 2007 اوتوماتك ماينفعش خالص اقارنها بيها
رقم العضوية : 123064
تاريخ التسجيل : 12Apr2012
المشاركات : 35
النوع : ذكر
الاقامة : Egypt
السيارة: Picanto '12
السيارة[2]: Corolla '06 1600
دراجة بخارية: No
الحالة :
الفوانيس الأربعة أمامي وخلفي ليدات ب 11500
كنت بشد مع كورولا 2002 ................ وطبعاً دي 1300
تقييمي للسيارة جاء بناءاً على تجربتي للسيارة الأساسية ......... كورولا 2006 1600 ....... وما أدراك ما سحب الكورولا
.................................................. .................................................. ...............................
أرجو من حضرتك تعمل تقرير لسيارتك ..... أو عالأقل تنزل لنا كام صورة كدا تجيب العربية شاملة من برا ومن جوا
المفضلات