http://www.nilemotors.net/Nile/288998-a.html
عرض للطباعة
الزرار الاحمر اللي جنب عصايه الفتيس ده فايدته ايه؟؟
يا رجاله عشان ما يحصلص لخبطه في المعاني بين قفل وفتح الاوفر درايف خلينا نتكلم بالبلدي شويه عشان نفهم
خلينا نقول لو انا دوست على زرار الافور درايف ونور في التابلوه ايه اللي بيحصل ولو دوست عليه وطفي في التابلوه ايه اللي بيحصل
في حاله انه منور ده معناه ان العربيه ها تنقل من الاول للتاني ومن التاني للتالت ومش ها تنقل رابع وها تفضل ماشيه على التالت ولو انا اصلا ماشي والفتيس ناقل للرابع وروحت دايس على الزرار ونورته في التابلوه العربيه ها تسقط للتالت والتاثير السلبي بيجي بس لو انا مشيت على ار بي ام عالي لمده طويله والتاثير هنا بيكون على الفتيس والموتور مع بعض لكن لو انا مشيت على ار بي ام لا يزيد عن 3 فده عادي لاني ما عدتش سرعه التالت في الفتيس
وهدف الزرار ده اصلا ان لو انا ماشي على سرعه 100 او 120 مثلا والعربيه ماشيه على الرابع حبيت اسقط تالت عشان اطلع من عربيه او اخد عزم زياده بروح دايس عليه وعشان ينور في التابلوه لحد ما اعدي العربيه اللي عايز اعديها او حتى لو بشد شده حلوة مع عربيه تانيه وبعدين اروح طافيه تاني في التابلوه وبس
اما بقى بالنسبه للزرار الاحمر فا ده عشان لو انت شيلت المفتاح من العربيه وحبيت تحط الفتيس على الان بتدور عليه وتحرك الفتيس
الأوفر درايف هو بالظبط الرابع والخامس وتقدر تمشى بالعربية 180 و 200 كم/س على الطرق السريعة وبدون مشاكل
فعلا أنت صح ..
بصوا يا جماعة ..
معني overdrive يعني النقلة الرابعة ..
لما بقفل overdrive يعني اخري التالت ..
من الاخر يا باشا عشان متلخبطش ..
لما تلاقي لمبة مكتوب عليها overdrive في التابلوه .. منورة .. يبقى أنت قافل النقلة الرابعة ..
لما متلاقيش اللمبة ديه منورة .. يبقى أنت فاتح النقلة الرابعة ..
اللمبة ديه المتحكم فيها الزرار اللي تحت الزرار النيكل الكبير بتاع الفتيس ..
دايما خليك دايس عليه .. عشان تفضل اللمبة مش منورة .. و العربية تجيب الرابع عادي .. و تكون مرتاحة ..
كده الأمور وضحت ..
تحياتي ..