** Vw Golf Gt *** Vs Fiat Bravo Veloce***

http://www.sgcarmart.com/news/review.../44_p1_s_1.jpg
وحشين بمعنى الكلمة !
( ياريت تعذروني علي كبر حجم الصور - بس بجد حرام اضغرهم و حتعرفوا ليه )

بما ان البرافو ال 150 حصان و الجولف ال 140 حصان بقى موجودين في مصر و بقو مملين خلاص و محدش عايزهم ( هاهاهاهاهاهاها )

قلت نشوف مقارنة ..... سخنة شوية ....................... مقارنة .... بجد قعدت افرأ و اشوف كل صورة ..... وانا بموت ....

VW GOLF GT
هي هي الي نزلت عندنا مؤخر الي TSI بس دي النسخة ال 170 حصان بناقل حركة اوتوماتيكي DSG .
محركها 1400 سي سي برده و بيولد عزم 240 نيوتن في المتر و مع وصول معظم العزم عند 1750 لفة .

FIAT BRAVO VELOCE
طبعا كلكو شفتو البرافو ال -TJET ال 150 حصان الي اقل مايقال عنها " شكلا علي الاقل " انها تحفة فنية ......

ارموها في الزبالة ....
ليه ؟

فيات قررت تعمل نسخة اعلي !

طيب ازاي ... ABARTH قامو بالمهمة .

بدل ال 150 .. زود عليهم 35 علشاني انا و خليهم 185
وبدل ال 220 يا عم .. بتوع العزم خليهم علشان خاطري انا 272 نيوتن في المتر عند 3300 لفة مع موصول 85% من عزم المحرك عند كام ؟؟

1750 ؟
1500 ؟
1000 ؟
لأ . من 1500 إلى1750 لفة تاخد حوالي 230 نيوتن في المتر
من نفس المحرك ...


---------------

نسيبنا من كلام المحركات .. من علي الورق طبعا ...

GT

VW GOLF GT
و نروح للشكل !لم تختلف كثيرا عن الجولف العادية باسثناء جنوط مقاس 17 و الجريل الاسود الامامي ذو علامة ال GT
داخليا كراسي جلد طبيعي و طبعا التصميم الالماني الانيق جدا بدون تكلف او فشخرة فاضية و طبعا معمول ليعيش 20 سنة قدام ! فقط في علامة GT علي الدركسيون .

و هنا نختم الفرق بين الجولف و الجولف GT .
http://www.autoexpress.co.uk/images/...o_218841_5.jpg
http://www.sgcarmart.com/news/review...es/44_10_l.jpg

-------------------------------

_------------------------------
FIAT BRAVO VELOCE

الخطوط الايطالية مفيهاش كلام ياجماعة و كلكم اجمعتم علي الكلام ده في المعرض .. صح ؟؟؟

غلط !

فيات زودت BODYKIT كامل للبرافو فيلوسي - و لون واحد فقط هو اسود ملوكي و جنوط 18" سوداء
مع حتة لوجو صغنطوط .. جنب الجنط عليه عقرب كدة .. بيسموه " ABARTH
و كراسي جلد احمر طبيعي .

اسيبكم شوية مع الصور :

http://www.sgcarmart.com/news/reviews/images/44_1_l.jpg


http://www.sgcarmart.com/news/review.../44_p3_s_1.jpg

http://www.sgcarmart.com/news/reviews/images/44_6_l.jpg

http://www.sgcarmart.com/news/reviews/images/44_5_l.jpg

----------------------------------------------

بعد فاصل الوهم ده ...
نرجع مرة تانية للنقطة الاهم .....

مين اسرع ؟؟
بالرغم من عدم توافق الفرص في الطرفين
البرافو اعلي في القدرة الحصانية و العزم ولكنها اقل بكثير في شيء وهو ناقل الحركة ذو الست سرعات المانوال .... و ده ممكن يدخل حسابات كتير اوي ... علي عكس ال DSG الستيبترونيك بتاع الجولف .. الي اسمحولي ان انحني قدام VW بسببه .. فعلا تكنولجيا تثبتلك ان المانوال مبقاش هو الفيصل في السباقات و ان فرق الاحصنة و العزم .. ممكن يتعوض بناقل حركة اقل ماقول عليه انه رهيييييب !

