الموضوع: رسالة هامة لكل خبراء رينو ميجان

1- الصيانة فيه ناس كتير ممكن تعملها..........و أنا عن نفسى و ده رأي شخصى شايف أن أى ميكانيكى فاهم ميكانيكا مش فاهم رينو يقدر يعمل صيانة للعربية بدون أى مشاكل.

2- راجع أخر صفحتين تلاتة فى القسم هتلاقى موضوع أو أتنين عن ناس غيرت حاجات فى العربية قريب...........شوف الأسعار و قارن بنفسك.

3- كل موجيلات ميجان 2 بتشتغل بالكارت

4- لا أعتقد.........و كمان لا أعتقد أن موديل 2008 و حالة نضيفة هتكون بالسعر ده.

5- السؤال مش واضح.........يعنى أيه مش قادر يصرف على العربية ؟
العربية كان فيها أيه ؟

أنا هديك شوية أمثلة سريعة على قد ما أفتكر الأسعار.
كويلات من 150 لحد 450 جم للكويل الواحد..........صينى تركى أوروبى.
تيل أمامى ريمسا أسبانى فى حدود 150 إلى 180 جم و الخلفى فى نفس الحدود إن مكانش أرخص.
طنابير امامية فى حدود 400 أو 450 ريمسا أسبانى.
تيش ميزان فى حدود 150 جم للأتنين........و كان تركى غالباً.
مساعدين أمامى بس مش فاكر النوع بالظبط بس هو كان نوع معروف يا مونرو يا Kyb فى حدود 700 إلى 800 جم.

الأسعار اللى أنا كتبتها أسعار برة التوكيل............فى التوكيل بيبقى على الأقل الضعف.


نصيحة لوجه الله..............بلاش سوق السيارات خالص حتى لو هتشترى توكتوك

و فى الميجان بلاش تسترخص.........علشان لو جبتها مشنة هتكرهك فى الدنيا.

أنا من كام سنة لقيت إعلان غالباً على كونتاكت أو كار 100 100 و كانت موديل 2006 ( الكلام ده فى 2009 غالباً )........لقيت الراجل عارضها على حاجة و 50 ألف......أتصلت بيه و سألته..........العربية أخبارها أيه قالى تمام و زى الفل.......قولتله طيب كويس......بس يا ريت لو فيها حاجة تقولى.......أنا كان معايا واحدة وبعتها علشان سافرت و دلوقتى عاوز أشترى واحدة تانية.......و عارف العربية حتة حتة.......
رده كان كالتالى........هى العربية كويسة و زى الفل و كل حاجة شغالة بس العربية مغيرة ربع خلفى !!!!!!!!!!!