طلعت علي حجر كبييييييييير

**Manchestrawy** · 22-05-2012 07:54 PM

كل الي قالولك عليه مهم ولازم تعمله باسرع وقت .. ومتنساش تقولهم يكشفولك على فرده الشاسيه الشمال لان ممكن تكون هيا السبب لاني طلعت على حجر والفرده دي اتعوجت وفضلت مجنناااني ومجننه كل الميكانيكيه لحد ما اكتشتفها سمكري وتكلفه اصلاحها في التوكيل كانت 1800 جنيه لاهميتها .. فنصيحه متنساش تفحصها ..

**Sehsss** · 22-05-2012 08:01 PM

قدر الله وما شاء فعل، وإن شاء الله هاتبقى بسيطة

**Hmatchy** · 22-05-2012 10:17 PM

ربط العفشة و اكشف على حاجة اسمها البيض بتاع الدركسيون و رصص العجلة اللى اتخبطت
لان نفس الحكايه حصلت معايا فى العربية لما طرت بيها نتيجة طوب و رمل دخلت بيهم بنفس سرعتك كده
و ان شاء الله بسيطة

**Sehsss** · 22-05-2012 10:57 PM

المشاركة الأصلية كتبت بواسطة superhano

100000000000 شكر يا اجدع رجالة علي اهتمامكم ونصيحتكم
انا انهاردة روحت فكس اند فت كالتكس عباس العقاد وطلبت الكشف علي الجنط وللاسف لقينا فية خبطة في العصب, فطلبط منهم استبداله بجنط الاستبن, وكشفت كمان عندهم علي الزاويا وللاسف قالي عندي 1سم لوحة في الجنط اليمين لفوق وده يتطلب الذهاب الي ورشة اسمها سمير وعلي في الحرفيين لاستعدالة بالزرجينة للاسف,وقالي كمان علي ورشة ثانية في مدينة نصر - الحي السادس- عند قسم ثان اسمها اشرفكوا لاستعدال الجنط المخبوط.
وانا ان جيتم للحق بفكر اروح السبع يظبطولي موضوع الزوايا دية

قولولي اية رايكم
ربنا يستر طريقكم وينجيكم
شكراًخزيلاً

أنا رأيي بالنسبة للزوايا تروح التوكيل، ويفضل أوتو إجيبت علشان جهاز الزوايا هناك محترم جدا وأنا مجربه وأشرفكو ممتااااااز في استعدال الجنوط

**Youssef.Awad** · 24-05-2012 02:53 PM

الف سلامة عليك والحمد لله انها جت على قد كده
وبينى وبينك انا اتعرضت لكذا موقف زى اللى اتعرضتله ده لأنى كنت باسافر كتير بعربيتى الصنى 2010 وكل مرة كنت باحمد ربنا انى راكب نيسان لأنها لو كانت عربية تانية ما كنتش اتخيل انها تستحمل
على فكرة العربية دى احلى عربية ممكن تسافر بيها مسافات طويلة وانت مطمن وآمن على نفسك فيها .. فى فئتها طبعا سواء سعرا او حجما