فياتاوية ! متخافوش :)
شباب فولكس - متقلقوش .

النتائج بصراحة مرضية للطرفين . طب ازاي ؟

ياتري مين ...

http://www.sgcarmart.com/news/reviews/images/44_9_l.jpg


http://www.sgcarmart.com/news/review.../44_p2_s_1.jpg

من صفر الي مائة كيلو في الساعة
فيات برافو فيلوسي - 7.64 ثانية
فولكس جولف جي تي - 8.03 ثانية

من 100 الي 180 :
فيات برافو فيلوسي - 10 ثواني
جولف جي تي - 14 ثانية

اقصى سرعة :
برافو فيلوسي 236 كم / ساعة عند 6000 لفة

جولف جي تي 220 كم / ساعة عند 6500 لفة .

--------------

طبعا عرفته ليه اتكلمت عن ال DSG باحترام بالغ ! شوفو الفرق بين المحركات اد ايه .. اتلخص في اجزاء من ثانية بسبب ناقل مانوال و ناقل DSG .

يعني الجي تي بدون ال DSG كان ممكن تفرق فيها ثانية او اكثر كمان .

فعلا تحية ل VW !
نيجي لفيات .. المقارنة شبه مش عادلة علشان في ناقل DUALLOGIC نزل من فيات وهو نفس فكرة ال DSG و كان حيغير كتير في النتائج .

بس ارجع و اقول .. فيات ادركت كدة كويس و علشان كدة زودت العزم و القدرة الحصانية علشان تعوض .

ناهيك عن الاداء المحركاتي
السيارتين ثابتتين مثل الاسمنت بتفوق للجولف في راحة الركاب ( السيارة الهاتشباك رقم واحد مش من هواء ) .

وفي اخر الاختبار في موقع .. احتارو بين اختيار السيارتين للأسباب

الجولف اقرب للسيارة الكاملة في كل شيء و اداء مماثل بقصور كبير في الشكل الخارجي و سعر عالي جدا .

البرافو اقرب للسيارة الرياضية من الكاملة و في لبعض الاحيان يطغوا طابع Abarth علي الراحة . لكنها افضل شكلا و اداءا و ارخص سعرا .

و سابوا القرار لك .. عزيزي الشاري :)

--------

نشكر حسن قرائتكم و نعتذر عن توقف دقات قلبكم لدقائق ... ارجو التنفس بانتظام و غلق هذا الموضوع نهائيا :)

الموضوع من ترجمتي لموقع sgcarmart و تعليقي عليه
بالاضافة الي معلومات اضافية من بعض المواقع الاخرى

الصور من موقع sgcarmart- و للأسف مفيش صور اكتر للجولف ( مش تحيز والله ) .

اخد نفسي بقه .........

بص يا عم كريم ............

جولف بس بصراحة العقرب و الانتيريور بتاع البرافو تحححححححححفة

تصليح بسيط يا جماعة :)

استحالة تكون البرافو بتولد 230 نيوتن عند 500 لفة علشان اكيد العربية مش حبتقى دايرة ساعتها !

انا نسيت 1 قبلها :)
هي 230 نيوتن عند
1500 - 1750 نيوتن :)
( ارجو التعديل من المشرفين )

شكرا لهشام عبد المجيد للتوضيح .

---

و علشان الغلطة دي :

خد عندك فيديو الاختبار :
http://www.sgcarmart.com/news/review...%20320x240.swf

موضوع هايل ...ألف شكر يا باشا
أكتر حاجة تناسب الموضوع ده أغنية قديمة لصباح ....الاتنين حلوين الاتنين طعمين محتار اشيل مين جوا عيوني :)
أعتقد أن ناقل الحركة ال-dsg هو المستخدم في النيسان Gtr مش كده ؟

ايه الكلام ده
ايييييييييييييه ده كله اييييييييييييه ده كله
الاتنين تحف
بس انا بحب البرافو اكتر

واحد برافو فيلوسي و صلحه بعد اذنك....

