الموضوع: بتعملوا ايه ف الزاويه الميته يا جدعان

المشاركة الأصلية كتبت بواسطة Eng.Geo

انا حاطت ستاير وده بالليل ببقي شايف خيالات في المراية اللي في النص :)
بس ماحستش بصعوبة يعني :)
غرز وكل حاجة
انا يمكن حاسس بالعربية حبتين ولما بركن مش لازم أبقي باصص قوي يعني :)

يا لعبك انا مفيم من ورة و هشيله

انا هشيله بس للاسف شكله عاجبنى على العربية

المشاركة الأصلية كتبت بواسطة amrelsaqqa

1 - افتح المراية الجانبية على قد ما تقدر بحيث تبين اكبر جزء من الطريق واقل جزء من العربية

يعنى خليها مفتوحة بزاوية 90 درجة بالظبط او 85 درجة


2 -اظبط وضعية الكرسى عندك بحيث ما تبقاش لازق في البرابريز ومش شايف حاجة ، يعنى رجع الكرسى ورا شوية او اسند ضهرك تماما على الكرسى ووسع دايرة نظرك وخلى ده نمط سواقتك على طول
----------------------------


الموضوع ده هيفرق معاك جامد وهتلاقى نفسك لامم رينج كبير من رؤيتك خارج العربية على شكل قوس من اول الباب اليمين مرورا البرابريز لحد الباب الشمال وهتلاقى عينك بقت تبص في رينج اكبر ومستوعب الطريق بطريقة احسن ورد فعلك اسرع بكتير

واول ما حد ييجى جنبك تلاقى نفسك اتخايلت بيه على طول من غير حتى ما تبص في المراية
وبنظره سريعة ع المرايات تقدر تغير حارتك على الطريق بسرعة وانت مطمن

وانت جاى تركن بقى ، ممكن ترجع تضيق زاوية المرايات شوية بحيث تظهر جزء من عربيتك عشان تبقى شايف المسافة بين عربيتك والرصيف او بين عربيتك وباب الجراج مثلا وانت داخل بضهرك ..
بس على الطرق خلى المرايات مفرودة دايما لبرة ومستواها الرأسى مبين نص سما ونص ارض وقعدتك في وضع تشوف بيه نص دايرة حواليك

بالمناسبة بقى ، في ناس بتقولك لازم اشوف كبوت العربية وانا سايق (وعشان كدة تلاقيه لازق وباصص قدامه وبس ومضيق نطاق نظره على الاخر) ويا جماعة موضوع انك تشوف كبوت العربية ده مالوش دعوة بالسواقة اصلا واي واحد عنده المشكلة دى هو عنده مشكلة في السواقة ولازم يتعود على انه يمشى من غير ما يشوف كبوت العربية او اخرها من قدام ويخليها باحساسه بالعربية

النظر على اطراف العربية ده بيكون في حالة انك داخل شارع ضيق جدا او بتضير في مكان ضيق او داخل في مسافة صغيرة بين عربيتين مثلا او بتاخد يوتيرن على قد عربيتك بالظبط وعايز تجيبها من اول مرة ....

غير كدة طول مانت على الطريق انت محتاج تركز على الطريق وعلى الجوانب ومالكش دعوة بالكبوت خالص واحساسك بنهاية العربية هتاخد عليه في ظرف 3 دقايق وهتظبط فراملك ونظرك عليه من غير ما تبقى شايفه طول الوقت

ممتااااااااااااااااز جدااااااااااااا

انا بعمل حاجه مختلفه شويه علشان اتفادى الموضوع ده اتعلمتها للاسف من سواق ميكوباص اللى كان ببوصلنا من الشغل للبيت كان بيمش على الدائرى من المعادى الى نزلة الوراق بينقل عشرات المرات من اقصى اليمين الى الشمال ازاى بقى وهو قاعد على الكرسى بيقدم نفسه شويه بيشب يعنى ويبص فى المرايا نظره سريعه بتكشف ليها تماما جنب السيارة وانا جربتها ونفعت معايا وبغض النظر انىها صح او غلط انما ماديه الغرض معايا