الموضوع: حصريا من اوتو ايجيبت .. صور نيسان جـوك "إس" المجهزة بكماليات اكـثر .. والسعر مفاجاءة

ما كدا كدا الاوبشانات دى موجودة فى مراكز الخدمة .. عشان اللى عايز يركبها براحته
والموزع بيحطها بدل ما تدفع اوفر بريس ومتخدش حاجة .. واللى عايز يدفع اوفر برايس من غير ما ياخد الحاجة هو حر طبعا .. وكل الكلام ده فى حالة الاستلام الفورى

لان العربية بالحجز لو على سعرها الاصلى ولو متوافر منها كتير .. بتتباع بسعرها الرسمى طبعا

اما لو مفيش .. وفى كام عربية .. بتتباع باوفر برايس زى السوق بالظبط ..بس هما بيضيفوا عليها امكانيات عشان العميل يكون راضى .. ولو مش راضى خلاص .. يستغنى عن الاضافات دى

هههههههههههههه .. انا تعبت من التوضيح .. فى كل مشاركة .. لو حد قلب فى الموضوع حيفهم القصة

ومش التوكيل او المصنع اللى منزل العربية كدا .. والافكار دى افكار الموزع المعتمد اوتو ايجيبت .. بيحاول يتعامل بشياكة مع العميل

وفى موزعين معتمدين اخرين .. بيضيفوا حاجات اخرى من دماغهم بردوا ..

وبصراحة نفسى العربية تيجى منها كتير هى والقاشقاى .. بس صعب بسبب ان المصنع اللى فى انجلترا عليه ضغط رهيب فى انتاجها .. لان المصنع ده مش بينتج الا جوك وقاشقاى فقط .. وبيوزع للعالم كله ..
بس كان نفسى تتوافر بكمية فى مصر عشان الاوفر برايس ده ينتهى

بس افضل شراء على الوضع الحالى واللى مستعجل ومش قادر يصبر .. هو يشتريها من اى موزع معتمد طبعا .. لان الاوفر برايس اللى حيدفعه حياخد بيه وحيستفاد بيه ..

هى دى الفكرة كلها