طب انا بحلم بالبرافو العادية ام 125000....تيجي انت و تفقعني بالبلوة المنيلة دي؟

موضوع خرافي..
تسلم ايدك يا كيمو..
هي فعلا البرافو كانت كلمة واحدة بس هي تعليق كل اللي شاقفوها من اصحابي في المعرض اللي فات..
"برافو"
بس كده.. و الجولف اكيد مفيش عليها كلام..

يا أستاذ كريبتون الدى سى جى ملوش دعوة بالتسارع, هو تسارعه ممكن يكون قريب بعض الشىء من الفتيس المانيوال, هو أسرع من الأوتوماتيك التقليدى لكنه ليس أسرع من المانيوال.
الدى سى جى هى علبة تروس يدوية لكن النقل يتم اوتوماتيكيا بواسطة عتلة أو أزرار, و لا الدى سى جى و لا الديوال لوجيك يمكنه أن يتفوق على العلبة المانيوال التقليدية.
و يبدو أن محرر الموضوع تجاهل الوزن تماما, و أعتقد ان الوزن هو سر الفرق فى التسارع و ليس الدى سى جى.
يبلغ وزن الجولف جى تى حوالى 1340 كيلو و هو وزن ثقيل نسبيا.

http://en.wikipedia.org/wiki/Special...=golf+gt&go=Go

أما الفيات برافو فيبلغ وزن النسخة العادية المزودة بمحرك بنزين حوالى 1205 كغ.
و هذا هو السبب فى فرق التسارع بينها و بين الجولف, لأن علبة التروس لن تحدث كل هذا الفرق.
و هو ما يعكس خبرة فيات بصنع سيارة رياضية خفيفة الوزن, عكس فولكس التى تفتقد للخبرة اللازمة فى هذا المجال, مما أدى الى خروج الوزن عن السيطرة لو جاز التعبير.

فيديو يوضح الفارق بين الDSG و المانوال العادي:
http://www.youtube.com/watch?v=gmMNRQ1GJ3o

شكرا يا جماعه علي الاهتمام الكبير ده..
معلومات مفيدة..
منكم نستفيد..

اقتباس:

---

المشاركة الأصلية كتبت بواسطة Chicco

أعتقد أن ناقل الحركة ال-dsg هو المستخدم في النيسان Gtr مش كده ؟

---

ما هو عشان كده أنا بسأل .....ملحمة الدراما اليونانية قصدي اليابانية بتاعة النيسان GTR ما خلصتش ..... و سبحان الله فادي باشا تدخل أهو ......بس فيديو هايل يا نادر باشا .....الغريب إن سواقين الجولف يابانيين ...طبعا فادي باشا مش حيصدقهم .....فينك يا برو باشا :)

موضوع هايل يا كريم
بس هاقولك جملة صغنطوطة

نحن نثق فى ارقام ال VW :winkiss:..... ولا نثق فى مفاجآت الفيات :no4:

اقتباس:

---

المشاركة الأصلية كتبت بواسطة SEATLOVER

موضوع هايل يا كريم
بس هاقولك جملة صغنطوطة

نحن نثق فى ارقام ال VW :winkiss:..... ولا نثق فى مفاجآت الفيات :no4:

---

شكر يا سيات بس الي انت قلته بالظبط هو بالظبط لماذا يعشق الناس و انا بالذات السيارات الايطالية بالرغم من عدم كونها افضل او احسن السيارات في فئتها و تفضيلها علي مثيلاتها الالمانية الفائقة و لكن الرتيدة .

