كالعادة ... هيونداى i30 الجديدة تحصل على 5 نجوم فى اختبارات الأمان EuroNCAP

اللادا على سرعة 64

Crash test most popular Russian car vaz2107 - YouTube

موديل كام السيفيك دى ؟

Honda Civic old model crash test (DEATH TRAP) - YouTube

اقتباس:

---

المشاركة الأصلية كتبت بواسطة Hosam_Optrawy

اللادا على سرعة 64

Crash test most popular Russian car vaz2107 - YouTube

---

اقتباس:

---

المشاركة الأصلية كتبت بواسطة Hosam_Optrawy

موديل كام السيفيك دى ؟

Honda Civic old model crash test (DEATH TRAP) - YouTube

---

ياباشا انت جايب عربيات قديمة لية المفروض حضرتك تبقى عارف ان السيارات القديمة فى الصدمات الضعيفة بتدمر اللى قدامها , لكن فى الصدمات على سرعة عالية هية اللى بتدمر لان مافيهاش collapse of self zone

وعموما ياباشا بالنسبة للعربية التانية المفروض ان دية سيفيك هاتشباك موديل 1992 بس حضرتك لو دخلت على ال crach test هتلاقى السيفيك الموديل دة واخد اربع نجوم فى التصادم للسائق وفى مواقع تانية واخدة ثلاث نجوم , واربع نجوم للراكب اللى جنب السائق , واربع نجوم للركاب الخلفيين النتيجة مش عارف طلعت ازاى وامتى بالطريقة دية بس عموما ياريت لو تعرف مجريات الاختبار لان الكلام دة عمرة ماحصل فى سيفيك ابدا ولا فى هوندا عموما والدليل ان العربية منتشرة جدا فى اوروبا وامريكا والتقيمات عليها خيالية والعربية واخدة 9 \10 واصعب مواقع فى الاختبارات واخدة 8.5 \10 طبعا داخل فيهم التقييم

وبردة بالمناسبة كنا راجعين من بورسعيد كانت عربية سيفيك 1993 عاملة حادثة وش فى وش مع عربية نص نقل والحمد لله صاحبها لم يصب بأى اذى نهائى كان واقف عادى وطلب الانقاذ عشان يرفع السيارة والعربية وشها اتدمر تماما وكابينة القيادة بالقوائم لم تتحرك من مكانها حتى وفية ثلاثة شهود على الكلام دة ودية حادث واقعى

وعلى فكرة انت دخلت الهوندا فى الموضوع مع ان دة اصلا مش موضوعنا واحنا مش بنقارن عربيات بس شكلك اتزنقت فى الاجابات فقولت احول مسار الموضوع صدقنى لو جيبتلك عربيات هيونداى وكيا هتلاقيهم متبهدلين بس ربنا ستار حليم هههههههههه


ادخل بردة على اى موقع اكتب بس honda civic fifth generation هتشوف كمية الريفيوهات عن العربية وتقيمهم ليها اللى مخدتوش عربية كورى موديل حديث

وبردة انا عند كلامى مش هيتغير من اللى بشوفة فى الواقع

شكرا علي التوبيك ياحسام باشا ...
العالم كله غير فكرة الصاج الأتقل هو الأكثر أمان ...
.

اقتباس:

---

المشاركة الأصلية كتبت بواسطة semsem kane

ياباشا انت جايب عربيات قديمة لية المفروض حضرتك تبقى عارف ان السيارات القديمة فى الصدمات الضعيفة بتدمر اللى قدامها , لكن فى الصدمات على سرعة عالية هية اللى بتدمر لان مافيهاش collapse of self zone

---

مش العربيات القديمه دى اللى انت لسه قايللى عليها انها جامده وبتتقلب واللى جواها مبيحصلوش حاجه

اقتباس:

---

وعموما ياباشا بالنسبة للعربية التانية المفروض ان دية سيفيك هاتشباك موديل 1992 بس حضرتك لو دخلت على ال crach test هتلاقى السيفيك الموديل دة واخد اربع نجوم فى التصادم للسائق وفى مواقع تانية واخدة ثلاث نجوم , واربع نجوم للراكب اللى جنب السائق , واربع نجوم للركاب الخلفيين النتيجة مش عارف طلعت ازاى وامتى بالطريقة دية بس عموما ياريت لو تعرف مجريات الاختبار لان الكلام دة عمرة ماحصل فى سيفيك ابدا ولا فى هوندا عموما والدليل ان العربية منتشرة جدا فى اوروبا وامريكا والتقيمات عليها خيالية والعربية واخدة 9 \10 واصعب مواقع فى الاختبارات واخدة 8.5 \10 طبعا داخل فيهم التقييم

