الموضوع: ميجاناتكم عملوا اية فى الحر انهاردة يا شباب .. ياريت المشاركة

المشاركة الأصلية كتبت بواسطة shawkylotfy

انهاردة فى الاسكندرية الحرارة كانت 42 اثناء الوقوف و39 اثناء الجر على 120 مثلا
ياريت كل واحد عاش اليوم المرير دة اثناء الظهر بالميجان يقولنا العربية كانت معاة عملة اية من حيث
1. اداء التكيف (ههههه محدش يضحك).
2. حرارة السيارة
3. استجابة مقلات الفتيس الاوتو

عن نفسى التكييف كان ملوش لازمة بس يعنى مرطب شوية يادوب واثناء الجرى شغال تمام هوا cool but not really cold
الفتيس نقلاتة طبيعية
وحرارة السيارة فى النص على طول

اداء التكييف جيد لكن مش ممتاز
( مقارنة بسيراتو ) لو السيراتو 9/10 تبقى ميجان 6/10
حرارة السيارة عادية فى النص
استجابة نقلات الفتيس عادية اللى بيفرق فى القصة دى اكتر و بحسه اكتر
نوعية البنزين اللى بتحطه لو من بنزينة نضيفة بتلاقيه بيقعد و العربية بترتاح
ساعات بحط من بنزينة معينة كدا و بكون مضطر بيبقى كل حاجة فى العربية اضعف رغم ان كله بنزين 92

التكييف كان زى قلته و مع المشى بيبرد شويه
الجو فعلا كان فظيع بمعنى الكلمة و عدى ال 42 كمان و انا كنت مشغل التكييف على 15 و على اعلى سرعة الساعة 2 و كان يا دوب بحس انه بيطلع هواء يلطف الجو شويه و الحرارة كانت معظم الوقت على النص بس عملت حاجة غريبة شويه انها كانت ساعات بترفع شويه عن النص يعنى تعديه بحاجة بسيطه لكن مش بتوصل للشرطة اللى بعدها و مكنتش بطفى التكييف و كانت بترجع تانى للنص و معملتهاش كتير حوالى 4 مرات بس درجة حرارة الجو بره كانت حوالى 44 لما كانت بترفع على حسب الشاشة اللى جايبه درجة الحرارة جوه

اليوم كان صعب أوي فعلا بس الحمدلله التكييف كان مقبول إلى حد كبير والحرارة كانت على النصف أو أقل بدرجة لا تذكر، يعني كانت بين الطبيعي والنصف

بس أنا من أسبوعين كان عندي مشكلة فراجعت على الفريون ونضفت الفلتر وغسلت السربنتينة