انا بعشق المقاجئات :)

اقتباس:

---

المشاركة الأصلية كتبت بواسطة CryptonX

الرتيدة

---

يا نهارررر .. جبتها منين دى
دى يعنى اية دى يا كريم ؟؟:fool:

السلام عليكم ..
بالنسبة للفيات إبتداء من البونتو الجديدة فهي إتعدلت بتعمل تكنولوجيا و تصميمات جميلة .
و فيات أنا متوقعلها إنها تتقدم و تثبت أقدامها في السوق لأنها بدأت بجد الشغل ..
بس مش العربيات الفيات بتسخن بسرعة .. ؟!
و بمناسبة الأرقام و أنا بتفرج على البرافو في ال SHOW ROOM اللي في الدقي فمسؤول المبيعات هناك قالي إن سرعتها القصوى 240 كلم / ساعة قلت في سري يا راجل :)

من كتر العربيات اللي بتعملها كل الشركات كبديلة للجولف

جوهرة فولكس

اعتقد اعلانات فولكس بعد كده هتكون

لا جولف إلا جولف

برافو برافو برافو عليك يا كريم http://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة SEATLOVER

موضوع هايل يا كريم
بس هاقولك جملة صغنطوطة

نحن نثق فى ارقام ال VW :winkiss:..... ولا نثق فى مفاجآت الفيات :no4:

---

:)ده على اساس ان فيات بتفبرك الارقام .........
طيب الفيديو موضح ان البرافو طلعت من الجولف ال DSG ....
والفيديو الى حاطه نادر بيوضح ان الاسترا والميجان ار اس ابطأ من الجولف ....., و الجولف المانيوال ابطأ من الجولف الDSG
يعنى البرافو اسرع منهم كلهم .......:3gears:



انا اثق كل الثقه فى " امكانيات فيات "اكتر مما اثق فى ارقام فولكس http://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة Ahmed Anwer

من كتر العربيات اللي بتعملها كل الشركات كبديلة للجولف

جوهرة فولكس

اعتقد اعلانات فولكس بعد كده هتكون

لا جولف إلا جولف

---

فعلا كل محاولات السعى لارتقاء مرتبة الجولف
هي توضيح و ابراز لقوة هذا الطراز العريق

و مع صمود فولكس خلف طرازها المحبب .......

و الترقي المستمر و التعديلات الحثيثة عليه........

ستبقى جولف

ايقونه الهاتشباك في العالم

بس عموما الفورد فوكاس متصدره مبيعات ال C-segment و اكتر عربيه مفضله فى اوروبا ." مش الجولف " .

اقتباس:

---

المشاركة الأصلية كتبت بواسطة Ahmed Anwer

من كتر العربيات اللي بتعملها كل الشركات كبديلة للجولف

جوهرة فولكس

اعتقد اعلانات فولكس بعد كده هتكون

لا جولف إلا جولف

---

إيه النور ده ......منور بيتك و مطرحك يا جميل :)

اقتباس:

---

المشاركة الأصلية كتبت بواسطة MohabSaeed

بس عموما الفورد فوكاس متصدره مبيعات ال C-segment و اكتر عربيه مفضله فى اوروبا ." مش الجولف " .

---

:) ماهي فولكس استقطبت المهندسين اللي صمموا تعليق الفوكاس (و كانت دي ميزتها على جولف)

جولف ستظل في الصدارة ;)

اقتباس:

---

المشاركة الأصلية كتبت بواسطة MohabSaeed

بس عموما الفورد فوكاس متصدره مبيعات ال C-segment و اكتر عربيه مفضله فى اوروبا ." مش الجولف " .

---

تصحيح ،،

المتصدر في الفئة دي فولكس جولف

http://www3.0zz0.com/2008/06/15/23/823085323.jpg

http://bekker-romero.com/best_sellin...ean_Market.htm

اقتباس:

---

المشاركة الأصلية كتبت بواسطة MohabSaeed

بس عموما الفورد فوكاس متصدره مبيعات ال C-segment و اكتر عربيه مفضله فى اوروبا ." مش الجولف " .

