الموضوع: بنزين جديد (85) سعر اللتر 125 قرش عايزين نتأكد من الخبر ده

يا واقعه مربربه
الواحد على كده يحول غاز او يشوف الاختراعات الى عاملين يقولو عنها ( موتور بيشتغل بالهواء المضعوط - موتور بيشتغل بالمايه ) اهو الواحد بدل ما يفول بنزين ممكن يشوفولو موتور من الى بيشتغلو بعصير القصب حتى
ايه يا جماعه الى بتقولوه ده بنزين 85 ورفع البنيزين ال 90 و 92 وكلام كبير قوى
انا متهيئلى ان ساعتها كيلو الكاكا هيوصل 25 جنيه علشان تكلفة النقل عليت يا بيه وخد على كده كل حاجه سواء اكل او شرب او اى ماكينه بتشتغل بالبنزين
استرها معانا يا رب
انا من رأيى اننا نقف دقيقه حداد على عربياتنا الى مش هنقدر نسوقها

ربنا يستر ونتمنى أن لا يحدث أى غلاء للبنزين لآن المشكلة الآكبر مش فى غلاء البنزين بل فى أرتفاع الآسعار الجنونى كالعادة ...

دلوقتى بمجرد أن السولار والبنزين علية زحام وقليل ويباع فى السوق السودا لكن متوفرين فى البنزينات بالسعر الرسمى والمواصلات وألميكروباصات زودوا الأجرة ... ما بال لو أسعار البنزين زادت رسميا كل حاجة هتغلى وكل واحد يغلى حتى بياع الجرجير والطماطم بتاع العربية الكرو بحمار يقولك ما البنزين والسولار غلى يا بية ومصاريف النقل والذى منة ... ربنا يعدى الازمات دية على خير ويسترها معانا وما يحصلش نوبة غلاء تانى ...

ربنا يسترها معانا جميعا يا رب