---

واخده 4 نجوم و 3 نجوم فين دا ؟؟

اقدم تقييم للسيفيك عال EuroNCAP كان للجيل السادس موديل 98 وخدت نجمتين ونص بحالهم ماشاء الله , طبعا نتيجة تكسف


Euro NCAP | Honda Civic | 1998 | Crash test - YouTube


مفيش تقييم تانى لموديلات اقدم سواء الجيل الخامس او غيره لا فى اوروبا ولا امريكا , ومن غير تقييم اديك شوفت الفيديو اللى فوق ال 92 الهاتش العربيه اتفرمت ( مش مهم ) واللى جواها اتفرم ( ودا الاهم )

اقتباس:

---

وبردة بالمناسبة كنا راجعين من بورسعيد كانت عربية سيفيك 1993 عاملة حادثة وش فى وش مع عربية نص نقل والحمد لله صاحبها لم يصب بأى اذى نهائى كان واقف عادى وطلب الانقاذ عشان يرفع السيارة والعربية وشها اتدمر تماما وكابينة القيادة بالقوائم لم تتحرك من مكانها حتى وفية ثلاثة شهود على الكلام دة ودية حادث واقعى

---

كل حادثه وليها ظروفها

اقتباس:

---

وعلى فكرة انت دخلت الهوندا فى الموضوع مع ان دة اصلا مش موضوعنا واحنا مش بنقارن عربيات بس شكلك اتزنقت فى الاجابات فقولت احول مسار الموضوع صدقنى لو جيبتلك عربيات هيونداى وكيا هتلاقيهم متبهدلين بس ربنا ستار حليم هههههههههه

---

مش باقارن ولا اتزنقت ولا حاجه مانا باجاوب اهو :) انا بس حبيت اديك فكره عن العربيات القديمه , وبرضه بما انك راجل هونداوى سيفيكاوى اصيل قولت اديك فكره عن امانها برضه :):):)

وبعدين نتايج هيونداى وكيا موجوده مش سر , اسوأ نتيجه لهيونداى كانت للاكسنت 98 خدت نجمه ونص , وبعد كدا الاتوس 2000 والالنترا 2001 خدوا 3 نجوم , ومن 2002 باقى العربيات 4 نجوم ومن 2008 كل العربيات 5 نجوم

كيا اسوأ نتيجه ليها كانت الكرنفال نجمتين , وبعد كدا البيكانتو 2004 والسيراتو 2006 خدوا 3 نجوم , والباقى 4 و 5 الى يومنا هذا

لو هانقارن بقى زى مابتقول , هوندا اول مره فى حياتها تشم الخمس نجوم كان فى 2007 و 2008 فى عربيات كبيره Legend و Accord , مش عيب برضه عالهوندا اللى سابقه زمانها واوانها والتوب بتاع اليابانى الذى لا يقارن

اقتباس:

---

ادخل بردة على اى موقع اكتب بس honda civic fifth generation هتشوف كمية الريفيوهات عن العربية وتقيمهم ليها اللى مخدتوش عربية كورى موديل حديث

---

انا ماليش دعوه بالريفيوهات انا عايز تقييم Crash Test

اقتباس:

---

وبردة انا عند كلامى مش هيتغير من اللى بشوفة فى الواقع

---

براحتك

اقتباس:

---

المشاركة الأصلية كتبت بواسطة Taiwo

شكرا علي التوبيك ياحسام باشا ...
العالم كله غير فكرة الصاج الأتقل هو الأكثر أمان ...
.

---

العفو ياباشا

اقتباس:

---

المشاركة الأصلية كتبت بواسطة semsem kane

معلش ياجماعة انا لية رأى اخر ولاول مرة يافورميولاتر هختلف معاك بس هو اختلاف بسيط يعنى مش جامد اوى يعنى بس الاول هرد على حسام باشا

فورميولاتر باشا : بالنسبة لصاج ال 307 معلش انا المديرة بتاعتى معاها ال307 وواحد ريحلها على الرفرف بعربية وجت الشغل والرفرف مكسور وكانت راكنة جنبى فى باركينج الشغل وببص على الرفرف لقيت حاجة غريبة جدا اول مرة اشوفها فى حياتى فى عربية الرفرف فبر سهل الكسر بالايد يعنى انا بعمل كدة بأيدى على بقية الاجزاء بتاعة الرفرف لقيتة بيتنى فى ايدى شوف خاماتة زى خامة الاكصدام بس خامة ناشفة سهلة الكسر وفعلا انت و شوفت الرفرف هتلاقى حتة من مكسورة مش موجودة اصلا فطبعا الرفرف اتغير ودة اثبتلى انة تعبان جدا وعلى فكرة دة رفرف الفابركية العربية كانت لسة ماكملتش معاها 5 شهور