---

تصحيح للمعلومه :) بعد البحث وجدت ان الجولف فى 2007 تصدرت مبيعات الفئه سى فى اوروبا ... الفوكاس كانت متصدره فى 2006 " ... الجولف مابيعاتها ارتفعت و الفوكاس و الاسترا مبيعاتهم انخفضت
جولف 435 الف سياره ب أرتفاع فى المبيعات 4,5 %
فوكاس 406 الف سياره ب انخفاض 7,5 %
استرا 402 الف سياره ب انخفاض 7,9 %

مبروك و عقبال السنادى http://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة Ahmed Anwer

تصحيح ،،

المتصدر في الفئة دي فولكس جولف

http://www3.0zz0.com/2008/06/15/23/823085323.jpg

http://bekker-romero.com/best_sellin...ean_Market.htm

---

شكرا على التصحيح يا استاذ احمد .... انا كتبت التصحيح " بأمانه " قبل ما اشوف البوست بتاعك .

اقتباس:

---

المشاركة الأصلية كتبت بواسطة Chicco

إيه النور ده ......منور بيتك و مطرحك يا جميل :)

---

ده بنورك يا دكتور ،،،

لأ لأ فوكس فعلا تجاوزت جولف

بس اقروا كده ..دي مقتطفات من اللينكات دي


http://auto-future.blogspot.com/2006...tsells-vw.html

The Focus is now the best-selling compact in Europe. It is
the new benchmark, the reference of the compact class. The new king.

This level of engineering means that the new compact drives exceptionally well combining great levels of comfort, handling and safety. In this particular the Focus II is clearly superior to the VW Golf,


هنا فورد فرحانة قوي بانها تعدت جولف في المبيعات في اوروبا فقط

هاجيب بقى جولف عملت ايه

http://www.evo.co.uk/carreviews/evoc...agen_golf.html

Engine details have yet to be confirmed, but VW’s clever 1.4-litre TSI petrol powerplant will lead the way under the bonnet. This unit will come in a choice of 120bhp and 148bhp turbocharged guises, while a 168bhp version is equipped with a turbochar­ger and a supercharger. The hot hatch GTI model will feature an even more powerful 2.0-litre TSI motor.


something the newcomer promises, thanks to a new suspension design that came with the ex-Ford Focus engineers that VW, newly aware of its best-seller's dynamic shortcomings, poached for the purpose.

مع اني مش فاهم حاجه من الكلام الكبير قوي ده
الا انا بشكر كريم علىا لموضوع موضوع اكتر من رائع بدون اي تعصب
بس انا بقى اقول
لا جولف الا الجولف

اقتباس:

---

المشاركة الأصلية كتبت بواسطة Ahmed Samy

لأ لأ فوكس فعلا تجاوزت جولف

بس اقروا كده ..دي مقتطفات من اللينكات دي


http://auto-future.blogspot.com/2006...tsells-vw.html

The Focus is now the best-selling compact in Europe. It is
the new benchmark, the reference of the compact class. The new king.

This level of engineering means that the new compact drives exceptionally well combining great levels of comfort, handling and safety. In this particular the Focus II is clearly superior to the VW Golf,


هنا فورد فرحانة قوي بانها تعدت جولف في المبيعات في اوروبا فقط

هاجيب بقى جولف عملت ايه

http://www.evo.co.uk/carreviews/evoc...agen_golf.html

Engine details have yet to be confirmed, but VW’s clever 1.4-litre TSI petrol powerplant will lead the way under the bonnet. This unit will come in a choice of 120bhp and 148bhp turbocharged guises, while a 168bhp version is equipped with a turbochar­ger and a supercharger. The hot hatch GTI model will feature an even more powerful 2.0-litre TSI motor.


something the newcomer promises, thanks to a new suspension design that came with the ex-Ford Focus engineers that VW, newly aware of its best-seller's dynamic shortcomings, poached for the purpose.

---

يا دكتور الفوكاس تصدرت في 2006

و بفرق الف سيارة فقط

و علي فكرة سنتها المتصدرة كمان كانت الفوكسهول-اوبل استرا مش الفوكاس

http://cars.uk.msn.com/News/Top_ten_...mentid=2620300

و رجعت جولف تصدرت في 2007

زي الجدول اللي جبته

اقتباس:

---

المشاركة الأصلية كتبت بواسطة MohabSaeed

شكرا على التصحيح يا استاذ احمد .... انا كتبت التصحيح " بأمانه " قبل ما اشوف البوست بتاعك .

