الموضوع: كالعادة ... هيونداى i30 الجديدة تحصل على 5 نجوم فى اختبارات الأمان EuroNCAP

المشاركة الأصلية كتبت بواسطة semsem kane

اولا انت بتقول انى مش مقتنع بالاختبارات دية انا بأكد كلامى انا مش مقتنع بحاجة فى الاختبارات دية مش بشكك فيها عموما

يعنى انا كان نفسى تتعمل من سرعة 100

براحتك

انت بتقول ان مش مهم بهدلة العربية المهم الناس اللى جواها طيب ماناس كتير كانت راكبة عربيات واخدة خمس نجوم وطلعت بأصابات منيلة بنيلة لا قدر الله عادى جدا بس السرعة اعلى طبعا من 90 وكانوا رابطين الحزام وعندهم ايرباج

دى بتبقى حسب ظروف الحادثه بس اكيد لو العربيتين عملوا نفس الحادثه بنفس الظروف وعربيه واخده 5 نجوم والتانيه 4 او 3 , الخمس نجوم هايبقى ضررها اقل للركاب

وطبعا كله بستر ربنا

طيي انت دلوقتى جايب موديلات الجيل السابع واخدة اربع نجوم قصادها هيونداى فى نفس السنة وخدة كام 3 نجوم ونجمتين

3 نجوم ونجمتين ؟ دا بالنسبه لانهى موديل بالظبط فى هيونداى وفى اى سنه ؟

( انت بقى لو هتجيب بالموديلات يبقى توقف كل موديل قصاد الموديل اللى نازل قدامة او على الاقل اللى قبل منة

تمام المفروض نراعى النقطه دى فى حالة المقارنه بين موديلين ( مع ان الكلام دايما ان شركة هوندا عظيمه وسابقه زمانها فى كل حاجه فعيب ان يبقى تقييمها زى الكورى بس ما علينا )

انا لما قولت السيفيك 2006 و 2007 جابت 4 نجوم مقصدتش اقارنها بموديل حديث فى هيونداى , انا بس حبيت اقولك ان ال 5 نجوم مش حاجه سهله حتى لو عالسرعه اللى انت شايفها قليله

وعلى فكره كل موديلات هيونداى من 2008 بتاخد 5 نجوم

هوندا برضه اول عربيه فى تاريخها تاخد 5 نجوم كانت الليجند 2007 وبعدها الاكورد فى 2008 ومن ساعتها بتاخد برضه 5 نجوم

دلوقتى هوندا سيفيك من اول الجيل الثامن واخدة خمس نجوم اية بقى مشكلتك ؟؟؟؟؟؟؟

معنديش مشكله هما فعلا اختبروها بعد كدا فى 2009 وخدت 5 نجوم بس بنسبه ضعيفه اوى 79%

معلش ياباشا انت بلدك مش ماشية على القانون فى الخارج بتبقى السرعة القانونية محددة واللى بيتعداها بيتلقط على طول لكن هنا ولا رادار ولا سرعة ولا اى حاجة واقل سرعة الواحد بيمشى عليها 120 كيلو ( شوف الحوادث اللى على الدائرى كل يوم الاسعاف رايح جاى وعربيات جديدة وواخدة خمس نجوم واصحابها بيتاخدوا على المستشفى ربنا يشفيهم يارب ويكفينا شر الحوداث

ولو انت عايز تتأكد اكتر ماكانوش عملوا اختبارات حوادث لسرعة فوق ال100 او خبطات وش فى وش عشان يعرفوا مقدار الخبطة

وبردة عشان تبقى عارف ان الانظمة اللى فى السيارة بيبقى ليها نقاط فى الاختبار دة لو مش موجود بتنزل فى الاختبار وطبعا لو هما اختبروا العربيات اللى بتنزل من غير وسائل امان هيدوها نجمتين مش 5 نجوم

للاسف انتوا فية حاجات كتير كل مابتتكلموا عليها بحس انكوا بتاخدوا كلامهم ثقة مابعدها ثقة وبتلغوا اللى بتشوفوة والتجارب اللى بتحصل قدامكوا

معلش انا برضه مش فاهم انت عايز تقول ايه ؟

اختبارات الامان مش مهمه طب المفروض ايه اللى مهم

يعنى لو عربيه فيها 6 ايرباج و ESP و Abs Ebd وغيره من الوسائل هاتبقى زيها زى العربيه الفاضيه فى الحادثه ولا ايه

اكيد لأ

ال ABS EBD TCS ESP وسائل بتساعدك انك تتحكم فى العربيه اكتر وتتفادى وقوع الحادثه او الخبطه اصلا

لو معرفتش وهاتخبط ييجى دور الايرباجز اللى بتحميك وانت جوا

الكلام دا والمفروض انك ماشى سليم , لان مش مبرر انى اجرى ليل ونهار على 200 واقول مانا معايا 5 نجوم

دا الخمس نجوم دول عشان يحموك عشان لو لاقدر الله لو حصلك حادثه غصب عنك

لكن لو واحد متهور وغلطان وكمان عربيته مفيهاش ايرباجز او فيها واحده او اتنين بالكتير ودول اغلب اللى بيعملوا حوادث اللى بتشوفهم عالدائرى ماهو لازم يطلعوا على المستشفى