الموضوع: اعضاء كيا الكرام ... مطلوب ترشيح منسق للقسم - مطلوب المشاركة من الجميع

المشاركة الأصلية كتبت بواسطة moha4tec

مشكوره جدا على الرد السريع .
و فى اعضاء تانيين كتير و مناسبن جدا .
عندك مثلا المهندس محمد رشدى .راجل فاهم جدا و بيتحرك برا المنتدى كتير .و خدوم جدا و محترم جدا .و اتعاملت معاه مره و كانت ممتازه .و عنده خبره كويسه جدا جدا بالعربيات .
و بالنسبه لاخوانى فى المنتدى و حبايبى اللى اختارونى احب اشكرهم بشده على ثقتهم فى و يا رب اكون عند حسن ظنهم .
و عندى اقتراح جميل جدا جدا و اعتقد انه ممكن يناسب الفتره الجايه و بيه ينشط القسم من تانى و يبقى احسن من زمان باذن الله .
نرشح المهندس محمد رشدى يبقى مساعد منسق و انا مساعد منسق زى ما انا و ترشجوا الاستاذ احمد اسماعيل يمسك لفتره منسق القسم او اى حد عنده خبره قديمه بمهمة المساعد و مع الوقت نتدرب انا و محمد رشدى على دور المنسق و اللى يجهز الاول يترشح لمنسق القسم .
و فى خلال الفتره دى نقسم مهام مساعد المنسق علينا احنا الاتنين .و هنعمل مواضيع مصوره و فيديو و شغل كبير باذن الله .
بمعنى ممكن نقسم المهام حسب نقاط القوى لكل واحد فينا . يعنى مثلا المهندس محمد رشدى يكون فى القسم الفنى و الميكانيكا و الزيوت و الصيانات و كده .و انا فى التعديل و الاضافات + اى حاجه تانيه اعرفها هعمل بيها مواضيع . و الاستاذ حسام اوبتراوى منسق مساعد معانا بمواضيعه المميزه معانا .و تتجمع فيه حجات كتير و شروط كتير . و ياسر الصياد اظن وقته ممكن يسمحله يبقى مساعد بعد الامتحانات بتاعته ما تخلص .

بالمختصر :
1-المهندس احمد اسماعيل يمسك فتره منسق القسم لحد ما نشرب منه الصنعه (هههههههه) هنستغله يعنى .لانه عنده خبره سابقه بالمواضيع دى و يبقى هو الاستشارى و المنسق العام .
2- المهندس حسام اوبتراوى .و مش محتاج اتكلم عنه لانه اشهر من النار على العلم .و مواضيعه و مشاركاته مغرقه النت مش المنتدى فقط على الرغم من كتر سفره .
3- الاستاذ محمد رشدى مساعد منسق و يكلف بمهام معينه و هو قدها بكتير .و يتم تريشيحه بعد فتره للمنسق العام.
4-الاستاذ ياسر الصياد اتمنى وقته يسمح بعد الامتحانات على ما اظن و ممكن اتصل بيه او حضرتك او اى حد من الاداره .و منصب مساعد منسق هو اهل بيه و هو كمان اكبر من المنصب بس هو يرضى .عشان هو مواضيعه تمام جدا و متميزه و جديده جدا .
5-العبد لله اظل مساعد منسق لحين استعدادى و تدريبى ما يكتمل .لان بصراحه مش متخيل نفسى اقدر اسد مكان الاستاذ الفاضل ابو ليلى .و ربنا يكرمه على المجهود العالى فى القسم و اخلاقه العاليه و زوقه و مساعدته للاخرين و مواضيعه اللى كانت بتشد اكبر عدد من المشاهدات و المشاركات .

بمعنى اخر
منسق عام و 3 او اربع مساعدين .
و الاعضاء لو وافقوا هيبقى نهر من المواضيع و المشاركات لا ينتهى باذن الله .
هو اصلا كل واحد منهم متميز و مش محتاج توصيه . و باذن الله قسم كيا يبقى انشط قسم .
مع تحياتى .

و احب اشكر كل العضاء و الزملاء اللى رشحونى و قالوا فى كلام زى الفل و باذن الله اكون عند حسن ظنهم باذن الله
و السلام ختام

الف شكر يامحمد على ذوقك ومجاملتك , انا معاكم فى اى حاجه من غير تنسيق او غيره اى حاجه اقدر اقوم بيها مش هاتأخر ان شاء الله

انا رأيى فى موضوع التنسيق ان مش لازم يكونوا كتير ممكن منسق ومساعد بس , وممكن باقى الاعضاء اللى عايز يساعد من غير القاب مفيش مشكله , المنسق اهم حاجه يكون متابع للقسم يوميا , مش لازم تفرغ تام اكيد كل واحد وراه مشاغله بس يدخل مره يوميا على الاقل , تنظيم المقابلات كل فتره , تنظيم القسم وفرز المواضيع , عمل مواضيع جديده , محاولة الاتفاق على عروض لقسم كيا فى اماكن الصيانه وقطع الغيار والتعديلات وغيره

طبعا كل دا محدش هايقدر يعمله لوحده لازم كل الاعضاء اللى تحب القسم تشارك من غير مايبقى مساعدين منسقين

اللى شايف نفسه يقدر ومتابع للقسم يوميا ويقدر على مهام المنسق يقول واللى الاعضاء تتفق عليه كلنا معاه وبالتوفيق ان شاء الله