---

و لا يهمك يا أ / مهاب ،،

اللي نفسي بقه حد يفهمولي ،،

لسته أفضل عشر سيارات مبيعا في اوروبا كلها هاتشباك !!!!!

مفيش غير الباسات و البي ام 3 علي استحياء و في اخر اللسته خالص

نفسي تفسير علمي لإرتباط الأوربيين بالهاتشباك بالطريقة دي

مش معقول اوروبا كلها شباب في الجامعة و بنات :oops:

اقتباس:

---

المشاركة الأصلية كتبت بواسطة SEATLOVER

يا نهارررر .. جبتها منين دى
دى يعنى اية دى يا كريم ؟؟:fool:

---

قصدي في تصمماتها .. ( فولكسفاجن ) بحسها " رتيدة " يعني في راي بتخافظ علي حاجات كتير اوي في تصميماتها ... ( الالماني عامة ) مش ثورية زي التصميمات الايطالية و يليها الفرنسية .

بص بصة علي الجولف الحالية و الجولف الي قبلها .. طبعا تطورت .. بس تحس انهم بيعملوا MESHSMOOTH للشكل القديم مش حاجة تورية ...

ملخش الكلام .

انا بحترم VW - بس لن اتنازل عن مفاجات فيات :)

انت معماري زي و عارف .. انا عمري ماكنت حشتري باليو ... لكن في الفئة بتاعت السعر دي ( ساعتها في 2006 ) مكانش قدامي غير الفرنا و الانوس او البوينتر
او اتجه الي الصيني ..

و لما شفت اعلان الباليو في الجرائد .. رحت من غير سؤال علي اي حاجة و لا قطع غيار و لا ولا ولا ..
بعد ماجربت الفرنا و الانوس و الشيري ... ركبت الباليو ...

طبعا لا هي شيك من جوة و لا هي فيه مميزات او اضافات اصلا .. ( دي كانت حتى من غير كاسيت ) بس معرفش ليه اول لما ركبت و قفلت الباب .. قلت هي دي سيارتي !

نزلت من السيارة حجزت ب 1000 جنيه واستلمت بعدها باسبوعين :)

و جنبها في نفس الموزع كانت البوينتر او الجول و هي المنافس التفليدي لها في نفس البلد " البرازيل " - تقريبا بنفس كل المواصفات و الكماليات ماعدا موتور 1600 . و كعادة فولكس فاجن كانت اغلي 6000 جنيه تقريبا .

ركبت فيها ... عجبتني بصراحة ... بس لم اقتنع . ركبت بعدها البولو .... حسيت ان في فرق طبعا بين الفئة دي و الفئة دي .. بس برده لم ارتاح نفسيا ...


استملت سيارتي و مقدرش اقول اني كنت موفق 100% في الاختيار و لا ندمان 100% ... ( مفاجئات بقى :) )

و جت فترات كنت ناوي ابيعها فعلا .. لكن معرفش .. فيه ارتباط كدة ... مش عارف اوصفهولك :)

اقتباس:

---

المشاركة الأصلية كتبت بواسطة Ahmed Anwer

يا دكتور الفوكاس تصدرت في 2006

و بفرق الف سيارة فقط

و علي فكرة سنتها المتصدرة كمان كانت الفوكسهول-اوبل استرا مش الفوكاس

http://cars.uk.msn.com/News/Top_ten_...mentid=2620300

و رجعت جولف تصدرت في 2007

زي الجدول اللي جبته



و لا يهمك يا أ / مهاب ،،

اللي نفسي بقه حد يفهمولي ،،

لسته أفضل عشر سيارات مبيعا في اوروبا كلها هاتشباك !!!!!

