الموضوع: هو لية فى ناس كتير بتندم علشان أتجوزوا؟

المشاركة الأصلية كتبت بواسطة yasserwin

لا والله دة انا لسا فى بداية الطريق بس بصراحة بحس ان اى حد متجوز ويقول ( اوعا تتجوز انت مجنون عايز تتجوز وتعيش فى نكد وارف طول عمرك ) دة على اساس ان الواحد هايفضل طول عمره مش متجوز ( انه انسان انانى )

انا شايف ان مادام فيه توافق ما بين الزوج والزوجة هاتبقا الحياة سعيدة

وطول ما الزوجة متجوزة الراجل دة علشان بتدور على بيتها وعيالها وحياة كريمة ومش بتدور على : (مستوى الى مستوى او انها معندهاش مثلا عربية وجوزها هايجيبلها عربية او ما شابه) هاتبقا الحياة ماشية زى الفل

النكد والخناق والأرق والزهق دة شىء طبيعى مع اى انسان فى بيته او مع اصحابه يبقا من الطبيعى ان يجى يوم فى الجواز هايبقا فيه نكد او زعل لاكن بأقل حاجة ممكن النكد يتحل بمواجهة المشكلة او كلمتين حلويين

لاكن مش اهرب من البيت واجى على ميعاد الاكل والنوم واقول مراتى نكدية ومقفره و ..... الخ

توافق مين يا عم الحاج ؟ شكلك طيب و قلبك ابيض هههههه

المشاركة الأصلية كتبت بواسطة ghosts

الكلام مفيش أسهل منة يا yasserwin ....
ما كل الجوازات بتبقى مبنية على توافق و بعد شوية الزوج والزوجة اللى كانوا قمة الرومانسية بيقطعوا بعض فى محكمة الأحوال الشخصية ....
أنت عارف أن فى 100000 حالة طلاق بتحصل سنويآ فى مصر بس ....
الموضوع مش سهل زى ما أنت متخيل ....

+11111111111111111

المشاركة الأصلية كتبت بواسطة mostafa3000

خدوا بقي الخلاصة من متزوج من 11 سنة
الزواج مصيرك ومهما عملت مش هتعرف تفلت منة
يبقي لازم تتعامل معاة والست بطبيعتها متقلبة المزاج يعني مهما عملتلها لازم تنكد عليك عيشتك بس الفرق بيكون في مدة النكد ودة بيختلف من واحدة للتانية وشطارتك هو ان تحاول تقليل فترة النكد عند مراتك
لاحظ بقول تقليل مش منع لانها لازم حتما هتميل للنكد عليك من وقت لاخر
الميزة الوحيدة من الزواج هي الاولاد لان مهما قلت مش هقدر اوضح فكرة احساسك بان اب
معلهش هكمل بعدين

هو لازم نكد يعني ؟ ايه ده ؟ و الله حرام

المشاركة الأصلية كتبت بواسطة friendship7897

أوووف أيه كمية الردود والتعليقات من الشباب والرجال اللي مش طايقيين يتجوزوا أو مش طايقيين مراتتهم

بصوا بأة الحقيقة المرة (إحنا كمان مش طايقينكم وبنفرح لما تحلوا عننا من طلبتكم شوية ، ونكون هوووم ألووون ) ، محسسنا إن أنتم بتجبوا علينا من زوجوا مننا ، ما فيش شخص خالي من نقص أو عيب ، ومن المستحيل على أي زوجان أن يجد كل ما يريده أحدهما في الطرف الآخر كاملاً.. وكمان لا يمر أسبوع من غير ما يشعر واحد منهم بالضيق من تصرف عمله التاني، ومش ممكن هنتخانق كل يوم وكل أسبوع على شيء تافه كملوحة الطعام أو نسيان طلب أو زلة لسان ، وعلشان كدة كل واحد مننا ومنكم يتغاضى عن اللي عمله الطرف الأخر ما عجبوش أو صفة مش حلوة فيه ، قال الإمام أحمد بن حنبل ""تسعة أعشار حسن الخلق في التغافل" وهو الغفلة مع العلم والإدراك لما يتغافل عنه تكرماً وترفعاً عن سفاسف الأمور . وما فيش حد مننا أو منكم يقدر يستغنى عن الثاني لأننا مخلوقين من بعض " من كان يؤمن بالله واليوم الآخر فلا يؤذي جاره واستوصوا بالنساء خيرا ، فإنهن خلقن من ضلع ، وإن أعوج شيء في الضلع أعلاه ، فإن ذهبت تقيمه كسرته ، وأن تركته لم يزل أعوج ، فاستوصوا بالنساء خيرا" ، وعلى الست ان تفتخر بأنها خلقت من ضلع اعوج !!!( علشان محدش يقول أهي واحدة منهم بتقول أنها معوجة ) لأن ربنا خلق الضلع دا ليحمي القلب ، واثبت الطب الحديث انه لولا ذاك الضلع لكانت أخف ضربة على القلب سببت نزيفا..... ثم جعله اعوجا ليحمي القلب من الجهه الثانيه .. فلو لم يكن أعوجا لكانت أهون ضربه سببن نزيف يؤدي _ حتما _ الى الموت .
نفسي الموضوع يتقلب بإعترافكوا بعدم إستطاعتكم الإستغناء عننا ، منتظرة إعترافتكم :copy of rfds:

لا تعليق

المشاركة الأصلية كتبت بواسطة yasserwin

اهلا ومرحبا بيكى وسط الناس المتجوزين الى مش طايقييين حياتهم

والله انا يمكن علشان متجوزتش فشايف الحياه وردى وبصراحة بحس ان فيه بعد الرجال بتبالغ فى الموضوع

ياعنى بحس ان الى سعيد فى جوازه بيقول انت مجنون عايز تتجوز ...؟ والى مش سعيد فى جوازه بيقول نفس الكلام

طيب والنبى اصدق مين والى يقولك براحتك عايز تتجوز اتجوز واشرب بقا

ياعنى انا ببقا قاعد مع ناس بمجرد ان مراتتهم تبعد عنهم يومين يبقا مش طايق حياته وفى نفس الوقت تقوله انا عايز اتجوز يقولك انت مجنون

الواحد خلاص هايجيله جنان من الناس دة ومش عارف من الى صادق ومين الى بيهزر :d

ده انت هتشرب لما هتشرق هههههههههههه

المشاركة الأصلية كتبت بواسطة ghosts

كلام سليم 100 % ....
ربنا يعلم أنا أد أية نفسى أتجوز بس المشكلة بقى أنى مش لاقى العروسة اللى تملى عليا حياتى ....
و المشكلة الأكبر أنى مريت بتجربة خطوبة فاااااااااااااشلة خليتنى معقد (قال يعنى أنا ناقص عقد) ....

معلش ربنا يرزقك بالزوجه الصالحه