الموضوع: مقارنة شرسة بين "نيسان تيدا vs تويوتا ياريس" و أيهما تفضل

المشاركة الأصلية كتبت بواسطة formulator

معلش يا أحمد، ماهو ماينفعش تقارن الياريس بأى عربية Euro B-Segment من دول، لا فـ أداء ولا ثبات ولا أمان ولا Driveability وهاندلينج..؟!!
لأ، الياريس فعلا أقل بكتييييييييييير من البولو والبونتو والإبيزا والفوكاس والكورسا.. هو بس الأنتشار وقطع الغيار وإعادة البيع فـ صالح التويوتا (مش هقول الياريس)..!!

والحق ان الياريس أسرع وتكييفها أحسن، لأن العربيات دى ثقيلة.. بس سواقة وتحكم وفرامل.. الياريس صابونة فعلا جنبهم. ههههههههههههه

من غير حتى ماكون سقت اي عربية من عربيات ال Euro B-Segment بس انا متاكد انها اكيد في ال Drive-ability هتبقى احسن من الياريس !! لان الياريس بإختصار وانا سايقها ببقى حاسس اكني بلعب video Game !! فعلا ال Drive feeling فيها معدوم تماما

وفي نفس الوقت على قد مالهاندلنج والسواقة كتحكم وفرامل في الاوروبي افضل !! في المقابل الراحة والنعومة / كركوبة وسواقة على مسافات طوووويلة !! التويوتا افضل بكتييييير دي اول نقطة

تاني نقطة : كلامك يا دكتور لا غبار عليه بس للاسف ماينفعش يتطبق هنا في مصر !! كان ممكن نقول ان الاوروبي - طبعا بتكلم على الاوروبي فئة الياريس - افضل كركوبة وننصح الناس بيه في حالة لو خدمة مابعد البيع متساوية في الاتنين !! كصيانة / قطع غيار / اعطال / اعادة بيع !!

لكن يافرحتي بعربية سواقة وتحكم واحس فيها فعلا بال Drive feeling وفي الاخر لما يحصلها حاجة اتبهدل واقعد الف حولين نفسي !! توكيل زفت / قطع غيار مش موجودة !! عربية محدش فاهم فيها حاجة !!

فهنا في الاخر بيحكمنا في المقارنة مابين العربيات دي المجتمع اللى احنا عايشين فيه

وفي المجتمع المصري الياريس تكتسح العربيات دي كلها !!

مش هقدر انسى واحد زميلي اشترى في سنة 2007/2008 عربية بيجو 308 FJ-Line

العربية دي كانت 1.6 Turbo بقوة 175 حصان علما اذكر

العربية كان جايبها خليجي من برة !! فيها كمية اوبشنز وكماليات ماشفتهاش في عربية قبل كدة !

الى غير الهاندلنج والفرامل والثبات بسم الله ماشاء الله حدث ولا حرج !

عايز اقولك يا دكتور ان العربية لحد سنة 2011 كان صرف عليها مايقرب من 30 الف جنيه بدون ماتتخدش ولا مرة !! تخيل عربية ماتتخبطش ولا مرة ويصرف عليها فوق ال 30 الف !! كل شوية حاجة فيها تعطل وللاسف التوكيل ماكنش عارف يتعامل معاها

لحد اما باعها ب 80 الف جنيه !! بعد ماجابت كنترول وضفيرة كهرباء ولقى سعرهم في التوكيل 10 الاف / 8 الاف بالترتيب كدة !!

طبعا مش عايز اقولك سعرها سعت لما اشتراها كانت بكام عشان ممكن يجيلك احباط بعد ماعرفت انه باعها ب 80 الف !! ولحد دلوقتي كل مايفتكرها يدعي ويشتم ويلعن وبيحمد ربنا انه خلص منها

واعرف ناس كتير اوي زمايلي معاهم نفس الفئة الاوروبي اللى بنتكلم عليها بماركات مختلفة ومتبهدلين اخر بهدلة في الاعطال والصيانة وقطع الغيار !! لكن عمري ماشفت واحد معاه كورولا او ياريس مهما كانت موديل كام ومبهدلاه او بيشتكي منها ؟؟

لا لأ، اسمحلى بقى ياباشا.. أنا سوقت ياريس 1.3 مانيوال كتير (مع 2 زمايلى فـ الشغل)، وسوقت الهوندا السيتى الجديدة 1.5 مرة واحدة،
الصراحة برضه الياريس لا جرى ولا ثبات تقارن بالسيتى (مش بس فرق الموتور)..