مفيش غير الباسات و البي ام 3 علي استحياء و في اخر اللسته خالص

نفسي تفسير علمي لإرتباط الأوربيين بالهاتشباك بالطريقة دي

مش معقول اوروبا كلها شباب في الجامعة و بنات :oops:

---

مش فكره شباب فى الجامعه ... هيه ديه الفئه المفضله لجميع الفئات فى اوروبا رقم 2 الاستيشن . السيدان مش مفضل اوى و بيبدأ من فئه ال D- segment . زى الفئه التالته وال 159 و الباسات و الA4 .
يعنى فئات السى الى عندنا سيدان زى الكورولا و السيفيك و الميجان ........... كلهم هناك هاتش باك فقط
الاوروبين بيبصو رقم 1 على العمليه .
+ ان 55 % من الاوروبين بيفضلو سيارات الديزل . لتوفيره فى استهلاك الوقود عن البنزين .

مصر بس الى فيها لو حد اشترى عربيه هاتشباك يبقى رمى فلوسه فى الارض :) اساسا احنا الطرق عندنا مش مستحمله.... اخيرنا برادوا كليسا .
بس هيه كل بلد وليها طباع وثقافه شرائيه معينه
زى طبعا اخوانا الخلايجه الى عندهم حب " الفشخره " و مش بيشترو غير ال 4*4 ؟؟؟ مع ان الطرق عندهم تقارن وتتفوق على طرق اوروبا !!!!!! ومش محتاجه العربيات ديه !

اقتباس:

---

المشاركة الأصلية كتبت بواسطة Ahmed Anwer

يا دكتور الفوكاس تصدرت في 2006

و بفرق الف سيارة فقط

و علي فكرة سنتها المتصدرة كمان كانت الفوكسهول-اوبل استرا مش الفوكاس

http://cars.uk.msn.com/News/Top_ten_...mentid=2620300

و رجعت جولف تصدرت في 2007

زي الجدول اللي جبته



و لا يهمك يا أ / مهاب ،،

اللي نفسي بقه حد يفهمولي ،،

لسته أفضل عشر سيارات مبيعا في اوروبا كلها هاتشباك !!!!!

مفيش غير الباسات و البي ام 3 علي استحياء و في اخر اللسته خالص

نفسي تفسير علمي لإرتباط الأوربيين بالهاتشباك بالطريقة دي

مش معقول اوروبا كلها شباب في الجامعة و بنات :oops:

---

الأسباب الرئيسية إن البنزين غالي في أوروبا فعايزين عربيات صغيرة و إقتصادية (نفس السبب اللي مخلي محركات الديزل منتشرة في أوروبا عن أي حتة تانية ) تاني حاجة الشوارع في كتير من مدن أوروبا ضيقة ....كمان المسافات مش كبيرة جوا البلاد نفسها ( و لو ناويين على سفر غالبا بتبقى في عربية تانية )....و كمان أماكن الركن صعبة
لو الناس عمليين يبقى الهاتشباك هو الحل المثالي
أمريكا الشمالية مختلفة تماما ..بس فيه مؤشرات قوية إن السوق حيتغير جامد الكام سنة اللي جايين إن شاء الله :)

لأ معلش انا خلاص اتوهمت بالبرافو بجد حراااااااام على فيات تححححححححححححفة

و انا شايف انها كدة تضرب الجولف حتى فى الشكل الخارجى و الداخلى و الأداء !

اقتباس:

---

المشاركة الأصلية كتبت بواسطة MohabSaeed

:)ده على اساس ان فيات بتفبرك الارقام .........

---

احنا لا نثق فى مفاجأت فيات مش عشان بتفبرك الارقام ...لا طبعاً فيات شركة عريقة و مابتعملش الاسلوب دة
احنا بس لا نثق فى مفاجأتها على الطريق :)

اقتباس:

---

المشاركة الأصلية كتبت بواسطة CryptonX

قصدي في تصمماتها .. ( فولكسفاجن ) بحسها " رتيدة " يعني في راي بتخافظ علي حاجات كتير اوي في تصميماتها ... ( الالماني عامة ) مش ثورية

---

معاك حق طبعاً يا كريم فى كل كلامك وانا متفق معاك تماماً ومتفهم وجهة نظرك جداً
بس عشان فولكس واجن عندها جناح السيات
فى الشبح الرياضى (ليــــــــــــــــــون)

اقتباس:

