الموضوع: موقف حدث لى ومستاء جدااااا منة

اعمل تاندة لبلكونتك و خلى العمال يبهدلوا البوستر ناحية بلكونتك و خليه ياخد حقه من العمال

المشاركة الأصلية كتبت بواسطة mohamed.ramah

بسم الله الرحمن الرحيم

الموقف بدا كالاتى وانا واقف فى فى شرفة منزلى واذ افاجأ ببوستر كبير نازل من الاعلى ليغطى الشرفة لاكتر من نصفها وانا بطبيعة الحال ببص للاعلى اشوف فى اية لانى اتفاجات من الحصل وتداركت الموقف وفهمت ان البوستر لعمرو موسى نازل من اعلى العمارة لحد عندنا وطبعا كلمت فورا صاحب العمارة ذوقيا مع انة المفروض لو حاجة حتتعمل يستاذنا الاول ولاكن اتصلت واذ افاجأ بردة الغريب معلش دة حيتعلق 3 ايام بس معلش استحملوة

وطبعا هما كانو ناويين على وضعة طول فترة الانتخابات حتى تنتهى وكان بيقول كدة فلما نزلت لاتكلم معاة كان ردة ان باقى السكان محدش اشتكى من دة ولما قولت طب كدة حيحجب عننا الشمس والهواء وعلشان اية قالى وانت حتحتاج الشمس فى اية احنا فى الصيف على اساس اننا منطلعش علشان عمرو موسى

بدات اتمالك اعصابى وطلعت لاعلى العمارة ولاقيت زوج ابنتة هو البيعلقة مدعيا ان عمرو موسى اتصل بية وهو حابب يعملة حاجة حبا لية ودعما لية طبعا بعد كلام كثير وتبريرات انى استحمل برضو قولتلة انا حنزل المة على جمب لان مش حينفع الوضع كدة وهو تفهم وتم ربطة فى احد اعمدة الشرفة ومساءا لاقيت البوستر متدلى للاسفل وشكل حد شدة او فكة من فوق لما لاقاة لانهم عملو الموضوع يعتبر بدون علم الكل وفرض عليهم

كان مساءا وفى كتير ماخدش بالة لميتة وقولت خلينى انا الاحسن ومردش السيئة بالسيئة مع انى كنت متدايق جداا وحزين على البيحصل دة من جيران ومعرفة دامت سنين واسلوبهم البيتكلمو بية دة لميتة وحطيتة فى الشرفة الى الصبح لانة كبير جداا وكان نازل لاسفل العمارة وقولت علشان محدش يسرقة الحصل بقى بعد ما نزلتة جم بعدها بيوم واحد وقابلت صاحب العمارة يوم الجمعة وانا نازل علشان الصلاة ولما قولت السلام عليكم ولسة

حسلم ودى وشة الناحية التانية ولا سلام ولا كلام وطلع من جمبى ولا كانة يعرفنى ووالدى لاحظ دة لما شاف والدى نازل نفس الموضوع دخل وقفل الباب من وقتها وانا حزين جدااا على قلة الزوق الوصل ليها ناس كتير مهما كانت معرفة الانسان بيهم ووصل الحال انهم يتعاملو بقلة تقدير ليك و بقلة ذوق لا مثيل لها مع الاصرار على الغلط وتبريرة

ولا تزعل نفسك هيا دى اخلاق الفلول

عادى بتحصل كتير
عندنا فى الشارع واحد مبيفهمش متعود يركن عربيته فى وسط الشارع بالظبط( اه والله فى وسط الشارع )
ويزعل لو لقى حد عامل زيه وقافل عليه الشارع !!!!!!!!

او ولع فى البوستر وقول ماس كهربائى

المشاركة الأصلية كتبت بواسطة hossam_elwani

او ولع فى البوستر وقول ماس كهربائى

و الحريقة تمسك في اجزة التكهيف و الدنيا تولع يا سلام علي النصايح