ماهو برضوا يا دكتور ماينفعش تقارن ياريس 1.3 بسيتي 1.5 !! 86 حصان للياريس مقابل حوالي 110 حصان للستي وفرق الوزن مابينهم يكاد يكون معدوم يبقى انت بتتكلم في ايه ؟؟؟

وبرضوا خلي بالك اكيد الياريس اللى انت سوقتها بما انها مانويل يبقى بطاسات ! كمان الياريس المانويل مافيهاش ABS ولا EBD !! يعني لو سوقت ياريس اتوماتيك بالجنوط والاسبويلر وال ABS + EBD الوضع هيختلف تماما !! سمعت كمان ان الياريس ال 1.5 بتنزل ب Traction control

أنا ماسوقتش ياريس بالموتور الجديد الـ1500 ده.. بس عارفه بتاع الأفانزا والسيريون، لأ أقل كتير من موتور الهوندا فـ استجابته وسحبه..؟!!
(زى بالضبط الـJazz القديمة الـ1.3 كانت أجمد من الياريس 100 مرة، عربية ملهاش حل).

الياريس على الماتور ال 1NF-ZE بتبقى مالهاش حل !! طلقة جربها بس وهتدعي لاخوك وابقى قولي عشان نفسي اجربها انا كمان ههههههههههه

وبعدين حته تقفيل تايلاندى (مش هندى) ماتفرقش كتير على فكرة فـ العربيات دى..أقولك على حاجة:
- أفضل كورولا عـ الإطلاق فـ الأجيال الجديدة.. هى الجنوب أفريقى بالموتور الـDual VVT-i والفتيس الـMMT (كأداء لعربية overall، وكمية الأوبشنز)..
ومش اليابانى الـ 2011/2012 بالفتيس العادى ومنزوعة الكماليات؟؟!!!

هو ممكن حتة التقفيل في الهوندا سيتي مش فارقة لان التفقيل كويس لكن برضوا ماتتضمنش على المدى البعيد هل هتظهر عيوب التقفيل !! زي في ال Gen2 مثلا ؟؟ ولا لاء ؟

btw: حجم المبيعات والإنتشار مش معناه أبدا ان عربية أفضل من التانية.. خصوصا فـ حته الأداء دى..؟!!
تويوتا بالذات من أكثر الشركات اللى بتبيع عـ السمعة والكفاءة (العلامة-اللوجو) والإعتمادية بتاع الموديلات القديمة (وأكبر مثال الكورولا)..

ياراجل اللى ماركبش الملكة بتاع 93-96/97 تقريبا آخرها، ماركبش كورولا ولا ركب يابانى..؟؟!!!

ماهو اكيد يا دكتور المبيعات هتعتمد بشكل كبيير اوي على ثقة ال Customer في ال Product اللى بيشتريه !! وثقتنا في علامة التويوتا هي اللى بتخلينا نشتريها ونفضلها حتى وان كانت الاقل في الكماليات وال Drive-ability


باشا التيدا دى مبنية على شاسيه الميكرا واللوجان (والكليو)، يعنى platform بتاع عربيات Sub-Compact أو B-Segment..
وماينفعش يتقال عليها C-Segment أو كومباكت.. فـ عادى انها تتحط مع الياريس والسيتى فـ نفس الفئة؟؟!!!
- بالنسبة لجزئية باور الموتور:
الأفضل من الهورسباور على سرعات عالية هو العزم على rpmــات قليلة، ودى حته مش مميزة فـ مواتير النيسان يعنى..
الأهم كمان الـPower-to-Weight Ratio.. يعنى 86 حصان على عربية خفيفة، أحسن من 118 حصان على عربية ثقيلة..
فقط فـ الـLow-to-Mid Range ( الرينج اللى 90% من السواقة فيه)..
وبرضه التيدا مش جامدة أوى فوق يعنى.. هى بتقع عند الـ160 فـ التجميع زى معظم الـ1.6 (بإستثناء عربيات زى السيفيك)،
وبعدين هأعمل أيه باستجابة الموتور عـ السرعات العالية (بفرض ان التيدا كويسة فـ الرينج ده)، إذا كانت العربية أصلا ثباتها سىء عند الـ130-140.. تقلق يعنى؟؟!!!

رأيى فـ المقارنة:
- لو الياريس الـ1500 فيها أى تعديل فـ العفشة والفرامل عن الـ1300..
(يعنى سوست أجمد Stiffer Suspension وأوطى سيكا + Brake-Upgrade ديسكات أكبر وتيل غير)،
يبقى هى اللى تكسب..
- إنما لو نازلة هى هى نفس العفشة والفرامل بتاع الـ1300 (متسقطها موتور بس ) يبقى تويوتا دى بتستهبل وشركة تييييييييييييت.. التيدا تتفوق.

Rgds،

معنديش اي خلفية عن الياريس ال 1.5 ان كان فيه فرق في ال Suspension ولا لاء !! اخر حاجة سمعتها عنها انها بتنزل ب Traction Control وانا حتى مش فاكر انا قريت الجملة دي فين !!

عموما هدور في الموضوع ده وهقولك لو لقيت حاجة

منورنا يا دكتور والله