ههههههههههههه
عادى يا باشا، والـ308 كده.. والـBM 316i كوبيه كده (مش فاكر السيدان رفارفها صاج ولا فيبر)،
مش عايز أقولك ان دى Option كمان؟؟ :F_eyeb1[1]:
يعنى ممكن تلاقى الرفرف الفيبر تكلفته أعلى عـ المصنع.. وبالنسبة للعميل: تقليل الوزن فـ الأمام = هاندلينج أحسن + استهلاك بنزين أقل؟؟!!!
(بس أنا عن نفسى كـ سواق مصرى؛ أفضل الرفرف الصاج :wink01:.. زى بتاع الجولف والبرافو)

دى مالهاش أى علاقة بالأمان وصلابة البودى (الـStructure) بتاع العربية..
- المهم... اللى انت قولته ده:


اعتقد الفرق مابينهم هيكون فى ال arms اللى متركبة فى الابواب ممكن تلاقيها وممكن ماتلاقيهاش + الفينش بتاع العربية والتقفيل فى الشاسية , كلحامات وكدة ,

---

هو ده الكلام..
البارات والدعامات اللى تحت الرفرف، ولحاماتها فـ الصدر والشاسيه عاملة إزاى؟؟!!!
الهيكل كله كـ Architecture وتماسك/integrity.. معمول Monocoque ولا لأ، الـPanels ملحومة فـ الـCell ليزر ولا لأ؟؟ وكده...
هى دى العوامل اللى بتحكم على تصرف العربية فـ التصادمات.

اقتباس:

---

المشاركة الأصلية كتبت بواسطة Hosam_Optrawy

اولا انا ماقولتش اجمد انا اتكلمت بالتحديد على نقطه معينه وهى التصادم الجانبى

ثانيا مينفعش تحكم على حاجه ولا شوفتها ولا جربتها اللى هو الهيونداى الاوروبى اللى بتتريق عليه

ماهو فيه حاجات مابتتغيرش يا حسام..؟!!
الشاسيهات وكثافة الصاج بتاع الـPanels، وكذلك الـStructure بتاع الـCell (البودى).. دى ثابته أوروبى كورى مصرى.. هى واحد.

لكن اللى بيختلف هو الـActive-Safety Measures.. يعنى الإيرباجز والـABS+EBD والـESP والألارمات ووو...etc التجهيزات دى.

أنا اللى مستغربله هو: فقط التعزيزات دى.. هى اللى بتخلى العربية تـRate أعلى فـ الإختبارات؟؟!!! :chirol_bak1:


ثالثا ومع احترامى ليك ولخبراتك وتجاربك , اخد بكلامك ولا بال EuroNCAP , مع كامل احترامى وتقديرى وانت عارف

---

لأ خد بكلامى، ونفض للـEuroNCAP.. دول مش هينفعوك يامان.
ههههههههههههههههه :36_1_1[1]:،
حبيبى... :F_eyeb1[1]:

اقتباس:

---

المشاركة الأصلية كتبت بواسطة Hosam_Optrawy

وبعدين نتايج هيونداى وكيا موجوده مش سر , اسوأ نتيجه لهيونداى كانت للاكسنت 98 خدت نجمه ونص , وبعد كدا الاتوس 2000 والالنترا 2001 خدوا 3 نجوم , ومن 2002 باقى العربيات 4 نجوم ومن 2008 كل العربيات 5 نجوم

كيا اسوأ نتيجه ليها كانت الكرنفال نجمتين , وبعد كدا البيكانتو 2004 والسيراتو 2006 خدوا 3 نجوم , والباقى 4 و 5 الى يومنا هذا

---

أهو الكلام ده يابوب بيخلينى أعيد نظر وأشك فـ عدد النجوم بتاع الـEuroNCAP؟؟؟!!
يبقى المفروض يوسعوا الـScale شوية، مايقفلوش على 5-نجوم فقط.. يخلوها 7 أو 10 نجوم، وساعتها نشوف بقى (دقة أكثر فـ التقييم). :majd(2):

