هو لية فى ناس كتير بتندم علشان أتجوزوا؟

**Ghosts** · 23-05-2012 09:54 PM

المشاركة الأصلية كتبت بواسطة screenplays

معلش ربنا يرزقك بالزوجه الصالحه

ياااااااااااااااااة تفتكر هعيش لحد ماشوف اليوم دة؟؟!!

**ahmedhawas** · 23-05-2012 10:15 PM

المشاركة الأصلية كتبت بواسطة YaSSerwIN

والله انا يمكن علشان متجوزتش فشايف الحياه وردى وبصراحة بحس ان فيه بعد الرجال بتبالغ فى الموضوع

ياعنى بحس ان الى سعيد فى جوازه بيقول انت مجنون عايز تتجوز ...؟ والى مش سعيد فى جوازه بيقول نفس الكلام

طيب والنبى اصدق مين والى يقولك براحتك عايز تتجوز اتجوز واشرب بقا

ياعنى انا ببقا قاعد مع ناس بمجرد ان مراتتهم تبعد عنهم يومين يبقا مش طايق حياته وفى نفس الوقت تقوله انا عايز اتجوز يقولك انت مجنون

الواحد خلاص هايجيله جنان من الناس دة ومش عارف من الى صادق ومين الى بيهزر :d

11111111111+
نفس حالتي بالظبط ..
الأهل والأقارب : مواراهُمش إلا الزَن .. يابني إنت مش ناوي تخلّص.
والأصحاب : اللي متجوز منهم بيحذرك ، واللي مش متجوز بيشجعك وبيشجع نفسه كمان.

**Screenplays** · 23-05-2012 11:44 PM

المشاركة الأصلية كتبت بواسطة ghosts

ياااااااااااااااااة تفتكر هعيش لحد ماشوف اليوم دة؟؟!!

ان شاء الله

المشاركة الأصلية كتبت بواسطة ahmedhawas

11111111111+
نفس حالتي بالظبط ..
الأهل والأقارب : مواراهُمش إلا الزَن .. يابني إنت مش ناوي تخلّص.
والأصحاب : اللي متجوز منهم بيحذرك ، واللي مش متجوز بيشجعك وبيشجع نفسه كمان.

يا بن الهبله ضيعت نفسك ههههههههههههههههههههههههه هههههههههههههههه جامده

**shouk_1987** · 24-05-2012 12:01 AM

يا جدعان أنا خاطب و المواضيع ديه مضّرة بالصحة على أمثالى
جوست و سكريين خطر على أى خاطب و ممنوع الإقتراب منهم تماما ههههه

**cvt2008** · 24-05-2012 01:05 AM

هوبا
جوست وسكرين أعداء لكل البنات اللى عايزة تتجوز

( جروب جديد عالفيس بوك )
مطلوبون أحياء أو مخطوبون

**Screenplays** · 24-05-2012 01:25 AM

المشاركة الأصلية كتبت بواسطة shouk_1987

يا جدعان أنا خاطب و المواضيع ديه مضّرة بالصحة على أمثالى
جوست و سكريين خطر على أى خاطب و ممنوع الإقتراب منهم تماما ههههه

ههههههههههههههههه و الله انا بتكلم للمصلحه العامه و انتوا احرار

المشاركة الأصلية كتبت بواسطة cvt2008

هوبا
جوست وسكرين أعداء لكل البنات اللى عايزة تتجوز

( جروب جديد عالفيس بوك )
مطلوبون أحياء أو مخطوبون

لا انا مش عدو للبنات اللي عايزه تتجوز ... انا عدو للبنات اللي دماغهم فيها سبانخ و مش حلوين اصلا لا و ايه ؟ بيتنكوا علي العرسان و و و و

**ahmad--ezzat** · 24-05-2012 01:47 AM

انهرده لجان الانتخابات ولا سيتي ستارز ;))

**Ghosts** · 24-05-2012 09:25 AM

المشاركة الأصلية كتبت بواسطة shouk_1987

يا جدعان أنا خاطب و المواضيع ديه مضّرة بالصحة على أمثالى
جوست و سكريين خطر على أى خاطب و ممنوع الإقتراب منهم تماما ههههه

المشاركة الأصلية كتبت بواسطة cvt2008

هوبا
جوست وسكرين أعداء لكل البنات اللى عايزة تتجوز

( جروب جديد عالفيس بوك )
مطلوبون أحياء أو مخطوبون

يعنى هو الحق علينا عشان خايفين على الشباب لا يضبعوا نفسهم؟؟!!
دى أصعب حاجة ممكن تحصل لشاب أنة يحس أن أختيارة مكانش سليم وأن الأنسانة دى مش هى اللى بيتمناها وللأسف مش هيعرف يطلقها عشان خاطر الأولاد ....

طب أنهى أحسن ....
تعيش لوحدك ولا تعيش مع زوجة تنكد عليك عيشتك؟؟!!

