سؤال مهم في القشقاي

**a_salah** · 23-05-2012 05:11 PM

تحية طيبة لاخواتي في المنتدي ومحبي قسم نيسان
بصراحة انا ميال كتير للقشقاي ولكن خايف من السقف البانوراما احسن الاطفال في شوارعنا يحدفوا طوبة و اي حاجة تقع عليه يتكسر وقرأت في احد الحوارات في المنتدي ان ثمن السقف البانوراما 13000 جنية وده كده غالي جدا.
مع انه هيخلي شكل العربية حاجة ثانية بس يخوف
ما راي حضرتكم مع جزيل الشكر

**DarkMagician** · 23-05-2012 05:14 PM

بص يا باشا السقف مش زي ما انت متخيل انو طوبة توقعو هو قزاز بس ماشاء الله مقوى وحضرتك حتى ممكن تروح المعرض وتشوفو بنفسك

وبصراحة لو طوبة نزلت على سقف عادي من حديد حتضطر تغير قشرة سقف اما ميزة البنانوراما انو حتى لا قدر الله لو اتغير مش حيعيبلك العربية مجرد قزاز عادي واتغير

**Dr'AhmZZong** · 23-05-2012 05:56 PM

المشاركة الأصلية كتبت بواسطة DarkMagician

بص يا باشا السقف مش زي ما انت متخيل انو طوبة توقعو هو قزاز بس ماشاء الله مقوى وحضرتك حتى ممكن تروح المعرض وتشوفو بنفسك

وبصراحة لو طوبة نزلت على سقف عادي من حديد حتضطر تغير قشرة سقف اما ميزة البنانوراما انو حتى لا قدر الله لو اتغير مش حيعيبلك العربية مجرد قزاز عادي واتغير

**Ahmed.TV** · 23-05-2012 07:35 PM

اولا حضرتك قريت فين ان ثمن سقف البانوراما للقاشقاى ب13 الف .. ممكن يكون ب1300 او حتى ب2000 جنيه ومع انه غالى .. لان لسه العربية مش انتشرت ولو انتشرت حتلاقيه بره التوكيل كتير لكن مش ب13 الف جنيه
وكمان زى ما قالك اسامة .. انا عندى اجيب سقف زجاج ب2000 جنيه .. احسن بدل ما ارش السقف .. ودى وجهة نظرى

وبعدين السقف تقريبا مش اقل من 8 ملى وممكن اكتر .. فمش اى حاجة بسهولة تكسره .. وبعدين بردوا انت وحظك طبعا .. وساعة القدر محدش يقدر يمنعه .. حتى لو كان صاج