على كده الفولفو الـ244GL القديمة لو ركبلها كام أيرباج.. هتاخد 12 نجمة؟؟!!!
أهااااااااااهاهاهاها ههههههههههههههههه :new:
Rgds،

اقتباس:

---

المشاركة الأصلية كتبت بواسطة Hosam_Optrawy

مش العربيات القديمه دى اللى انت لسه قايللى عليها انها جامده وبتتقلب واللى جواها مبيحصلوش حاجه

هو انت عندك شك انها جامدة جرب كدة عربية قديمة تدخل فى عربية جديدة وشوف اية اللى هيحصل لكن كسرعة هيبقى المتضرر الاتنين بس القديم الشاسية بتاعة هيتدمر

ودة اللى حصل انا مش هتضحك عليك انا حكيتلك موقف حصل لواحد صاحبى والعربية كنت قدامى وكنا بنصلحها مع بعض



واخده 4 نجوم و 3 نجوم فين دا ؟؟

اقدم تقييم للسيفيك عال EuroNCAP كان للجيل السادس موديل 98 وخدت نجمتين ونص بحالهم ماشاء الله , طبعا نتيجة تكسف

انا ماردتيش احط التقرير دة من الاول عشان عارف انك هتنقدة على فكرة دية الاختبارات الامريكية

http://i1271.photobucket.com/albums/...ntitled-11.jpg



Euro NCAP | Honda Civic | 1998 | Crash test - YouTube


مفيش تقييم تانى لموديلات اقدم سواء الجيل الخامس او غيره لا فى اوروبا ولا امريكا , ومن غير تقييم اديك شوفت الفيديو اللى فوق ال 92 الهاتش العربيه اتفرمت ( مش مهم ) واللى جواها اتفرم ( ودا الاهم )

الاجابة : انظر المشاركة السابقة

كل حادثه وليها ظروفها

طبعا بس دة الطبيعى وربنا يكفينا ويكفيكوا شر الحوادث


مش باقارن ولا اتزنقت ولا حاجه مانا باجاوب اهو :) انا بس حبيت اديك فكره عن العربيات القديمه , وبرضه بما انك راجل هونداوى سيفيكاوى اصيل قولت اديك فكره عن امانها برضه :):):)

افتخر انى هونداى والحمد لله عارف امانها كويس جدا وكفاية ان سايق سيارة من افضل سيارات العالم من حيث الثبات والامان والاعتمادية والمحركات والكل عارف كدة كويس

وبعدين ياباشا تدينى فكرة على الامان على اساس انى ماعرفش كل حاجة عن العربية مثلا

وبعدين نتايج هيونداى وكيا موجوده مش سر , اسوأ نتيجه لهيونداى كانت للاكسنت 98 خدت نجمه ونص , وبعد كدا الاتوس 2000 والالنترا 2001 خدوا 3 نجوم , ومن 2002 باقى العربيات 4 نجوم ومن 2008 كل العربيات 5 نجوم

معلش ياباشا بلا هيونداى بلا كيا العربيات انا بشوفلها حوادث تريحات عبيطة الاقى بس العربية الشبكة بالفانوسين بالاكصدام بالكابوت بالرفارف دخلوا لجوة وصاحبها يغنوا ظلموة ويفضل واقف قدامها ربع ساعة بيفكر هيصلح العربية ازاى ربنا يكون فى عونة , لانكوا بتقولوا قطع الغيار رخيصة مع انها غالية جداااااااااااااا

كيا اسوأ نتيجه ليها كانت الكرنفال نجمتين , وبعد كدا البيكانتو 2004 والسيراتو 2006 خدوا 3 نجوم , والباقى 4 و 5 الى يومنا هذا

لو هانقارن بقى زى مابتقول , هوندا اول مره فى حياتها تشم الخمس نجوم كان فى 2007 و 2008 فى عربيات كبيره Legend و Accord , مش عيب برضه عالهوندا اللى سابقه زمانها واوانها والتوب بتاع اليابانى الذى لا يقارن


راجع التقرير اللى فوق وانت تعرف بس ان الهوندا معدية من زمااااااااااااااااااااااا اااان


انا ماليش دعوه بالريفيوهات انا عايز تقييم Crash Test

ياباشا ال crash test معروفة من زمان لو السيفيك فعلا زى مانت بتقول كدة ماكنتش دخلت السوق الامريكى ولا انتشرت الانتشار دة كلة وخدت كمان سيارة العام اللى هية الهاتشباك اللى حضرتك جايبها
وبردة ماقولتليش فين الموقع بتاع الفيديو بتاع السيفيك عشان نعرف معلوماتة مايمكن دة اختبار على سرعة 150 كم ولا حاجة

---

طيب ياجماعة الخير انا بقول نعيش في اوروبا بقى او امريكا عشان نستمتع بالكوري اللي هناك
لأنه 180 درجه عن الكوري اللي هنا وده شئ معروف مع احترامي للجميع !!!
يعني انا مش فاهم ايه علاقة اي نيو الانترا هنا في مصر باللي في امريكا مثلا او كوريا عشان نستشهد بيها !!!!

