أنا معايا تيريوس 2007 4*4 و من أسكندرية برضو
بالنسبة للعربية هي تحفة بس مش بتاعت سفر اوي لأن أخرها 150 كم/ساعة و بعد ال 120 كم مش ثابتة اوي و العفشة ناشفة لاكن جوه البلد و السفريات القصيرة كويسه جدا.
من حيث الاوبشن فالتيريوس مفيها اي نوع من الاوبشنز الجديدة يعني فيها بور- تكيف- زجاج كهربا- مرايات كهربا (مش ضم) بس يعني تعتبر اساسيات مش كماليات.
التوكيل طبعا محترم و اسعار قطع الغيار عادية مش غالية اوي و لا رخيصة.
بالنسبة للأنواع و فرق الاسعار معرفش حاليا بصراحة.
ممكن حضرتك تسأل عند و كلا ديهاتسو في اثنين اللي اعرفهم:
1- الداون تاون (قدام كارفور) و ده اللي انا جبت منهم.
2- سموحة قدام مسجد علي بن ابي طالب.
اي اسألة تانية انا تحت أمر حضرتك.
المفضلات