---

المشاركة الأصلية كتبت بواسطة SEATLOVER

احنا لا نثق فى مفاجأت فيات مش عشان بتفبرك الارقام ...لا طبعاً فيات شركة عريقة و مابتعملش الاسلوب دة
احنا بس لا نثق فى مفاجأتها على الطريق :)




معاك حق طبعاً يا كريم فى كل كلامك وانا متفق معاك تماماً ومتفهم وجهة نظرك جداً
بس عشان فولكس واجن عندها جناح السيات
فى الشبح الرياضى (ليــــــــــــــــــون)

---

منا عارف - انا بتكلم علي فولكس فاجن شخصيا مش اخواتها :)

حتى الاودي ( الفئات الصغيرة ) الA3 / A4 مش شايف تغييرات جزرية في تصميماتهم .

و اذا كنت لا تثق في مفاجئات فيات علي الطريق :)

فثق في الخبر ده من Autoblog
VW تستدعي 400.000 سيارة PASSAT عالميا ! ( موديل 2008 )
ليه ؟ مشكلة في الموتور الFSI . انه لما بتشغل التكيف .. ساعات بيعمل Acceleration لواحده تقوم لابس في الي قدامك :)

ايه يا عم كريم الحلاوه دى :)
تسلم ايدك ياجميل...وانا كده وللا كده هختار البرافو...لان زى منتوا عارفين انا بكره الالمانى كره العمى (محدش يضرب) :)

اقتباس:

---

المشاركة الأصلية كتبت بواسطة FLYINGPEUGEOT

ايه يا عم كريم الحلاوه دى :)
تسلم ايدك ياجميل...وانا كده وللا كده هختار البرافو...لان زى منتوا عارفين انا بكره الالمانى كره العمى (محدش يضرب) :)

---

يا باشا انت تختار الي تختاره و كلنا نختار زيك علطول .. :)

الف الف شكرر على المواضيع الجامدة دى
بس انتا متأكدد ان الجولف الى فى الصورة دى هيا الى نازلالنا من كام يوم؟؟؟
يعنى الشبكة والجنوط وكدا??
هيا الى نازلة مصر اسمهاا Gt ?
وسعرها كام؟؟؟
معلش اسألتى كتيير بس اعذرنى لأنى اتجننت وبفكر اغير:)

انامش عارف هي الي نزلت مصر من كام يوم ولا لأ.
ولو اني متوقع ان اللي نزلت مصر نفس الشكل القديم.. بس بالموتور الجديد..
و اكيد مش هي الجي تي..
الجي تي اعلي موديلات الجولف. و اكيد مش هتنزل مصر خالص.
عشان لو نزلت ممكن تلاقيها ب300 الف مثلا ولا حاجة.. و محدش هيبصلها طبعا..
اما اللي موجوده حاليا فمش عارف بصراحة سعرها كام..

موضوع جميل اوي يا كريم
تسلم يا رب
و ما تحرمناش من الحاجات الحلوه دي

اقتباس:

---

و اذا كنت لا تثق في مفاجئات فيات علي الطريق :)

فثق في الخبر ده من Autoblog
VW تستدعي 400.000 سيارة PASSAT عالميا ! ( موديل 2008 )
ليه ؟ مشكلة في الموتور الFSI . انه لما بتشغل التكيف .. ساعات بيعمل Acceleration لواحده تقوم لابس

---

ياااااااااااااااااه
معقول الفولكس (الالماني;) ) تعمل كده
لا لا لا مش مصدق يا راجل قول حاجه تانيه هههههههههه
يعني ممكن نعاملها زي ال 127 لو اتركب ليها تكييف علي راي سبعاوي
(يا تمشي بالعربيه يا تشغل التكييف) هاهاهاهاهاهاهاهاهاها

الألمانى واخد سمعته أساسا من المرسيدس, و ده الخطأ الى بيقع فيه أغلب الناس.
ليس كل مصنع يقع فى نطاق الحدود الألمانية يبقى مرسيدس!!!
فولكس ليست بجودة المرسيدس و لا حتى ربع جودة المرسيدس.
و لا أوبل, و لا اودى و لا أى شركة تقع فى المانيا تقترب من مرسيدس فى شىء.