الموضوع: محتاج مساعده في سيات ابيزا ٢٠٠١ ضروري

علي فكرة الأسعار بتختلف من وقت لأخر و خاصة بسبب الظروف التي تمر بها مصر فالأسعار سواء للجديد او الاستيراد زادت شويتين لكن هحاول اقلك قدر المستطاع

المشاركة الأصلية كتبت بواسطة mahmoudayman

كان في صوره فيها اسعار اغلب قطع غيار سيات ابيزا ٢٠٠١
لو مش عند حد ياريت حد يرد عليا انا محتاج
١-فانوس خلفي يمين من غير جزء الشابوره
يعمل في حدود 100 الي 120 استيراد
٢-عندي صوت هبد في العجله اليمين ورا مش عارف دا من ايه
ممكن يكون المساعد ناشف او جلبة الدونجل تاكله محتاجه تكشف عند عفشجي يشفلك فيها ايه
٣-اسعار السيور
سير كاتينه 90 جنيه و سير دينامو و تكييف 70 جنيه
٤-سعر سلوك البوجيهات
مش عارف بس تعملها لو ألماني حوالي 250 او اكتر مش عارف حاول تنزل تاخد لفة في الحرفيين عشان تعرف عنها كل حاجه
٥-استار الفلاتر
فلتر زيت 30 جنيه اتحاد اوروبي و فلتر هواء 90 جنيه و فلتر بنزين 50 جنيه
٦-سعر فانوس شابوره امامي
مافيش فوانيس بالواحد لازم تشتري الجوز و ان كان اليمين هو اللي بايظ (وده المعتاد) يبقي زي ما قلتلك لازم تشتري الجوز و تقريبا ب 250 الجوز
معلش انا عارف اني تاعبكو معايا بس انا لسه شاريها من اسبوع و عايز اخاليها رولز رويس و احسن منها

الف مبروك عليك العربية و أهلا بيك في نايل موتورز حبيب الملايين
و بالتوفيق ان شاء الله و لو احتجت اي شيء اسأل و احنا تحت امرك قدر المستطاع و لوجه الله عز وجل

والله التسقيط ده بيختلف من عربية لأخري و لكن مشكلتك ان عربيتك لو مش مجهزة للتكييف يعني لو مافيهاش سربنتينه او ثلاجه داخلية بمواسيرها لحد ما نخرج بره عند الموتور يبقي انت هتحتاج فك التابلوه و فتحة في الصدر و قصص كتير مكلفه لكن علي العموم لو العربية حالتها حلوه عموما و تستاهل تكلف عليها يبقي حضرتك أفضلك تشتري نصف عربية امامي كامل بتكييفه و موتوره و ضفيرته و كل حاجه و تنقله في عربيتك و ده أفضل حل ليك عشان تحصل علي شغل مضبوط بأقل تكلفة غير كده هتقرف نفسك علي الفاضي

انا بحب دايما العربية ميتلعبش فيها او الصنايعيه يعكو فيها و لكن لو انت عندك استعداد لكده براحتك انا بعت الابيزا 98 عشان مكنش فيها كماليات و اشتريت كوردوبا 2002 كاملة بكل شيء عشان اريح نفسي

تكلفة النص هتكون في حدود 8 الي 10 الاف
خل بالك ان تسقيط موتور كامل لواحده بيوصل الي 6 او 7 و كمان التكييف مش اقل من ثلاثة الاف و نصف عشان تفكه من عربية اوريجينال و بتاعها مش شغل عك

يعني القصة فيها كلام كتير انت لما نعمل المقابلة القادمة تيجي نتعرف عليك وانا أحكيلك كل تفاصيل هذا الموضوع لأنه فيه كلام كتير و تجارب و خبرات سابقه فأحسن الكلام يكون علي الطبيعة عشان تبقي علي نور و عشان نتعرف عليك ههههههههههه
عمال بدعي للمقابلة و لسه محددناش حاجه

اه نسيت أقلك ان المواتير كتير من اول 1400 8 فالف الي 1400 16 فالف الي 1600 8 فالف و دول في منهم هورس باور من 60 حصان حتي 75 حصان للعادي و فيه منها 100 حصان و ده قليل
لكن المحرك ال 1600 8 فالف 75 حصان كويس و عزمة كويس و مناسب للعربية و مش هيكلفك كتير ان شاء الله يعني في حدود مانا قلتلك فوق

المشاركة الأصلية كتبت بواسطة mahmoudayman

ربنا يخاليك يا باشا و الف شكر علي المساعده و انا في انتظار المقابله بس انا من اسكندريه و لسه في كليه لو المقابله مش في وقت امتحانات ان شاء الله هاتشرف بمعرفتكم

ان شاء الله ربنا يسهلها علينا جميعا و يوفقك لما يحبه و يرضاه

المشاركة الأصلية كتبت بواسطة Ahmed Mubarak

السلام عليكم

فانوس الشبورة اللى حضرتك عاوزة يمين ولا شمال