جزئية الأمان ياجماعه التقييم مش بيكون بناء على العربيه اتكسرت قد ايه ما اكيد لما تتخبط هتتكسر
التقييم بيكون على حاجات تانيه, مثلا بعد الخبطه الباب هيفتح ولا لأ (ودي أمان لاقدر الله لو السائق مثلا اغمى عليه والانقاذ عايزين يطلعوه بدل مايقصو الصاج هياخد وقت اطول, الايرباجز ليها درجه, لحامات الشاسيه وشكله بيمتص الصدمه قبل ماتوصل المقصوره ولا لأ, كده يعني)

اما بالنسبه لجزئية ان كللنا في الهوا سوا, لأ وبالرغم من غلاء كل العربيات في مصر
الا ان الشركات المحترمه مابتديش الوكيل في اي بلد range يقلل من الامكانيات او ال safety بمزاجه في حاجات اساسيه الشركه مش هتعملها للتوكيل لو وقف على راسه !!!
انما في هيونداي مثلا, شيل كل حاجه وحطلهم جنوط والناس هتدفع وهي متكيفه وعال العال :) :)

اقتباس:

---

المشاركة الأصلية كتبت بواسطة abdulkhaleq

طيب ياجماعة الخير انا بقول نعيش في اوروبا بقى او امريكا عشان نستمتع بالكوري اللي هناك
لأنه 180 درجه عن الكوري اللي هنا وده شئ معروف مع احترامي للجميع !!!
يعني انا مش فاهم ايه علاقة اي نيو الانترا هنا في مصر باللي في امريكا مثلا او كوريا عشان نستشهد بيها !!!!

جزئية الأمان ياجماعه التقييم مش بيكون بناء على العربيه اتكسرت قد ايه ما اكيد لما تتخبط هتتكسر
التقييم بيكون على حاجات تانيه, مثلا بعد الخبطه الباب هيفتح ولا لأ (ودي أمان لاقدر الله لو السائق مثلا اغمى عليه والانقاذ عايزين يطلعوه بدل مايقصو الصاج هياخد وقت اطول, الايرباجز ليها درجه, لحامات الشاسيه وشكله بيمتص الصدمه قبل ماتوصل المقصوره ولا لأ, كده يعني)

اما بالنسبه لجزئية ان كللنا في الهوا سوا, لأ وبالرغم من غلاء كل العربيات في مصر
الا ان الشركات المحترمه مابتديش الوكيل في اي بلد range يقلل من الامكانيات او ال safety بمزاجه في حاجات اساسيه الشركه مش هتعملها للتوكيل لو وقف على راسه !!!
انما في هيونداي مثلا, شيل كل حاجه وحطلهم جنوط والناس هتدفع وهي متكيفه وعال العال :) :)

---

+111111111111

اؤيدك بشدة فعلا هو دة اللى بيحصل

اقتباس:

---

المشاركة الأصلية كتبت بواسطة formulator

أهو الكلام ده يابوب بيخلينى أعيد نظر وأشك فـ عدد النجوم بتاع الـeuroncap؟؟؟!!
يبقى المفروض يوسعوا الـscale شوية، مايقفلوش على 5-نجوم فقط.. يخلوها 7 أو 10 نجوم، وساعتها نشوف بقى (دقة أكثر فـ التقييم). :majd(2):

على كده الفولفو الـ244gl القديمة لو ركبلها كام أيرباج.. هتاخد 12 نجمة؟؟!!!
أهااااااااااهاهاهاها ههههههههههههههههه :new:
rgds،

---

ماشى ياكبير

بس انا مش معاك فى الموضوع ال 12 نجمه , لان زى ما انت اكيد عارف ان هما مش بيقولوا 5 نجوم كدا خلاص , بيقولوا تقييم كامل بالنقط ونسبة مئويه

يعنى عربيتين واخدين 5 نجوم مثلا , واحده خدت فى التصادم الامامى 80 % والتانيه 95 % , الاتنين اسمهم 5 نجوم بس ال 95 اكيد احسن