حصريا من اوتو ايجيبت .. صور نيسان جـوك "إس" المجهزة بكماليات اكـثر .. والسعر مفاجاءة

**masterzmind** · 22-05-2012 05:28 PM

مجهووووووووووووود رائع

**Ahmed.TV** · 23-05-2012 08:06 PM

للمرة التانية انا مقتنع جدا بخصوص فرق السعر واخد معاه كماليات واستلم على طول .. طالما السوق فيه اوفر بريس عند كل الموزعين والتجار والمعارض الخاصة

والاوفر بريس فى اماكن اخرى بيوصل الى 10 الاف فرق او 15 الف

وبصراحة اى عضو معترض لو كان عايز يشترى العربية وعجباه ومش قادر يصبر .. اكيد حيوافق على اقل اوفر بريس .. وكمان حيكون سعيد وهو بيدفع 5الاف زيادة ومعاها شوية كماليات .. حتى لو الكماليات دى فى وجهة نظره تسوى 2000 جنيه ويستلم فورى

فا احنا بنتكلم من الناحية العملية .. ومن ناحية السوق .. وان كنت للا افضل موضوع الاوفر بريس دى من اصله
بس العربية انتاجها عليه ضغط من مصنع واحد فقط فى انجلترا .. والمصنع ده بيغزى اوروبا .. وبيعزى كل بلاد العالم .. فطبعا الكميات محدودة اللى بتيجى هنا

وبعدين نخرج بقا .. من الموضوع .. ونتكلم فى حاجة تانية خااااااص .. مالهاش دعوة بالعربية وكل حاجة
وهى
بلاش يا جماعة لما يكون مش عجبنا حاجة .. نتكلم كلام مش منطقى .. انا معاكم اننا لازم نحترم راى بعض .. والرائ المعارض قبل الراى اللى متفق معانا .. بس مينفعش اعارض واقول كلام غير منطقى

فى عضو قال ان الزينون المحترم والفيلبس ب500 جنيه !! .. والله العظيم لو ب500 جنيه انا طالب منه 10 قطع

فخلينا لو حنعارض نقول كلام منطقى فعلا .. وكمان كلام منطقى للوضع الحالى ووضع السوق .. ووضع اللى بيشترى .. ونحط روحنا مكانه

تحياتى

**Ahmed.TV** · 24-05-2012 02:52 PM

سعر الجوك عموما عالى جدا !!! .. حضرتك قريت التقرير ده .. وشوف امكانيات السيارة الاساسية

http://www.nilemotors.net/Nile/287210-a.html

**ashouhdy** · 24-05-2012 02:58 PM

كدة أوحش ! فقدت برستيجها تماما

ليد ازرق رخيص اللي الميكروباصات حاطينة

زينون ازرق من غير عدسة

استيكر !

حلية شكمان !

**ashouhdy** · 24-05-2012 02:59 PM

الاصلية افخم طبعا

**Ahmed.TV** · 26-05-2012 03:54 PM

ده شكل الاستيكر من مواقع نيسان من بره .. لانه بينزل على عربيات من بره لنيسان حسب طلب العميل

ودى اشكال اخرى الاستيكرات .. بس مش نازلة فى مصر

فا اوتو ايجيبت بتنفذ نفس الافكار من تلقاء نفسها .. ومش مختارة اى استيكر

فهو نفس الاستيكر والشكل اللى بيتركب بره فى الجوك

وغير كدا لو العميل مش حابب الاستيكر مش بيتركب .. او لو مش عايز زينون بردوا نفس الكلام مش بيتركب

فدى حسب طلبات ورغبات العميل .. بخصوص الاسلام الفورى .. بس طبعا الاوفر بريس حيدفعه .. فعشان كدا انا فى حاجات عجبانى حتى لو الاستيكر مش محبب لبعض الناس ..
لكن فى زينون .. واغلبنا بيركب زينون .. بعد ما بيشترى العربية مش عشان يمشى بيه وياذى الناس فى المدينة .. بس بينفع فى سفر .. فى الاماكن الظلمة نهائى .. او حتى فى ايام الضباب

وبردوا زى ما انتو شايفين محدش اتفق على حاجة .. يعنى اللى بيعجبنى ممكن ميعجبش غيرى .ز والعكس صحيح .. لكن مديش واصدر حكم نهائى بالاعدام

ومن وجهة نظرى .. انا شايف لو كنت حشترى الجوك .. بصراحة كنت اكيد حركب كفرات الاشارات
لان على الطبيعة ولما بتشتغل شكلها فى منتهى الرقى .. وحتلاقى على لون العربية الابيض والاحمر والفرانى والسيلفر جدا
وبخصوص السهم فهو لايق على الفيرانى والاحمر .. ومش بيلاقى كل كل الالوان

وطبعا الزينون اكيد ححتاجه بالنسبالى

فدى وجهة نظرى

وقريب حنزلكم شوية صور رياضية للجوك ان شاء الله