يا جماعة قرار الجواز دة فعلآ من أصعب القرارات فى حياة الأنسان ....
والأستعحال فى قرار زى دة يودى فى 60 داهية ....

**Sherifmt** · 24-05-2012 01:25 PM

فيه مثل بيقول ما يقع الا الشاطر ..........
واحب اقول للشباب اللي بيكافحو ضد الزواج بكل همه ونشاط زي ما يكونو بينفوا عن نفسهم تهمة امن دولة
.دي حلاوة روح وان الحقيقة انكم مرعوبين علي اللي انتم فاكرينه حرية واستقلال .....ومش بس كده بل كمان علشان الجواز مسؤولية ومحدش منكم شايف نفسة لسة قادر انة يتحملها
ومتوهمين ان القرار يرجعلكم فعلاً كان غيركم كتير أشطر . علشان الزواج سنة الحياة و هو ده الطبيعي والفطرة اللي كلنا بنتولد عليها لكن اللماضة والمعافرة وانكم مش هتتجوزو أنسسسسي
.......بتفكروني بفيلم زمان فيه طفل كل يوم يبل المرتبة وهو نايم ويوم قرر انه ميعملش كدة تاني ...قبل ما ينام قعد يصرخ ويقول انا مش هعمل كدة انامش هعمل كدة وبعدين ....قعد يعيط بعد ما بل المرتبة .....عادى !!!!!
علي العموم إن غداً لناظرة لقريب ونصيحة من متزوج أكسب وقت ودور انتعلي اللي تناسبك وافتكر انك مش لازم ترفع من توقعاتك في العروسة للسما ولا تنزل بيها للأرض انت مش ملاك فحرام تدور علي ملاك و الوسطيه في كل شيئ مقبوله مش لازم تتجوز ملكة جمال باليل وتصحي الصبح تلاقي واحد صاحبك نايم جنبك والبساطه والمرونه هي السر أرضى وربنا هيرضيك ويراضيك
نصيبك و رزقك وأجلك هما اللي بيدورو عليك مش العكس وعلي فكرة انا مش لسة في شهر العسل انا متزوج بفضل الله من سنة 97 وأولادي بقو طولي لكن وبفضل الله ممكن تتخيل انا ومراتي لما بنكون مع بعض في البيت او في أي مكان مش ممكن هتتخيل اننا متجوزين وعندنا اطفال علشان ربنا كرمني فعلا بنصي التاني لماضه وخفة دم واحترام
مش هكدب عليك واقولك اني دورت وبحثت وعسيت (حلوة عسيت دية ) كانت زميله جديدة في الشغل و من اول مرة شفتها لقيت قلبي بيرزع وعرقت وحسيت بجد ....... هي دي ام أولادي ..... اتشجعت و كلمتها وقلتلها ممكن اقابل باباكي وزي ما اكون ضربتها بالقلم ....سابتني ومشيت وبعدها قضيت يومين هباب وبعدين قابلتها تاني وسألتها ليه مردتيش عليا وشها جاب الوان تاني وقالتلي انت بتتكلم جد ؟؟؟؟؟ طيب بابا مستنيك بكرة الساعة سابعة
تاني يوم مضيعتش وقت رحت خطبتها واتجوزنا في 85 يوم شفت النصيب هي كدة تنوي خير وربنا علي الخير يعينك ومعلومة انا متجوزتش للأسباب اللي اتكلمتو فيها انا راجل شقيت بجد من صغري وكان حلمي أكون اسرة وانا صغير وكمان أخلف ولد واسمية عمر وبنت واسميها مريم ولله الحمد ربنا كرمني ورضاني بيهم
..............تاني وافتكر كويس الموضوع مش عناد او بطولة علشان دي حياتك يا مسكين..... فووق و أختار كويس وتوكل علي الله قبل ما عمرك يجري منك و يوصل بيك الحال انك تتجوز علشان تتستر وخلاص او تلاقي نفسك راجل كبرت وبدأت تشيب وانت للأسف داخليا لسة عايش في الدور انك لواحدك بمزاجك....... والحقيقة انك مش لاقي واحدة ترضي بيك في السن ده !!!

تحياتي من مكة (:

**cvt2008** · 24-05-2012 01:43 PM

لية يا عم دى الحياه حلوة
وضرب النار للصباح الباكر
وبنلعب رياضة طول الليل ( من بعد الساعة واحدة يعنى )
وصليت الفجر ونمت

( الحمد لله العيال نامت بدرى )

وبدعيلك يا جوست يا ابن أم جوست ببنت الحلال اللى تدوبك فيها وتبقى شبشب بصباع فرجليها

أما أنت يا سكرين يا ابن أم سكرين ربنا يرزقك بواحدة تعلمك الأدب وتكون بنت حلال برضة عشان تطلعة صح عليك

روحوا يا عيال
سكة اللى يروح ما يرجعش

هههههههههههه